Réttur - 01.10.1974, Blaðsíða 2
kaupkúgun til að gerast fótaþurrka innrásarhersins á Vellinum, betlandi
um að fá að byggja yfir morðingjaherinn frá Víetnam fyrir peninga Water-
gatelýðsins í Washington. Og í viðbót við þetta hafa svo ystu hægri menn
stjórnarflokkanna hafið áróður fyrir því að fossaafl og orka Islands sé ofur-
seld erlendum auðhringasamsteypum um aldur og ævi. Hætturnar af áfram-
haldandi setu þessarar ríkisstjórnar fyrir land og þjóð, fyrir alþýðu dagsins
í dag og komandi kynslóðir, aukast því með hverjum degi.
Verkalýðssamtökin verða að gera sér Ijóst að til þess að hrinda árásum
ríkisstjórnarinnar á atvinnu og lífskjör, duga ekki neinar einfaldar vorl1;-
fallsaögerðir, svo óhjákvæmilegar sem þær kunna að verða. Braskarastjórnin
svarar þeim með verðhækkunum og gengislækkunum og stelur þannig sam-
tímis af kaupi starfsstéttanna og verðgildi lífeyris- og atvinnuleysistrygg-
ingasjóðanna sem samtökin eiga.
Vinnandi stéttirnar verða því með alhliða baráttu sinni að knýja fram ger-
breytingu á atvinnu- og verslunarrekstrinum í landinu, niðurskurð á þeirri
yfirbyggingu sem hvílir sem mara á alþýðu manna, — það verður að ryðja
burt afætuhættinum, óreiðunni og svindlinu í íslensku atvinnulífi, — og
þetta allt verður að vera verk vinnandi stéttanna sjálfra. Aðrir gera það
ekki. Og alþýða íslands verður að vera reiðubúin að yfirtaka atvinnurekst-
urinn sjálf, og reka hann, ef yfirstéttin hótar að hætta, fái hún ekki gróða
sinn, óstjórn og óreiðu tryggða á kostnað alþýðu og ábyrgð ríkisins. Yfir-
stétt íslands hefur alltaf verið duglegust við að láta allt drabbast niður, sigla
öllu í strand. Það væri því ekki í fyrsta sinn, sem alþýðan yrði að taka
sjálf til sinna ráða til þess að hindra að þjóðarskútan sökkvi undan ofhleðslu
og vegna óreiðu brask-stjórnanna.
Verklýðshreyfingin þarf nú öll að skilja sinn vitjunartíma. Geri hún það ekki
bregst hún vinnandi stéttum landsins á úrslitastund.
★ ☆ ★
Með þessu hefti Réttar fylgir að vanda í auglýsingaörk efnisyfirlit yfir tvo
síðustu árganga, ekki síst fyrir þá sem láta binda hann inn. Það slys varð
í heftingu á 2. hefti þessa árgangs að nær var skorið lesmáli en skyldi og
er því hætta á að erfitt sé að binda það hefti. Þeir áskrifendur, sem láta
binda inn, gætu því fengið annað hefti í staðinn, Ijósprentað og rétt skorið,
með því að skrifa eftir því fyrir marslok til ritstjórans, Hrefnugötu 2, Reykja-
vík. Verður það þá sent til þeirra.
Áskrifendum Réttar hefur fjölgað allmikið á þessu ári og kann Réttur vel-
unnurum sínum þakkir fyrir áhuga þeirra og tryggð. En betur má, ef duga
skal. Verðhækkanir þær, sem yfir dynja, gera að líkindum óhjákvæmilegt
að hækka enn áskriftarverð á næsta ári, en reynt verður að stilla því i hóf
að vanda. En aukning áskrifenda er jafn nauðsynleg fyrir því.