Morgunblaðið - 09.11.2006, Blaðsíða 52

52 FIMMTUDAGUR 9. NÓVEMBER 2006 MORGUNBLAÐIÐ
Staðurstund
Guðjón Guðmundsson skrifar
um djassklúbbinn Múlann og
veitingastaðinn Domo í Þing-
holtsstræti. » 53
af listum
Bubbi situr á toppi Tónlistans í
þessari viku með plötuna
06.06.06. Jólalögin eru líka
farin að skríða upp listann. » 55
tónlistinn
Blaðamenn tímaritsins NME
elska Airwaves-tónlistarhátíð-
ina og gáfu henni heilsíðuum-
fjöllun í seinasta tölublaði. » 55
airwaves
Poppprinsessan Britney Spears
og eiginmaður hennar til
tveggja ára, Kevin Federline,
eru skilin. » 57
fólk
Smáskífan LazyTown Bing
Bang, sem íbúar Latabæjar
syngja inn á, er komin inn á veð-
málalista í Bretlandi. » 56
tónlist
Eftir Bergþóru Jónsdóttur
begga@mbl.is
Verkin eiga það sameiginlegt að lýsasig sjálf. Ljósið sem lýsir þau kemurinnan úr þeim sjálfum. Þannig ersambandinu milli verksins og rým-
isins kúvent,“ segir Katrín Sigurðardóttir
myndlistarkona, en sýning á verkum hennar
verður opnuð í Galleríi i8 í dag.
Það er kannski einhvers konar öfugmælav-
ísa, að verkin tvö inni í galleríinu lýsi upp rým-
ið, en ekki eins og við eigum að venjast að ljós-
inu í rýminu sé beint að þeim. Þessi aðferð
hlýtur að kalla á ýmiss konar heimspekilegar
vangaveltur um eðli ljóss og skugga – og rým-
is. Var manni ekki sagt í skóla að ekkert sæist
fyrr en ljósið kæmi langt og mjótt og gæfi því
líf? Maður hugsar að minnsta kosti ekki oft um
það hvers konar sjónarspil það yrði ef hægt
væri að slökkva á sólinni og lýsa hana upp með
birtu annarra hnatta. Ef til vill er sú samlíking
ýkt sýn á verk Katrínar, en gefur manni vissa
hugmynd um að verk hennar skoði áhorfand-
ann frekar en öfugt. „Það eru mikil skuggaskil
í báðum verkunum, og þótt hlutirnir séu litlir,
þá fylla þeir rýmið af ljósi og skuggum.“ Þriðja
verk Katrínar er utan á i8 og gestir ganga í
gegnum það þegar þeir koma inn.
Katrín býr og starfar í New York. Húnstundaði nám við Myndlista- og hand-íðaskóla Íslands og hélt síðar til
Bandaríkjanna þar sem hún stundaði fyrst
nám við San Francisco Art Institute og lauk
síðar MFA-gráðu við Rutgers University í
New Jersey. Í sumar var hún tilnefnd til ís-
lensku sjónlistaverðlaunanna fyrir sýningu
sína The Here and Now í Renaissance Society
í Chicago.
Katrín hefur látið sterkt að sér kveða á er-
lendum sýningarvettvangi á síðustu árum og
skapað sér nafn sem einn fremsti myndlist-
armaður Íslendinga á alþjóðlegum vettvangi.
Hún segir verkin sem hún sýnir í i8 nú óbeint
framhald af verkum sem hún sýndi fyrir um
áratug í Nýlistasafninu og víðar. „Þetta hefur
tekið sig upp aftur, – vinnan með ljós og
skugga … þetta er öðruvísi en það sem ég hef
verið að sýna upp á síðkastið. Reyndar var ég
líka að vinna með björt rými og dimm rými í
Listasafni Íslands 2004. Það er ákveðin til-
vísun í birtuna á Íslandi, björtu tímabilin og
þau dimmu.“
Verk Katrínar bera sterk höfund-areinkenni og margir þekkja lands-lagið hennar, þorpin og húsin – jafnvel
hús sem allir þekkja – sem hún setur fram í
hlutföllum sem kippa rýmisskynjun áhorfand-
ans út úr hversdagsleikanum í smæð sinni.
Þannig vekja verkin oft undarlega blöndu af
fjarlægðarþrá og andstæðu hennar, heimþrá.
The Green Grass of Home og röð verka undir
nafninu Farmur hafa verið sýnd víða um land á
síðustu 10 árum. Þessi verk eru ferðatöskur
eða flutningskassar, en innbyrði þeirra er jafn-
an smágert landslag. Í verkunum á sýningunni
í i8 er bæði að finna „katrínskan“ arkitektúr og
landslag. „Þau tengsl við eldri verk eru greini-
leg og augljós,“ segir hún.
„Ég hef alltaf haft áhuga á því hvernig
áhorfandinn skoðar sjálfan sig. Þegar ég set
töskur eða módel á gólfið sem áhorfandinn
stendur á getur skapast mjög óþægilegt sam-
band milli áhorfandans og verksins.“ Katrín
lýsir verki sem sýnt var hér heima en er nú á
sýningu í New York. Hún segir að það njóti sín
best þegar það falli bak við mynd af tveimur
áhorfendunum sem horfa hvor á annan.
„Vegna þess hve verkið sjálft er lítið verður sá
sem horfir með þér á verkið eins og risi.“
Fyrir skömmu opnaði Katrín sýningu í PS1
Contemporary Art Center í New York sem er
útibú frá MoMA, nútímalistasafni New York-
borgar. Sú sýning stendur fram í maí. Hún á
líka verk á sýningu í St. Louis, en það er sögu-
sýning á módelum, smámyndum og prótótýp-
um. Þar er verk hennar meðal listaverka eftir
heimsfræga listamenn, Kandinsky, Le Corbu-
sier, Duchamp og fleiri slíka. „Þetta er í fyrsta
sinn sem verk eftir mig er á alþjóðlegri sögu-
legri sýningu og það er ofsalega gaman. Ég
fékk smááfall þegar ég sá hverjir ættu verk
þarna,“ segir Katrín, en tekur dræmt í spurn-
inguna um hvort hún sjálf sé að verða heims-
fræg. „Myndlistin er svo skrýtin. Þetta er lítill
sporbaugur en fer mjög víða. Ég þarf ekki að
taka fram, að það er ekki markmið í sjálfu sér
að verða fræg, ég trúi ekki á hugtakið frægð.
Það sem skiptir mig máli er að geta haldið
áfram að skapa myndlist og finna fyrir svo-
litlum meðbyr svo það sé mögulegt.“
Blaðamaður segir Katrínu sögu af þvíþegar hann varð vitni að tali tveggjasmátelpna yfir verki hennar á sýningu
á Kjarvalsstöðum fyrir um áratug. Þær voru
heillaðar af því hvað það hlyti að vera gaman
að vera myndlistarmaður og geta búið til sín
eigin litlu hús. Atvikið kveikti vangaveltur um
það hver þáttur einskærrar gleði væri í sköpun
listamannsins. „Ég held að það sé margt af því
sem ég geri sprottið úr leik barns, – hvernig
sem á því stendur,“ segir Katrín, og tekur und-
ir það að krakkar hafi einmitt oft gaman af
verkum hennar. „Oft fær maður líka hreinustu
og sönnustu viðbrögðin frá þeim. En það er
auðvitað algjör bónus ef fullorðnum líkar einn-
ig við þau. Ég er heppin að verkin mín spretta
einhvern veginn af sjálfu sér og ábyggilega út
frá leik. Ég velti því ekki oft fyrir mér fyr-
irfram hvað gerist, og frekar að ég skilgreini
þau eftir á.“
Sýningin í i8 verður sem fyrr segir opnuð í
dag og stendur til jóla.
Kúvending „Ég hef alltaf haft áhuga á því hvernig áhorfandinn skoðar sjálfan sig,“ segir Katrín Sigurðardóttir myndlistarkona, en sýning á verkum hennar verður opnuð í i8 í dag.
Verk sem skoða áhorfandann
Listakonan „Ég held að margt af því sem ég geri sé sprottið úr leik barns,“ segir Katrín.