Morgunblaðið - 14.12.2006, Blaðsíða 19
MORGUNBLAÐIÐ FIMMTUDAGUR 14. DESEMBER 2006 19
MENNING
SAXÓFÓNLEIKARINN og
tónskáldið Jóel Pálsson heldur
útgáfutónleika á DOMO í
Þingholtsstræti 5 í kvöld kl. 21.
Leikin verður tónlist af nýjum
geisladisk Jóels sem kallast
Varp. Tónleikarnir eru hluti af
tónleikaröð jazzklúbbsins Múl-
ans sem hefur hreiðrað um sig
á DOMO. Auk Jóels skipa
sveitina Davíð Þór Jónsson,
orgel og píanó, Hilmar Jensson, gítar, Valdimar
Kolbeinn Sigurjónsson, bassi, og Matthías Hem-
stock, trommur.
Útgáfutónleikar
Varp Jóels á
DOMO
Jóel Pálsson
Í GÆR var opnuð sýning Hug-
leiks Dagssonar á teikningum
úr nýjustu bók hans, Fylgið
okkur, í Smekkleysubúðinni á
Klapparstíg. Hugleikur hef-
ur vakið mikla athygli fyrir ör-
sögur sínar sem hafa þótt í
senn kaldhæðnar og fallegar.
Teikningar Fylgið okkur taka
á ýmsum íslenskum þjóðfélags-
málum, s.s. hvalveiðum, fjöl-
miðlum, útlendingum, sifjaspelli, framhjáhaldi og
jólasveininum.
Teikningarnar á sýningunni eru til sölu.
Myndlist
Teikningar
Hugleiks til sölu
Hugleikur Dagsson
UPPLESTRARÖÐIN Jóla-
hrollur í hádeginu hófst sl.
þriðjudag í Þjóðmenning-
arhúsinu. Röðin fer þannig
fram að klukkan 12.15 alla
daga til og með Þorláksmessu
kemur einn höfundur, eða
staðgengill hans, og les kafla
úr nýútkominni spennusögu
sinni.
Í dag les Stefán Máni úr
skáldsögu sinni Skipinu en á morgun kveður
Ólafía Hrönn sér hljóðs sem staðgengill Stellu
Blómkvist.
Upplestur
Jólahrollur í Þjóð-
menningarhúsinu
Stefán Máni
FRÆÐSLUMIÐSTÖÐ Listasafns
Íslands verður opnuð annað kvöld á
neðstu hæð safnsins. Kjarninn í mið-
stöðinni er svonefnt Sýndarsafn, en
um er að ræða rafrænan gagna-
grunn um listaverkaeign safnsins
sem gestum gefst kostur á að glugga
í; skoða þar ljósmyndir af einstaka
verkum og fræðast í leiðinni um þau
og höfunda þeirra.
Það er ljóst að fyrir framtak
safnsins gefst almenningi áður
óþekkt tækifæri á að kynna sér list-
rænan menningararf þjóðarinnar,
en Listasafn Íslands er meginsafn
íslenskrar myndlistar og hefur að
geyma lykilverk í sögu listgrein-
arinnar. Í safneigninni eru nú um
10.000 verk, þar af um 8.500 eftir
rúmlega 300 íslenska listamenn.
Myndir af öllum íslensku verkunum,
ásamt viðeigandi upplýsingum, eru
nú þegar aðgengilegar á Sýnd-
arsafni en til stendur að bæta þeim
hinum erlendu við í náinni framtíð.
Býður upp á marga möguleika
„Það er eitt af okkar stóru metn-
aðarmálum sem þjóðlistasafns að
auka aðsókn og auðvelda og efla að-
gengi almennings að þeim verðmæt-
um sem Listasafnið býr yfir,“ út-
skýrir Ólafur Kvaran, safnstjóri
Listasafns Íslands. „Stór þáttur í því
er að opna þennan gagnagrunn.“
Sýndarsafnið byggist á skráning-
arkerfi Listasafnsins sem ráðist var
í að setja á stafrænt form fyrir sex
árum. Ólafur segir engum vafa und-
irorpið að hér gefist sýningargestum
kostur á persónulegri nálgun við
Listasafnið en áður. Eins bjóði
Sýndarsafnið upp á mikla kennslu-
möguleika og heildstæða yfirsýn yfir
höfundarverk einstakra listamanna.
Netið virkjað
Aðspurður segir Ólafur þann
möguleika að gera gagnagrunninn
aðgengilegan á Netinu vissulega
hafa verið ræddan. „Það er nátt-
úrlega gríðarlega spennandi mennt-
unarleið. Þá erum við t.d. farin að
tala um þann möguleika að allt
skólakerfið geti verið beintengt.
Slíkt er hins vegar ekki einkamál
safnsins. Þegar farið er að ræða
þennan möguleika koma upp ýmsar
spurningar varðandi höfundarrétt.
En það má fullyrða að það sé
kannski mikilvægt menningar-
pólitískt markmið að þessi grunnur
fari út á Netið sem allra fyrst.“
Þess má geta að þegar er hafin
vinna við að þýða gagnagrunninn yf-
ir á ensku og verður boðið upp á
enska útgáfu hans í sumar.
Menning|Rafrænn gagnagrunnur um listaverkaeign Listasafns Íslands opnaður
Menningararfur aðgengilegur
Á SÝNDARSAFNI Listasafns Íslands er hægt að fræðast um og skoða
u.þ.b. 8.500 verk eftir íslenska myndlistarmenn. Á myndinni eru Ólafur
Kvaran safnstjóri, Hildigunnur Sverrisdóttir, Rakel Pétursdóttir, Val-
gerður Hauksdóttir, hönnuður Sýndarsafns, og Dagný Heiðdal.
Morgunblaðið/Ásdís
Fræðslusetur og Sýndarsafn
TENÓRINN Ro-
berto Alagna
hefur hótað að
lögsækja Scala-
óperuna eftir að
honum var til-
kynnt í gær að
nærveru hans
væri ekki lengur
óskað á fjölum
hennar. Eins og
greint hefur verið frá í Morg-
unblaðinu hætti hinn fransk-ítalski
söngvari að syngja í miðjum klíðum
í uppfærslu Francos Zeffirellis á
Aidu eftir Verdi og strunsaði í fússi
af sviðinu sl. laugardag. Þetta gerði
hann í kjölfar þess að óánægðir
áhorfendur hófu að blístra og púa á
hann. Fyrir vikið neyddist varaleik-
arinn Antonello Palombi fyr-
irvaralaust til að taka upp þráðinn
þar sem Alagna skildi við – á galla-
buxunum.
Nú hefur framkvæmdastjóri
Scala-óperunnar tilkynnt að
Alagna muni ekki syngja á þeim
sýningum sem eftir eru, þar sem
hann hafi brotið samning sinn.
„Með hegðun sinni hefur hann
myndað óbrúanlega gjá milli lista-
mannsins og áhorfenda,“ er haft
eftir talsmanni óperunnar, Carlo
Maria Cella, á fréttavef BBC í gær.
„Hann fór ekki vegna þess að hann
væri veikur; hann fór af fúsum og
frjálsum vilja.“
„Hvað átti ég að gera?“
Þegar Alagna hafði síðar sam-
band við óperuhúsið til að tilkynna
að hann væri tilbúinn til að snúa
aftur, var honum tjáð að samningur
hans hefði verið að engu gerður.
Söngvarinn brást hinn versti við og
hefur sakað Scala-óperuna um að
koma fram við sig eins og
„ófreskju“.
Í viðtali við Reuters sagði Alagna
sár að hann hefði einsett sér að
veita áhorfendum ánægju og gleði.
„En hvað átti ég að gera þegar
sumir byrjuðu að púa?“
Alagna hót-
ar að kæra
La Scala
Er sár og svekktur út
í óperuhúsið
Roberto Alagna
ÞURÍÐUR Jóns-
dóttir hefur ver-
ið valin í hóp
norrænna tón-
skálda sem
semja munu
söngverk fyrir
Alþjóðlega tón-
listarkeppni
Sonju Nor-
egsdrottningar,
en búist er við því að um fimmtíu
ungir söngvarar muni spreyta sig í
úrslitum keppninnar í ár. Sonju-
keppnin er stærsta tónlistarkeppni
Noregs.
Auk Þuríðar munu Daninn Bent
Sørensen, Svíinn Hans Gefors og
Finninn Veli-Matti Puumala semja
verk sem allir keppendur í úrslit-
um þurfa að syngja. Áhersla
keppninnar í ár er á nýja tónlist, en
söngvararnir ungu syngja einnig
verk frá ýmsum tímum tónlistar-
sögunnar.
Vegleg peningaverðlaun eru í
boði fyrir vinningshafann, en einn-
ig ýmiss konar tónleikahald. Ald-
ursmörk miðast við ungmenni
fædd eftir 1. 1. 1975. Keppni Sonju
drottningar er virt og eftirsókn-
arvert að ná þar góðum árangri.
Dómaraliðið er heldur ekki af verri
endanum, margar helstu söngspír-
ur Norðurlandanna eru þar sam-
ankomnar auk erlendra stjarna á
borð við goðsögnina Joan Suther-
land og þýska bassann Kurt Moll.
Semur fyrir
drottningu
Þuríður Jónsdóttir
♦♦♦
Fylgist með umfjöllun um
þessa bók í helgarútgáfunni
á Rás 2, nú á
laugardaginn kl. 11.00
Lækjargata 2a sími 511-5001 opið alla daga frá 9.00 - 22.00
Helgar
tilboð
3.276,-
“Lifandi samtöl, sannfærandi persónur,
illbærileg spenna - hvað er hægt að biðja um meira?”
Silja Aðalsteinsd. Tmm.