Morgunblaðið - 18.12.2006, Blaðsíða 18
|mánudagur|18. 12. 2006| mbl.is
daglegtlíf
Hvað jafnast á við að fá nudd á
herðar, hendur, bak og höfuð og
enda á fótanuddi? Fyrirmyndin
kemur frá Kína. » 23
daglegt
Dýralæknar mæla ekki með
öðrum gæludýramat á jólum en
dýrin eru vön að fá. Gleðja má
þau með gæludýranammi. » 22
gæludýr
Bjargey Ingólfsdóttir hefur
hannað sérstaka stuðnings-
púða sem hún kallar bara 1,
bara 2 og bara 3. » 20
hönnun
Hversu háum fjárhæðum á að
verja til góðgerðarmála? Það
borgar sig að setja það í
greiðsluáætlun. » 20
fjármál
Það er ýmislegt sem kemur til
greina þegar velja á í jólapakk-
ann handa gæludýrinu á heim-
ilinu. » 22
jólagjafir
Sætabrauðshús nornarinnar íævintýrinu um Hans ogGrétu komst aðeins í hálf-kvisti við arkitektúrinn sem
var á sýningunni í Smáralind. Hug-
myndaflug piparkökuarkitektanna
var ótrúlegt. Auk hinna klassísku
sælgætishúsa mátti þar sjá kofa,
kastala, kirkjur og turna. Eru þá enn
ónefndir pýramídarnir í Egyptalandi
og Perlan í Reykjavík en skemmti-
legt var að sjá þessar frægu en ólíku
byggingar mótaðar í piparkökudeig.
Ljónageymsla og lögreglustöð vöktu
líka athygli sem og bráðfallegt bakarí
þar sem jólastemningin var allsráð-
andi.
En að áliti dómnefndar bar Höfði
af í flokki fullorðinna, hið sögufræga
hús þar sem leiðtogafundur Gorbat-
sjovs og Regans var haldinn árið
1986. Arkitektinn, Valdís Ein-
arsdóttir af Akranesi, er ekki óvön
því að bera sigur úr býtum í þessari
keppni en þetta er hvorki meira né
minna en í áttunda sinn sem hún fer
með sigurinn upp á Skaga.
– Hvers vegna varð Höfði fyrir val-
inu?
„Mér finnst það mjög fallegt hús
en ég var svolítið hrædd við að búa
það til, einkum út af þakinu sem er
sérstakt en það heppnaðist. Koma
Gorbatsjovs í haust hafði líka áhrif.
Mig langaði að búa til piparkökukarl-
ana Reagan og Gorbatsjov en hafði
því miður ekki tíma til þess. Það hefði
verið gaman að setja þá á tröpp-
urnar. “
– Finnurðu alltaf nýja áskorun á
hverju ári?
„Já, það er aldrei neitt eins og ég
hef alltaf jafngaman af bakstrinum.
Ég legg líka áherslu á að það sé allt
ekta í húsunum mínum.“
– Hvað ertu lengi að búa til svona
hús?
„Ég var fimm vikur að búa til þetta
hús. Þetta var meiri vinna en ég bjóst
við en mjög skemmtilegt. Það eru svo
margir í fjölskyldunni sem koma og
fylgjast með hvernig gengur.“
– Hvað geymirðu svona hús lengi?
,,Ég geymi það eins lengi og ég
get, yfirleitt í nokkur ár.“
Kemst í jólaskap
En það voru fleiri meistarar sem
fengu verðlaun. Þátttaka í barna- og
unglingaflokki hefur aldrei verið
meiri og greinilegt að þar fara margir
upprennandi kökugerðarmenn og
konur. Deildirnar Krummahreiður
og Arnarhreiður á leikskólanum
Rjúpnahæð unnu faglega að gerð
húsanna sinna, teiknuðu þau fyrst
upp í vinnubók og byggðu svo. Það
voru stoltir og ánægðir kökukrakkar
sem stigu á sviðið í Smáralind og
tóku við verðlaununum fyrir vel
heppnað hópverkefni.
„Mamma hjálpaði okkur að setja
Örkina saman,“ sagði Júlía Guð-
mundsdóttir sem hlaut ásamt bróður
sínum Andreasi verðlaun fyrir pip-
arkökuhús af Örkinni hans Nóa. Slíku
piparkökuverki er ekki hespað af í ein-
um grænum enda tók það systkinin
viku að gera skipið, með góðri aðstoð
mömmu.
Sigurbjörg Eva Sigurðardóttir, 14
ára, hefur fimm sinnum tekið þátt í
keppninni og í öll skiptin unnið til
verðlauna. ,,Mér finnst gaman að baka
og langar til þess að verða bakari,“
segir hún en í ár bjó hún til jólalegt
hús þar sem m.a. var heitur pottur
fyrir jólasveininn til þess að slaka á í.
– Er algengt að unglingar baki pip-
arkökur og geri piparkökuhús fyrir
jólin?
,,Nei, ég held nú ekki. En ég kemst
alltaf í jólaskap.“
Það er nú heldur ekki hægt annað
en komast í jólastuð við að skoða
svona fínan piparkökuarkitektúr.
Ætli það sé ekki alveg bannað að
borða ’ann?
Afskaplega flottur
piparkökuarkitektúr
Piparkökubakstur er ómissandi hjá mörgum fyrir
jólin en sumir láta sér ekki nægja litlu kökurnar
heldur byggja heilu húsin og hallirnar og skreyta
listavel með marglitum sykurblöndum og öðru
sælgæti. Unnur H. Jóhannsdóttir var viðstödd
verðlaunaafhendingu í piparkökuhúsaleik
Kötlu í Smáralindinni í gær. Morgunblaðið/Árni SæbergSýningargestir Fjöldi fólks mætti til að sjá öll listaverkin sem bárust í keppnina.
Morgunblaðið/Árni Sæberg
Verðlaunahús Höfði Valdísar Einarsdóttur hlaut 1. verðlaun.
Piparkökusnillingar Börnin og unglingarnir hlutu mörg verðlaun.
Jólalegt Bakaríið lenti í öðru sæti í flokki fullorðinna.
Sætabrauðshús Krakkarnir á leikskólanum
Rjúpnahæð gerðu þessi glæsilegu hús. Perlan Þetta listaverk hreppti þriðja sætið.
uhj@mbl.is