Morgunblaðið - 04.12.2006, Blaðsíða 10
10 MÁNUDAGUR 4. DESEMBER 2006 MORGUNBLAÐIÐ
FRÉTTIR
Eftir Berg Ebba Benediktsson
bergur@mbl.is
FJÓRAR konur og tveir karlar röð-
uðust í efstu þrjú sætin í forvali
Vinstrihreyfingarinnar – græns
framboðs til lista fyrir Reykjavík-
urkjördæmin tvö og Suðvesturkjör-
dæmi vegna alþingiskosninganna í
vor. Völdu kjósendur þrjá frambjóð-
endur í hvert sæti og síðar mun upp-
stillingarnefnd flokksins raða þeim
niður á lista. Flest atkvæði í fyrsta
sæti hlaut Ögmundur Jónasson
þingmaður en Katrín Jakobsdóttir,
varaformaður flokksins, og Kolbrún
Halldórsdóttir þingkona hlutu einn-
ig kosningu til að leiða listann í ein-
hverju kjördæmanna.
Flest atkvæði í fyrsta og annað
sætið hlutu Guðfríður Lilja Grétars-
dóttir, sagnfræðingur og formaður
Skáksambands Íslands, Álfheiður
Ingadóttir varaþingkona og Árni
Þór Sigurðsson borgarfulltrúi.
Verður kynjakvóta beitt?
Í reglum sem samþykktar voru
fyrir forvalið kemur fram að kosn-
ingu í annað sæti hljóti þeir þrír
frambjóðendur sem fái flest atkvæði
í fyrsta til annað sæti, þó þannig að
efstu tvö sæti listanna verði skipuð
þremur körlum og þremur konum.
Verði þessari reglu beitt er líklegt
að Álfheiður Ingadóttir, sem fékk
færri atkvæði en Guðfríður Lilja
verði færð niður í þriðja sæti á ein-
hverjum listanum og Gesti Svavars-
syni, sem fékk flest atkvæði í fyrsta,
annað og þriðja sæti í forvalinu,
verði gefinn kostur á að taka sæti
Álfheiðar. Ákveði Gestur að þiggja
ekki boðið, eins og hann hefur lýst
yfir, er ekki útilokað að uppstilling-
arnefnd bjóði næsta karlframbjóð-
anda sætið en það er Paul Nicolov.
Að sögn Svanhildar Kaaber, for-
manns kjörstjórnar, verður uppröð-
un á lista með þeim hætti að kjör-
stjórnin kemur saman og gerir
tillögu að þremur listum á grund-
velli kosninganna sem síðan þarf að
samþykkja á félagsfundi í hverju
kjördæmi fyrir sig. Spurð að því
hvort reglunni um jafnan fjölda
karla og kvenna í efstu sæti verði
fylgt og kona færð niður um sæti
segir Svanhildur að uppstillingar-
málin verði rædd á fundi kjörstjórn-
ar. „Kjörstjórnin ætlar að hittast
næst á miðvikudaginn kemur og þá
verður unnið í þessu,“ segir Svan-
hildur.
Á kjörskrá vegna forvalsins voru
1.796, greidd voru 1.093 atkvæði og
var kjörsókn því um 61%, 35 at-
kvæði voru auð eða ógild. Niður-
stöður forvalsins lágu fyrir um mið-
nætti á laugardaginn.
„Þetta var óvenju glæsileg kosn-
ing sem konurnar fengu, þingmenn-
irnir fengu einnig glæsilega kosn-
ingu, varaformaðurinn kemur sterk
inn og svo kemur Guðfríður Lilja
eins og stormsveipur inn í þetta auk
þess sem Álfheiður og Árni Þór geta
vel við unað,“ segir Steingrímur J.
Sigfússon, formaður VG, sem vildi
ekki tjá sig um hvort hann teldi að
beita ætti kynjakvóta við uppstill-
ingu á listanum.
Konur hlutu góða kosningu
Forval Vinstri grænna í Reykjavíkurkjördæmum og Suðvesturkjördæmi fór fram um helgina
Ögmundur Jónasson hlaut örugga kosningu til að leiða einn af listunum þremur
Morgunblaðið/ÞÖK
Eftirvænting Frambjóðendur og aðrir gestir biðu spenntir eftir úrslitum
forvalsins á kosningavöku sem haldin var á laugardagskvöld.
Í HNOTSKURN
»Alls buðu 30 manns sig fram íforvalinu en markmið þess
var að velja fjóra efstu frambjóð-
endurna í kjördæmin þrjú.
»Sérstök uppstillingarnefndmun nú gera tillögu um upp-
röðun á lista sem háð er sam-
þykki félagsfundar í hverju kjör-
dæmi fyrir sig.
»Alls voru fjórar konur í sexefstu sætunum, sjö í tólf efstu
og níu í 14 efstu.
!
"
"##
$ %
& ' (
#
) *"+
" !
)
„Menn hafa haft
á orði að nið-
urstaðan úr for-
valinu hefði í öll-
um tilvikum
orðið góð í ljósi
þess mannvals
sem var í boði.
Nú liggur nið-
urstaðan fyrir og
við þurfum að
horfa fram á
brautina og þá horfum við til al-
þingiskosninganna á vori komanda.
Mín tilfinning er sú að við höfum
fljúgandi byr í seglin,“ segir Ög-
mundur Jónasson þingmaður sem
flest atkvæði fékk í fyrsta sæti for-
valsins. „Það sem mér er kannski
efst í huga er að horfa ekki einvörð-
ungu til þeirra sem skipuðust í
efstu sætin heldur einnig hinna fjöl-
mörgu áhugasömu og kraftmiklu
einstaklinga sem eru að hasla sér
völl í pólitíkinni í fyrsta skipti. Það
er mikil gerjun framundan,“ segir
Ögmundur.
„Fljúgandi
byr í seglin“
Ögmundur
Jónasson
KOLBRÚN Hall-
dórsdóttir þing-
kona mun að öll-
um líkindum leiða
einn lista flokksins
en hún hlaut
þriðja mesta
fjölda atkvæða í
fyrsta sætið í for-
valinu. Hún kveðst
ánægð með nið-
urstöðuna. „Mér
finnst þetta staðfesta okkar kraft-
mikla flokkstarf. Við í þingflokknum
fáum góða kosningu, unga fólkið
fær fína kosningu og konur fá góða
kosningu,“ segir Kolbrún.
Hún bendir einnig á að fólk sem
gegni embættum innan flokksins
hafi náð góðum árangi og nefnir sér-
staklega gengi Katrínar Jak-
obsdóttur varaformanns og Auðar
Lilju Erlingsdóttur, formanns
Ungra vinstri grænna, sem hafnaði í
fjórða sæti. „Þetta finnst mér sýna
að flokksmenn ganga í takt,“ segir
Kolbrún.
„Flokksmenn
ganga í takt“
Kolbrún
Halldórsdóttir
„ÉG TEL þetta
stórglæsilega
niðurstöðu og
finnst merkilegt
að finna þann
mikla byr sem
málefni VG hafa
í samfélaginu,“
segir Álfheiður
Ingadóttir, vara-
þingmaður VG,
sem hlaut næst-
flest atkvæði í fyrsta til annað sæti í
forvalinu.
Spurð um það sjónarmið sem
kæmi fram í reglum um forvalið og
varðar jafna stöðu karla og kvenna
í efstu sætum listans segir Álfheið-
ur að vissulega gæti það haft áhrif
á niðurröðun uppstillingarnefndar.
„Það eru mörg sjónarmið sem
koma til greina við röðun á þessa
þrjá lista, þar eru auðvitað kynja-
sjónarmið og þessar reglur en svo
er það líka svo margt annað sem
taka þarf tillit til,“ segir hún.
VG með
mikinn byr
Álfheiður
Ingadóttir
„ÉG ER alveg
himinlifandi með
niðurstöðuna,“
segir Katrín Jak-
obsdóttir, ís-
lenskufræðingur
og varaformaður
VG, sem hlaut
næstflest at-
kvæði í fyrsta
sæti í forvalinu
og mun því að
öllum líkindum leiða einhvern
listanna. „Þessi úrslit sanna að það
er ekki sjálfgefið að konum gangi
illa í prófkjörum,“ segir hún. Þá er
Katrín ánægð með framkvæmd for-
valsins og hversu frambjóðendur
stilltu auglýsingum í hóf. „Við höf-
um meira verið að vinna inn á við í
þessu forvali,“ bendir Katrín á en
þetta er í fyrsta skipti sem hún
skipar sæti ofarlega á lista. „Ég hef
verið í stuðningssætum áður, en nú
ákvað ég að það væri að hrökkva
eða stökkva, og ég stökk!“
„Höfum unn-
ið inn á við“
Katrín
Jakobsdóttir
„ÉG SÓTTIST
eftir öðru sæti og
fékk það og er
himinlifandi og
þakklát fyrir það
traust sem mér
er sýnt og að
vera boðin vel-
komin í hópinn,“
segir Guðfríður
Lilja Grét-
arsdóttir
sagnfræðingur og forseti skák-
sambands Íslands. „Mér líst rosa-
lega vel á þetta í heildina og er
ánægð með hvað konur fengu góða
kosningu. Þær hafa átt mjög á
brattann að sækja í prófkjörum
annarra flokka. En hér eru komnar
fjórar konur inn í sex efstu sætin
sem er mjög sterk yfirlýsing af
hálfu Vinstri grænna. Mér finnst
þarna vera reynsluboltar í pólitík-
inni í bland við ný og fersk andlit.
Ég tel þetta sterkan byrjunleik í
þeirri skák sem er framundan 12.
maí,“ segir hún.
Sterkur leik-
ur í skákinni
Guðfríður Lilja
Grétarsdóttir
ÁRNI Þór Sig-
urðsson borg-
arfulltrúi hlaut
kosningu sem
mun að öllum lík-
indum skila hon-
um í annað sæti
einhvers listans.
„Það var raun-
hæft frá mínum
bæjardyrum séð
að ná öðru sæti
og ég er mjög ánægður með þessa
niðurstöðu,“ segir Árni. „Þetta var
fyrir flokksmenn og þetta fór vel
fram. Það var góður andi milli fram-
bjóðenda og ekki neinar auglýsinga-
herferðir. Við héldum sameiginlega
fundi og útbjuggum sameiginlegan
kynningarbækling, þetta gekk mjög
vel upp og gæti verið öðrum flokk-
um til eftirbreytni. Það sama á við
um þetta fyrirkomulag að halda
sameiginlegt forval fyrir kjördæmin
þrjú. Það gekk að mínu viti afar vel
upp,“ segir Árni Þór.
„Flokkum til
eftirbreytni“
Árni Þór
Sigurðsson