Morgunblaðið - 03.12.2007, Blaðsíða 14

14 MÁNUDAGUR 3. DESEMBER 2007 MORGUNBLAÐIÐ
MENNING
ÞAÐ leið ekki
klukkustund frá
því að Kristín
Steinsdóttir var
tilnefnd til Bók-
menntaverðlauna
Norðurlandaráðs
fyrir bókina Á
eigin vegum þar
til tilboð barst frá
sænska forlaginu
Kabusa um út-
gáfu hennar.
Forlagið hefur áður gefið út bók
Kristínar, Engil í vesturbænum. Sú
bók hlaut Norrænu barna-
bókaverðlaunin árið 2003. Fleiri út-
gefendur hafa bók Kristínar til skoð-
unar, að sögn Forlagsins.
Bragi Ólafsson var einnig til-
nefndur til Bókmenntaverðlauna
Norðurlandaráðs fyrir Sendiherr-
ann. Í haust var gengið frá samn-
ingum við danska forlagið Athene
um útgáfu á þeirri bók og hafa
samningar einnig verið gerðir um
útgáfu bókarinnar í Þýskalandi,
Austurríki og Sviss. Bragi og Kristín
eru því á mikilli siglingu.
Tilnefning
og tilboð
Kabusa vill gefa út
Á eigin vegum
Kristín
Steinsdóttir
780 BÓKA-
TITLAR eru í
Bókatíðindum
þetta árið. Í
fyrra voru titl-
arnir 650. Prent-
un virðist í sí-
auknum mæli
fara fram er-
lendis, 54,2% í ár
samanborið við
42,8% í fyrra.
Barnabækur, íslenskar og þýddar,
eru alls 268; 30 þeirra (11%) prent-
aðar á Íslandi. Skáldverk, íslensk og
þýdd og ljóð, eru 194; 85 (44%) prent-
uð á Íslandi.
Fræðibækur, bækur almenns efnis
og listir eru alls 203; 150 (74%) eru
prentaðar á Íslandi. Saga, ættfræði,
ævisögur, handbækur, matur og
drykkur eru alls 115; 69 (60%) prent-
aðar á Íslandi.
Þeir sem spáð hafa fyrir um andlát
bókarinnar verða að bíta í það súra
epli að útgefnum bókum fjölgar með
hverju ári hjá bókaþjóðinni.
Bókatíðindi 2007
130 bókum
fleiri
KRISTJANA Stefánsdóttir
djasssöngkona syngur á að-
ventutónleikum Kvennakórs
Garðabæjar í kvöld kl. 20 við
undirleik gítarleikarans Ragn-
ars Arnar Emilssonar.
Efnisskráin verður sérlega
hátíðleg með léttum jólalögum
í bland við hátíðleg. Stjórnandi
er Ingibjörg Guðjónsdóttir og
píanóleikari er Sólveig Anna
Jónsdóttir.
Miðaverð er 2000 kr. við innganginn en 1700 kr.
í forsölu og fyrir lífeyrisþega. Ungmenni 15 ára og
yngri fá frítt á tónleikana. Forsala aðgöngumiða
er hjá Garðablómum á Garðatorgi, hjá kórkonum
og í gegnum netfangið kvennakor@kvennakor.is.
Aðventutónleikar
Létt jólalög í bland
við hátíðleg
Kristjana
Stefánsdóttir
HRAFNKELL Sigurðsson
myndlistarmaður heldur fyr-
irlestur um eigin verk kl. 12.30
í dag í húsnæði myndlist-
ardeildar Listaháskóla Íslands
á Laugarnesvegi 91, stofu 024.
Hrafnkell hlaut Íslensku
sjónlistaverðlaunin í sept-
ember síðastliðnum fyrir ljós-
myndaröðina „Áhöfn“ sem
sýnd var fyrst á sýningunni
Eiland í Gróttu, og innsetn-
inguna Afhafnasvæði sem sýnd var í Galleríi Suð-
suðvestur. Þessi verk þykja varpa nýju ljósi á ís-
lenska sjómenn og karlmennsku. Hrafnkell lauk
meistaragráðu frá Goldsmiths-listaháskólanum í
Lundúnum árið 2002.
Fyrirlestur
Hrafnkell segir frá
eigin verkum
Hrafnkell
Sigurðsson
BEBOPFÉLAG Reykjavíkur
heldur tónleika í kvöld á Kaffi
Kúltúru við Hverfisgötu í
Reykjavík. Félagið var stofnað
fyrr á árinu og hefur staðið fyrir
tónleikum fyrsta mánudag
hvers mánaðar, þar sem fram
hafa komið margir af helstu
djassleikurum þjóðarinnar.
Í kvöld verða síðustu tón-
leikar ársins og því er eiginlega
um uppskeruhátíð að ræða.
Búist er við því að hátt í 20 djasstónlistarmenn
líti við og leiki af fingrum fram, og ekki er loku fyrir
það skotið að „tenórarnir þrír“ verði þeirra á meðal.
Tónleikarnir hefjast kl. 22 og er aðgangseyrir
500 kr.
Tónleikar
Uppskeruhátíð
Bebopfélagsins
Haukur Gröndal
saxófónleikari
Eftir Ingveldi Geirsdóttur
ingveldur@mbl.is
„VIÐ athugun kemur í ljós að af þeim þýddu
skáldsögum sem gefnar eru út á íslensku eru
töluvert fleiri titlar eftir karlmenn en konur. Ef
meðaltal síðustu þriggja ára er skoðað sést að
einungis þriðjungur þýddra skáldsagna sem til
umfjöllunar eru í Bókatíðindum er eftir konur.
Það koma því að jafnaði út helmingi fleiri þýddar
skáldsögur eftir karlmenn á hverju ári en eftir
konur. Handtöskuseríunni er ætlað að vera fram-
lag til þess að bæta úr þessu,“ segir Sif Sigmars-
dóttir, framkvæmdastjóri bókaútgáfunnar Stíl-
brots sem setti nýverið á laggirnar nýja
bókaseríu, Handtöskuseríuna. Markmið hennar
er að gera nýjar og nýlegar erlendar skáldsögur
eftir konur aðgengilegar lesendum á íslensku.
Spurð hvers vegna hún telji bókmenntir eftir
karlmenn frekar þýddar yfir á íslensku segir Sif
að ef litið sé yfir íslenskan bókamarkað séu það
aðallega karlmenn sem taki ákvarðanir um hvað
sé gefið út.
„Ég heyrði einhvern tímann að karlmenn læsu
síður bækur eftir kvenhöfunda meðan konur
hugsuðu ekki út í það hvers kyns höfundurinn
væri. Það gæti spilað inn í þegar karlmenn eru að
velja bækur til þýðinga.“
Líka fyrir karlmenn
Bækur í Handtöskuseríunni koma út fjórum
sinnum á ári og verður hægt að nálgast þær í
verslunum sem og í áskrift. Áhersla verður lögð á
að gefa út nýjar skáldsögur eftir konur, alls stað-
ar að úr heiminum, sem vakið hafa sérstaka at-
hygli í heimalandi sínu eða átt velgengni að fagna
á alþjóðlegum markaði. Um er að ræða fagurbók-
menntir, glæpasögur, verðlaunabækur, skvísu-
bækur, smásögur og skáldsögur. Sif segir fjöl-
breytnina því verða mikla.
„Þótt þetta séu eingöngu bækur eftir konur
geta karlmenn haft gaman af þeim, enda bara um
venjulegar sögur að ræða, þetta eru engar sér-
stakar kvennabókmenntir.“
Jane Austen fyrst
Fyrsta bókin í Handtöskuseríunni er komin út
og er það metsölubókin Jane Austen leshring-
urinn eftir Karen Joy Fowler í þýðingu Evu
Hrannar Stefánsdóttur og Ölvis Gíslasonar. Í
bókinni segir frá sex einstaklingum sem koma
saman einu sinni í mánuði til þess að ræða skáld-
sögur Jane Austen. Undir leiðsögn Austen tvinn-
ast líf þeirra saman, ástarævintýri hefjast, önnur
sambönd líða undir lok og ef til vill skýrist smám
saman hver tilgangur leshringsins var. „Okkur
þótti þessi bók tilvalin til að gefa tóninn fyrir ser-
íuna og við hæfi að hafa Jane Austen í hávegum í
þessari fyrstu bók Handtöskuseríunnar, enda
einn fremsti kvenrithöfundur í heimi,“ segir Sif
og bætir við að kiljubrotið á bókunum hafi verið
sérstaklega hugsað til að þær yrðu nettar og
færu vel í tösku, eins og nafnið á bókaseríunni
bendir til.
Bókaútgáfan Stílbrot er ungt fyrirtæki, stofnað
fyrir tveimur árum af einni fjölskyldu. „Við höf-
um aðallega gefið út þýddar skáldsögur og tekið
þátt í þessu hefðbundna jólabókaflóði með harð-
spjaldaútgáfu en núna höfum við snúið okkur ein-
göngu að kiljum með þessari seríu og ætlum ekki
að vera í neinni annarri útgáfu fyrst um sinn,“
segir Sif sem situr reyndar beggja vegna útgáfu-
borðsins fyrir þessi jól, en hún er höfundur ung-
lingabókarinnar Einu sinni var dramadrottning í
ríki sínu sem kemur út hjá Máli og menningu, og
er sjálfstætt framhald bókarinnar Ég er ekki
dramadrottning sem kom út í fyrra.
Handtöskuserían hefst
Helmingi fleiri þýddar skáldsögur koma út eftir karlmenn en konur hér á landi
Morgunblaðið/Brynjar Gauti
Dramadrottning Sif Sigmarsdóttir með bók sína Einu sinni var dramadrottning í ríki sín. Hún er
sjálfstætt framhald bókarinnar Ég er ekki dramadrottning sem kom út í fyrra.
www.handtoskuserian.is.
„Í LANDSLAGSMYNDUM mínum
mótar fyrir fjöllunum í fjarskanum,
veikum smáblettum við sjóndeild-
arhringinn. Þeim er ætlað að sýna að
við erum lítil og veikburða og ráðum
litlu um örlög okkar. Þar ræður mátt-
ur sem er okkur öllum æðri.“ Þannig
lýsir myndlistarkonan Arngunnur Ýr
verkum sínum á sýningunni „Land ég
sá“ í forkirkju Hallgrímskirkju.
Verkin á sýningunni eru bæði stór
og smá en þó flest í stærri kantinum,
máluð með olíu á ál eða panel og
margunnið í litalögin, málað yfir og
skrapað.
„Þetta er mjög hægur prósess,“
segir Arngunnur Ýr um verkin.
„Þetta eru unnið upp í mjög þunnum
lögum. Svo vinn ég til baka inn í
myndina, má segja, inn í lögin. Ég
eiginlega ét í burtu og kemst að inn-
viðum myndarinnar á þann hátt.“
En þetta heiti, Land ég sá?
„Það er ákveðin skírskotun í lands-
lagslistarhefðina og hvernig við upp-
lifum fjöllin og náttúruna. Hvernig
hún hefur verið túlkuð í gegnum
myndlist. Það hefur verið ákveðin
hefð sem snýst í kringum fjöllin, þau
eru upphafin, má segja, ákveðin
„ídealísering“. Við þekkjum okkar
fjöll,“ segir Arngunnur. Fjöllin veiti
ákveðið öryggi en allt sé hins vegar
síbreytilegt.
„Jón Proppé komst svo vel að orði
um myndirnar mínar fyrir löngu síð-
an, sagði að ég sneri landslagshefð-
inni á hvolf […] mitt land er þarna en
það er erfiðara að finna það.“ Allt í
myndunum er með ásettu ráði gert.
„Myndirnar mínar eru ekki endi-
lega um myndefnið heldur hvernig
þær eru málaðar,“ segir Arngunnur.
Þetta sé mikilvægt atriði, verkin snú-
ist um ferlið, að mála, og hvernig
verkunum sé komið til skila. Svo megi
finna skírskotanir í listasöguna og
málverkahefðina.
„Að vissu leyti eru myndirnar eins
og leiktjöld. Þeim er ekki ætlað að
vera raunsæjar.“ Arngunnur segist
fást við flatneskjuna í málverkinu en
um leið ferðalagið inn í myndina. Að
því leyti snúist þetta um togstreitu
milli ákveðinna afla í myndinni sem
og í myndbyggingunni.
Allt er síbreytilegt
Morgunblaðið/Kristinn
Eins og leiktjöld Arngunnur Ýr reynir að fást við kjarnann í snertingu
okkar við náttúruna og tjá blöndu af missi og eftirsjá í verkum sínum.
♦♦♦
NORSKI nútímalistdansflokkurinn
Carte Blanche hefur óskað eftir
því við Hvalveiðisafnið í Söndef-
jord að fá lánaða þaðan beinagrind
af steypireyði. Beinagrindina
hyggst dansflokkurinn nota í sviðs-
mynd dansverksins Ambra.
Ambra er samvinnuverkefni
Carte Blanche og Íslenska dans-
flokksins og verður frumflutt í
Reykjavík 23. maí á næsta ári.
Danshöfundurinn Ina Christel Jo-
hannessen á hlut að verkinu. Hild-
ur Guðnadóttir sellóleikari mun
flytja lifandi tónlist. Þemað er sam-
eiginlegur hvalveiðiarfur þjóð-
anna.
Dansað við
steypireyði
Hvaladans Íslenski dansflokkurinn.