Morgunblaðið - 24.10.2006, Blaðsíða 21

MORGUNBLAÐIÐ ÞRIÐJUDAGUR 24. OKTÓBER 2006 21
SUÐURNES
Ég hef
starfað...
...með einstaklega góðu fólki í
Sjálfstæðisflokknum um margra
ára skeið. Á þeim tíma hef ég
öðlast dýrmæta reynslu og í ljósi
hennar hef ég mótað mér skýra
sýn á þeim viðfangsefnum sem ég
tel brýnust á komandi árum. Fyrir
störfum mínum og áhersluatriðum
geri ég grein á vefsetri mínu og í
bæklingi sem nú hefur verið dreift
til sjálfstæðismanna í Reykjavík.
Ég hef beitt mér á ýmsum
sviðum í störfum mínum á
Alþingi á undanförnum árum.
Þar hef ég lagt sérstaka áherslu
á heilbrigðismál sem ég er
sannfærð um að eru undirstaða
velferðarsamfélags okkar og
samkeppnishæfni á komandi
árum.
Mér þætti vænt um stuðning þinn
til áframhaldandi verka.
PRÓFKJÖR SJÁLFSTÆÐISFLOKKSINS
Í REYKJAVÍK FER FRAM DAGANA
27. OG 28. OKTÓBER
www.astamoller.is
LANDIÐ
Suðurland | Mikil aðsókn hefur ver-
ið í tölvunámskeið fyrir byrjendur
sem haldin eru um þessar mundir á
vegum Sunnan3 verkefnisins og
sveitarfélaganna Árborgar, Hvera-
gerðis og Ölfuss. Námskeiðin eru
hluti af átaki í að auka tölvulæsi og
tölvunotkun almennings.
Námskeiðin eru ætluð fólki á öll-
um aldri til að læra á rafrænt þjón-
ustutorg sem sveitarfélögin þrjú
reka undir merkjum Sunnan3. Auk
þess verður farið yfir notkun tölvu-
pósts, netsins, ritvinnslu og grunn-
þætti tölvunar. Námskeiðin eru því
sérsniðin fyrir þá sem hafa litla
reynslu af tölvum en hafa áhuga á
því að stíga sín fyrstu skref.
Alls hafa 100 manns skráð sig á
námskeiðin og hefur orðið að fjölga
þeim. Viðbótarnámskeið eru haldin í
þessari viku.
100 vilja
læra á tölvu
Eftir Helga Bjarnason
helgi@mbl.is
Mýrdalur | Skólaárið í Grunnskóla
Mýrdalshrepps í Vík verður helgað
skólasögu í víðum skilningi. Tilefnið
er það að nú eru liðin 100 ár frá því
skólahald hófst í Vík. Var þessara
tímamóta sérstaklega minnst við há-
tíðardagskrá síðastliðinn laugardag.
Í vetur eru 72 nemendur í Grunn-
skóla Mýrdalshrepps. Að sögn Kol-
brúnar Hjörleifsdóttur skólastjóra
er skólinn vel búinn og gengur starf-
ið vel. „Eina áhyggjuefnið hjá okkur,
eins og víðar á landsbyggðinni, er að
fá kennara til starfa. Við höfum þó
verið heppin með fólk,“ segir Kol-
brún.
Gott að búa í Mýrdal
Kolbrún hefur verið skólastjóri í
25 ár. Hún réðist að Ketilsstaðaskóla
á árinu 1982, ásamt manni sínum
Símoni Þór Waagfjörð, þá nýútskrif-
uð úr Kennaraháskólanum og ætlaði
að vera þar í eitt ár. Það breyttist og
nú hafa þau búið á Ketilsstöðum í 25
ár. „Þetta hefur verið frábær tími og
sýnir hvað það er gott að búa þarna,“
segir Kolbrún. Víkurskóli og Ketils-
staðaskóli sameinuðust fyrir nokkr-
um árum og síðan hefur Kolbrún
verið skólastjóri Grunnskóla Mýr-
dalshrepps í Vík.
Haldið var upp á afmælið með af-
mælisveislu og hátíðardagskrá síð-
astliðinn laugardag. Nemendur og
gestir söfnuðust saman í gömlu
skólahúsi sem nú er hluti af félags-
heimilinu Leikskálum og þaðan var
gengið fylktu liði til íþróttahússins
þar sem veislan var haldin. Kolbrún
er ánægð með aðsóknina, telur að
um 200 gestir hafi komið.
Nemendur og kennarar bökuðu
afmælistertuna heima hjá sér og
komu hver með sinn bút og lögðu
saman þannig að úr varð stór og sér-
staklega skrautleg afmælisterta.
Nemendur og kennarar eru alls 100
þannig að fjöldi bútanna passar við
árafjöldann. Kolbrún segir að það
hafi verið hugmynd nemendanna að
standa svona að málum og það hafi
heppnast vel. Hún segir að það sé
ekki síst undirbúningurinn sem
nemendurnir vinni að sem gefi hátíð
sem þessari gildi.
Gamlir nemendur voru hvattir til
að koma. Elsti nemandinn, Ólafur
Pétursson sem er 97 ára, byrjaði að
skera frá öðrum enda tertunnar.
Einn af yngstu nemendunum, Jak-
obína Kristjánsdóttir sem er sex ára,
skar frá hinum endanum.
Allir bökuðu sinn bút
af afmæliskökunni
Morgunblaðið/Sævar Jónasson
Afmæli Ólafur Pétursson fékk það hlutverk að skera fyrstu sneið afmælis-
kökunnar. Hann er hér með Kolbrúnu Hjörleifsdóttur skólastjóra.
Þess er minnst að
100 ár eru liðin frá
því skóli hófst í Vík
Reykjanesbær | Glitnir mun veita
Listasafni Reykjanesbæjar fjár-
hagslegan stuðning næstu tvö árin.
Það gerir Reykjanesbæ kleift að
hafa endurgjaldslausan aðgang að
öllum söfnum bæjarins.
Glitnir hefur stutt Listasafnið á
undanförnum árum en eykur nú
stuðning sinn og telst aðalstyrktar-
aðili safnsins, að sögn Valgerðar
Guðmundsdóttur menningarfulltrúa
Reykjanesbæjar. Hún skrifaði undir
samninginn ásamt Unu Steinsdóttur
útibússtjóra Glitnis. Í samningnum
felst meðal annars að Glitnir mun
styrkja Listasafnið um eina milljóna
á ári í tvö ár og að ein sýning eða
verkefni af verkefnaskrá safnsins
verður tileinkað bankanum.
30 þúsund manns
Valgerður segir að aukinn stuðn-
ingur Glitnis geri bænum það kleift
að hafa frítt inn á öll söfn bæjarins.
Listasafnið er með sýningarsal í
Duushúsum og rekur auk þess önnur
söfn og sýningar í Duushúsum og er
því einnig endurgjaldslaus aðgangur
að þeim. Á þetta við um Bátaflota
Gríms Karlssonar og sýningu Popp-
minjasafns Íslands.
Segir Valgerður að þetta styrki
stoðir markaðssetningar Reykjanes-
bæjar. Þar sé fyrir ókeypis í strætó
og sömuleiðis fyrir börn í sund.
„Þetta er hluti af því að gera Reykja-
nesbæ fjölskylduvænan.“
Áætlað er að tæplega þrjátíu þús-
und manns hafi sótt söfnin á síðasta
ári. Ekki greiddu nærri allir að-
gangseyri, því með eru taldir þeir
sem sækja ýmsar samkomur og svo
nemendur sem fengið hafa frítt inn.
Vonast hún til að fleiri íbúar og
ferðafólk geti nú notið safnanna.
Frítt inn í
söfn Reykja-
nesbæjar
ÁÆLTAÐ er að 1.300 manns hafi
lagt leið sínar í kirkjurnar á Suð-
urnesjum í fyrradag, á menning-
ardegi í kirkjum. Er þetta í fjórða
skiptið sem slíkur menningardagur
er haldinn og hefur aðsókn aldrei
verið jafn góð, að sögn Kristjáns
Pálssonar, formanns Ferðamála-
samtaka Suðurnesja sem skipu-
leggur dagskrána í samvinnu við
kirkjurnar, Reykjanesbæ og fleiri.
Dagskráin hófst í Kálfatjarn-
arkirkju klukkan 10 að morgni
sunnudags og lauk í Keflavík-
urkirkju klukkan níu um kvöldið.
Mismunandi dagskrá var í kirkj-
unum átta þannig að þeir sem
áhuga höfðu gátu farið á milli og
notið samfelldrar dagskrár frá
morgni til kvölds. Kristján var einn
þeirra sem það gerðu, eins og í
fyrri skiptin sem menningardag-
urinn hefur verið haldinn, og er
ánægður með hvernig til tókst.
Hann segir að flestar kirkjurnar
hafi verið vel setnar og sumar full-
ar út úr dyrum. Einna mest var að-
sóknin að tónlistardagskrá í Ytri-
Njarðvíkurkirkju síðdegis. Þar
fluttu Rúnar Júlíusson, Einar Júl-
íusson og María Baldursdóttir vin-
sælustu dægurlögin úr Krossinum
og Stapanum á árunum frá 1960 til
1975. Þau slógu enn og aftur í
gegn. Þá segir Kristján að lítið
færri gestir hafi komið í Keflavík-
urkirkju um kvöldið en þar sungu
óperusöngvararnir Davíð Ólafsson
og Stefán Helgi Stefánsson létt lög.
Að þessu sinni náði menning-
ardagurinn í fyrsta skipti til
kirkna í öllu Kjalarnesprófasts-
dæmi.
Aldrei hafa fleiri sótt
menningardag í kirkjum
Morgunblaðið/Reynir Sveinsson
Verndarengill Leikgerð Guðrúnar Ásmundsdóttur um ævi Hallgríms Pét-
urssonar var frumflutt í Hvalsneskirkju. Guðrún er sjálf í hlutverki vernd-
arengils Hallgríms og Lára Sveinsdóttir leikur skáldið á unga aldri.
Í HNOTSKURN
»Menningardagur íkirkjum á Suðurnesjum
var haldinn í fjórða skiptið.
»Dagskrá var í áttakirkjum og talið er að
1.300 manns hafi notið.
»Sumir fóru á milli ogvoru því á ferðinni frá
klukkan 10 að morgni og
langt fram á kvöld.
Ljósmynd/Dagný Gísladóttir
Gleði Allir nutu tónlistardagskrár í
Njarðvíkurkirkju á sunnudag.
Selfoss | Siggeir Ingólfsson, yfir-
verkstjóri umhverfisdeildar Sveitar-
félagsins Árborgar, kom nýlega að
máli við séra Gunnar Björnsson og
þakkaði honum sérstaklega fyrir
hans hlut í að halda götum bæjarins
hreinum. Kemur þetta fram í frétt á
vef sveitarfélagsins.
Þar kemur fram að sóknarprest-
urinn hefur tínt rusl af götum bæj-
arins á leið sinni í Sundhöll Selfoss á
morgnana og losað það við Sundhöll-
ina. Þá heldur Gunnar fyrirlestra um
þessi mál í félagasamtökum og ræðir
þau við fermingarbörnin. Í fréttinni
er tekið fram að sem betur fer hafi
fleiri bæjarbúar snyrtimennskuna
að leiðarljósi.
Tínir rusl
af götunum
♦♦♦