Morgunblaðið - 05.09.2007, Blaðsíða 36

Flatskjár! hrópuðu
barnabörnin, það voru
fyrstu viðbrögð þeirra við
einni af uppáhaldsmyndum
afa og ömmu… 39
»
reykjavíkreykjavík
ALLA þessa öld hefur Úlfur Chaka
Karlsson glímt við hvítblæði, en fyr-
ir veikindin var hann mjög virkur í
íslensku tónlistarlífi og á morgun,
fimmtudag, verða tónleikar til
styrktar Úlfi í Iðnó. Tónleikarnir
kallast Minifestival og hefjast kl. 20,
aðgangseyrir er 1.500 krónur og all-
ur ágóði rennur til Úlfs. Það er Bogi
Reynisson sem á frumkvæðið að tón-
leikunum en hann var áður í hljóm-
sveitinni Stjörnukisa þar sem Úlfur
var söngvari en þeir unnu Músíktil-
raunir fyrir röskum áratug. „Við er-
um allir góðir vinir Úlfs, allir sem
taka þátt í þessu eru vinir hans og
kunningjar. Ég setti þetta í gang en
svo hefur hópurinn sístækkað.“
Úlfur er núna á spítala að jafna
sig eftir meðferð í Svíþjóð sem Bogi
segir hafa gengið vel þótt hann sé af-
skaplega veikburða ennþá. Ásamt
því að vera í Stjörnukisa vann Úlfur
mikið í myndlist og meðal annars
var skissa sem hann átti notuð í
veggspjaldið sem tónleikarnir hafa
verið kynntir með. Þá var hann að
vinna hjá CCP, fyrirtækinu sem
skapaði Eve Online.
Unnin kjötvara
En hverjir eru það sem spila á
tónleikunum? Fyrsta má telja Ba-
con, hljómsveit Boga, en nafnið
dregur sveitin af því hve tónlistin,
rétt eins og kjötvaran, er mikið unn-
in. „Tónlistin er búin að fara í gegn-
um mikinn prósess, er samin á tölv-
ur, þýdd yfir á venjuleg hljóðfæri og
fer svo aftur yfir á tölvur.“ Undirtit-
ill sveitarinnar er Live Support Un-
it, unit-ið sem spilar Bacon-lögin á
tónleikum, en auk þess hafa þeir gef-
ið út tvær geislaplötur og sú þriðja
er á leiðinni. Sex aðrar hljómsveitir
til viðbótar spila á tónleikunum,
þetta er það sem Bogi hafði um þær
að segja: „Pornopop eru ólíkindatól
og mögnuð hljómsveit. Þau hafa ver-
ið að í áratug en koma bara fram
þegar þeim sýnist. The Way Down
er neðanjarðarrokkhljómsveit sem
var að gefa út plötu hjá nýju ís-
lensku útgáfufyrirtæki sem heitir
Dead og rafræni trúbadorinn Mr.
Silla hefur unnið sér mjög traustan
sess í íslensku neðanjarðarsenunni.
Svo eru Mínus náttúrlega rokk-
kóngar Íslands og Reykjavík! fylgja
þeim fast á eftir. Singapore Sling er
náttúrlega vel þekkt stærð en þeir
deildu lengi æfingahúsnæði með
Stjörnukisa rétt eins og Pornopop.“
Styrktartónleikar fyrir Úlf Chaka á morgun
Morgunblaðið/Kristinn
Bacon Gísli Már, Magnús, Guðmundur, Bogi og Pétur Már.
 Það virðist ekki bara á sviði við-
skipta sem Íslendingar eru að ger-
ast aðsópsmiklir í Danmörku. Þessa
dagana ber mikið á íslenskum kvik-
myndum þar í landi, en í Morg-
unblaðinu í gær var greint frá því
að Börn Ragnars Bragasonar og
Vesturports keppi til verðlauna á
Alþjóðlegu kvikmyndahátíðinni í
Kaupmannahöfn síðar í mán-
uðinum. Á hátíðinni verður jafn-
framt blásið til Íslandsmyndakvölds
þar sem auk Barna verða sýndar
Foreldrar Ragnars og Vesturports
og Mýrin eftir Baltasar Kormák.
Þá eiga Danir þess kost að sjá
Börn og Fullorðna í almennum sýn-
ingum í dönskum kvikmyndahúsum
í október og nóvember.
Árlegir bíódagar verða svo
haldnir á Norðurbryggju í Kaup-
mannahöfn hinn 6. nóvember næst-
komandi og þar verður kvikmyndin
Köld slóð eftir Björn Brynjúlf
Björnsson opnunarmynd.
Íslenskt bíó
í Danmörku
 Vikulega kemur út í New York
tímarit sem nefnist Time Out og
greinir þar frá því helsta sem er á
döfinni á sviði menningar og lista
þar hverju sinni.
Í nýjasta hefti tímaritsins er sér-
staklega mælt með tónleikum
hljómsveitarinnar amiinu sem
fram fara þar í borg í kvöld.
Þar segir gagnrýnandinn meðal
annars að „kraft amiinu skuli ekki
vanmeta“.
Hafið það hugfast.
Mælt með amiinu
Eftir Ásgeir H. Ingólfsson
asgeirhi@mbl.is
H
ann kom með örlitlu geimskipi til
jarðar sem kornabarn og var
ættleiddur af góðhjörtuðu fólki
og virtist hafa hlotið ýmsa
óvenjulega hæfileika þegar hann
varð eldri. Hann er aðalpersóna teiknisagna
sem gengið hafa í áraraðir en hér er þó ekki
átt við Kal-El, seinna Súpermann, heldur
Þórgný, sem var ættleiddur af víkingum og gat
náttúrlega ekki notað gleraugu til þess að dul-
búa sig því þann augnabúnað átti enn eftir að
finna upp. Fyrstu tvö bindi sagnanna um
Þórgný komu nýverið út á íslensku. Þórgnýr
heitir Thorgal upp á frummálið, frönsku, en
um er að ræða belgíska röð sem belgíski rit-
höfundurinn Jean van Hamme hefur unnið með
pólska teiknaranum Grzegorz Rosinski og úti
eru bækurnar orðnar 29 talsins.
Norrænar sagnir gera strandhögg
Það er Ingunn Thorarensen sem þýðir
bækurnar fyrir Fjölva en hún sá bækurnar
fyrst á ferðalagi í Belgíu. „Ég varð mjög hrifin
en það varð ekki neitt úr þessu. Þá kemur
stúlka sem hefur búið úti í Frakklandi í mörg
ár í heimsókn og spyr af hverju ekkert er gefið
út af teiknimyndasögum hér. Ég spyr hana
hvað við ættum að gefa út og það fyrsta sem
hún nefnir er Þórgnýr og þá hugsaði ég með
mér að það væri tímabært að við skelltum okk-
ur í þetta.“
Ingunn segir þetta mjög vinsælar bækur ytra
enda sé þar merkilega mikill áhugi á víkingum
og goðafræðinni okkar. „Það kom raunar til
mín áðan Portúgali með handrit að bók um
sögur úr norrænni goðafræði og bað mig að
kíkja á hana, sem sýnir að þetta lifir góðu lífi í
Evrópu,“ segir Ingunn sem vonar að Íslend-
ingar taki bókunum vel – „og ættu að gera það
fyrst þetta gekk svona vel í Frakka og Belga.“
Okkur verður tíðrætt um vöntun á teiknisög-
um á íslensku á markaðinn, markað sem var
raunar mjög blómlegur þangað til hann hrundi
skyndilega í kringum 1990 en áður komu fjöl-
margir góðkunningjar íslenskra barna út hjá
Fjölva, Iðunni og fleiri forlögum, margir raun-
ar á vegum Þorsteins heitins Thorarensen, föð-
ur Ingunnar. En skyndilega hurfu teiknisög-
urnar nær algjörlega, hvort sem um er að
kenna bókasnobbi, áhugaleysi útgefenda eða
nýrri afþreyingu.
Draumar, tímaferðalög
og kvenskörungar
Fyrstu bækurnar sem gefnar eru út eru
merkilegt nokk númer 7 og 14 í röðinni en í
kjölfarið mun bók númer eitt koma út. Ástæð-
an er að þær fjalla um æsku aðalpersónanna
og eru þær gefnar út í þessari röð að ósk höf-
undanna. „En Þórgnýr fer fram og aftur í
tíma og inn í drauma sem eru kannski ekki
endilega draumar – því hvað eru draumar og
hvað er veruleiki?“ segir Ingunn um sögurnar
og bætir við: „Þetta gengur samt allt upp, les-
andinn er ekki skilinn eftir í lausu lofti, enda
er þetta vel planað og plottað hjá höfund-
unum.“ Sagan fjallar jöfnum höndum um vík-
inga, geimferðir, goðafræði og tímaferðalög –
og gamlar sögur um að guðirnir séu geimfarar
ganga aftur.
Titilpersónan Þórgnýr er þó ekki eina að-
alpersóna sagnanna, vinkona hans Árdís er
ekki síður mikilvæg persóna. „Hún er mikill
kvenskörungur og í mörgum tilfellum sterkari
aðilinn af þeim tveimur. Og í sögunum eru
sterkar konur að hætti hinna norrænu sagna,“
segir Ingunn sem segir bækurnar höfða jafn-
sterkt til stráka og stelpna, já og karla og
kvenna vitaskuld.
Það á eftir að koma í ljós hversu ör útgáfan
verður, það fer allt eftir viðtökunum. „Bæk-
urnar komu út síðsumars og allar bókabúðir
verða fullar af skólabókum á næstunni – en við
förum að markaðssetja þær af alvöru að því
liðnu. Ef vel gengur gætu þetta orðið 4 bækur
eða jafnvel 6 á ári.“
Voru guðirnir geimfarar?
Teiknimyndasögurnar um geimvíkinginn Þórgný koma loksins út á íslensku
Þórgnýr „Sagan fjallar jöfnum höndum um víkinga, geimferðir, goðafræði og tímaferðalög – og
gamlar sögur um að guðirnir séu geimfarar ganga aftur.“ Og fljúgandi ketti, risa og dverga.