Morgunblaðið - 19.02.2007, Blaðsíða 3
MORGUNBLAÐIÐ MÁNUDAGUR 19. FEBRÚAR 2007 3
Gunnar Heið-ar Þorvalds-
son sat á bekkn-
um allan tímann
hjá Hannover
sem vann góðan
útisigur á Bayer
Leverkusen í
þýsku 1. deildinni
í knattspyrnu.
Hannover er í áttunda sæti deild-
arinnar með 27 stig.
Jóhannes Karl Guðjónsson lékfyrri hálfleikinn fyrir Burnley
sem tapaði 2:1 fyrir Wolves í ensku
1. deildinni. Jóhannes nældi sér í
gult spjald fyrir brot á 28. mínútu en
Burnley hefur nú leikið 13 leiki í röð
án sigurs er í 15. sæti deildarinnar,
sjö stigum frá fallsæti.
Eggert Jónsson fékk ekki aðspreyta sig með Hearts sem
gerði 1:1 jafntefli við St. Mirren í
skosku úrvalsdeildinni. Eggert sat á
bekknum allan tímann.
Gylfi Einarsson var ekki í leik-mannahópi Leeds sem beið
ósigur fyrir Cardiff, 1:0, á útivelli.
Cardiff lauk leiknum með níu menn
en liðið missti mann með rautt
spjald af velli á 66. mínútu og annan
á 84. mínútu.
Bjarni Þór Viðarsson lék sinnannan leik með Bournemouth
en liðið tapaði fyrir Cheltenham, 1:0,
í ensku 2. deildinni. Bjarni Þór lék
allan leikinn á miðjunni.
Rúnar Kristinsson skoraði fyrramark Lokeren úr vítaspyrnu
þegar liðið tapaði fyrir Beveren, 3:2,
í belgísku 1. deildinni. Rúnar kom
Lokeren yfir á 65. mínútu og í kjöl-
far vítaspyrnunnar var einum liðs-
manni Beveren vikið af velli. Rúnar
átti góðan leik en Lokeren er í næst
neðsta sæti ásamt Beveren með 20
stig.
Sigurður Jónsson og lærisveinarhans í sænska úrvalsdeildarlið-
inu Djurgården gerðu markalaust
jafntefli við nýliða Brommapojk-
arna í æfingaleik um helgina. Sölvi
Geir Ottesen lék allan síðari hálf-
leikinn fyrir Djurgården.
Arnar ÞórViðarsson
var ekki í leik-
mannahópi
Twente sem sigr-
aði Heerenveen,
2:1. Twente er í
fjórða sæti deild-
arinnar, stigi á
eftir AZ Alkma-
ar.
Árni Gautur Arason var ekki íleikmannahópi Vålerenga sem
sigraði Rosenborg, 1:0, á æf-
ingamótinu á La Manga.
Kári Árnason lék allan leikinnmeð danska liðinu AGF sem
sigraði Kolding, 3:0, en Kári gekk til
liðs við danska liðið frá sænska lið-
inu Djurgården í haust.
Fólk sport@mbl.is
Leikmenn ÍR mættu sem grenjandi
ljón til leiks og eftir aðeins sex mín-
útna leik voru þeir komnir með fimm
marka forskot og Valsmenn ekki
komnir á blað. Eru ÍR-ingar að rétta
úr kútnum og leggja drög að því að
bjarga sér frá falli? Þeirrar spurn-
ingar spurðu sumir stuðningsmenn
ÍR sig þegar þarna var komið sögu.
En því miður fyrir þá var ekki löng
bið eftir svarinu. Sóknarleikur ÍR
hikstaði verulega og hver sóknin
sem endað í tómri vitleysu rak aðra.
Valsmenn voru lítt skárri en tókst þó
með þolinmæði að koma sér inn í
leikinn eftir byrjunina erfiðu. Eink-
um var vörn Valsmanna góð en því
miður verður að segja eins og er að
sóknarleikur beggja liða var hrein og
bein vitleysa nær allan fyrri hálfleik
þar sem hver byrjendamistökin ráku
önnur þar sem lánleysi ÍR-liðsins
virtist algjört. Staðan í hálfleik var
jöfn, 10:10.
Snemma í síðari hálfleik skildi
með liðunum. Vörn Valsmanna var
sterk með Pálma Pétursson mark-
vörð vel vakandi. Sjálfstraustið, sem
ekki var mikið í ÍR-liðinu, hvarf al-
gjörlega og það nýttu leikmenn Vals
sér til hins ýtrasta. Þeir unnu bolt-
ann hvað eftir annað og létu hvert
hraðaupphlaupið á fætur öðru dynja
á ÍR-ingum sem stóðu eftir ráða-
lausir.
Um fjórðungur marka Vals kom
eftir hraðaupphlaup og annar eins
fjöldi eftir langskot, flest frá Erni
Hrafni Arnarsyni sem átti fínan leik
í síðari hálfleik eftir að hafa verið al-
gjörlega úti á þekju í þeim fyrri,
reyndar eins og mestallt Valsliðið.
Arnór Gunnarsson, ungur og eld-
fljótur hægri hornamaður Vals, fór
einnig mikinn í síðari hálfleik og
skoraði átta mörk.
Þegar Valsmenn komast upp með
að leika eins og þeir gerðu í síðari
hálfleik fær ekkert þá stöðvað og
fjarvera landsliðsmannsins Markús-
ar Mána Michaelssonar virtist ekki
koma að sök eins og hans var sárt
saknað í fyrri hálfleik.
„Við vorum bara ekki með á nót-
unum í fyrri hálfleik þrátt fyrir að ég
hafi verið búinn að gera strákunum
grein fyrir því að búast mætti við ÍR-
ingum snarbrjáluðum til leiks,“ sagði
Óskar Bjarni Óskarsson, þjálfari
Vals, sigurreifur að leikslokum.
„Í síðari hálfleik hrundi sjálfs-
traustið hjá ÍR-ingum um leið og við
náðum að keyra á þá. Ég er fyrst og
fremst ánægður með hversu vel okk-
ur tókst að halda út leikinn og vinna
öruggan sigur. Það hefur viljað
fylgja okkur á stundum að missa
góða forystu niður en það gerðist
sem betur fer ekki að þessu sinni.
Með það er ég ánægður,“ sagði Ósk-
ar Bjarni ennfremur.
Eins og fyrr segir virðist lánleysi
vera yfir ÍR-liðinu og í raun í allan
vetur. Talsvert hefur verið um
meiðsli og í raun alveg magnað að fé-
lagið skuli eiga í keppnislið miðað við
þá blóðtöku sem verið hefur hjá því
undanfarin tvö ár. Því miður tókst
ÍR-liðinu ekki að fylgja góðri byrjun
eftir og þar strandaði fyrst og fremst
á slökum sóknarleik í fyrri hálfleik.
Þá skoraði liðið fimm mörk á fyrstu
sex mínútunum en síðan annan eins
skammt marka á næstu 24 mínútum.
Á þessum tíma lék Valsliðið illa auk
þess sem markvörður ÍR, Jacek Ko-
wal, varði vel og hreinasta synd að
ÍR-ingum tókst ekki að spila betur
úr stöðunni. Síðari hálfleikur var
hins vegar kapítuli út af fyrir sig.
Hið unga Valslið sýndi tvær hliðar
í þessum leik, annars vegar mjög
slakan leik í fyrri hálfleik en fram-
úrskarandi leik í þeim síðari þar sem
það skoraði 25 mörk. Mest mæddi á
yngri mönnum eins og Erni Hrafni,
Arnóri, Fannari Friðgeirssyni, Elv-
ari Friðrikssyni og Davíð Höskulds-
syni auk Pálmars í markinu sem stóð
sem með mikill prýði.
Morgunblaðið/Árni Sæberg
Fastir fyrir Valsmaðurinn Elvar Friðriksson fékk óblíðar viðtökur hjá ÍR-ingunum Björgvini Hólmgeirssyni og
Ólafi Sigurjónssyni þegar hann freistaði þess að brjótast í gegnum vörn þeirra í leiknum í gær.
Valsmenn stungu lánlausa
ÍR-inga af í síðari hálfleik
GÓÐ byrjun ÍR-inga dugði þeim
skammt gegn Val í Austurbergi í
gær þegar liðin áttust við í úrvals-
deild karla. ÍR-liðið skoraði fyrstu
fimm mörk leiksins en síðan ekki
söguna meir. Þrátt fyrir slakan
sóknarleik tókst Val að klóra í
bakkann og jafna fyrir hálfleik en
þá stóð jafnt, 10:10. Í síðari hálfleik
var hins vegar um einstefnu að
ræða þar sem leikmenn Vals réðu
lögum og lofum og unnu að loknum
12 marka sigur, 35:23, og halda þar
með eins stigs forystu í deildinni
þegar 13 umferðir eru að baki. ÍR-
liðsins virðist ekki bíða annað en
fall úr deildinni á 100 ára afmæli fé-
lagsins.
Eftir Ívar Benediktsson
iben@mbl.is
Fátt virðist getað komið í veg fyrir að ÍR-ingar bjargi sér frá falli
!
#'
# $%& & $