Morgunblaðið - 13.06.2008, Blaðsíða 20
matur
20 FÖSTUDAGUR 13. JÚNÍ 2008 MORGUNBLAÐIÐ
Ég á engar dósir eðapakkalausnir í mínumeldhússkápum heldurlegg ég mig fram um að
elda allt frá grunni. Annað er ekki
eldamennska, að mínu mati. Ég
reyni að hafa hollmetið í öndvegi
og nota til dæmis aldrei rjóma í
mína eldamennsku,“ segir Kristín
Guðmundsdóttir, sem er búsett í
tyrkneska skútubænum Göcek við
Miðjarðarhafið.
Kristín hefur búið í Tyrklandi
undanfarin tvö ár, unir sér vel í
Miðjarðarhafsloftslaginu og segist
ekki hafa svo mikið sem vott af
heimþrá. „Hér kemst maður af
með brotabrot af þeim fjárútlátum
sem Íslendingar á Íslandi þurfa að
sjá af í helstu nauðsynjar, en rétt
er að taka fram að innflutt matvara
og innflutt vínföng eru hér mjög
dýr,“ segir Kristín, sem hefur það
fyrir venju að trítla með inn-
kaupakerruna sína á hverjum
sunnudagsmorgni á markaðinn,
sem er í göngufæri frá heimili
hennar og bókstaflega ilmar af
ferskleika. Þar kaupir hún græn-
meti til vikunnar, en sem dæmi má
nefna að kílóið af appelsínum og
tómötum kostar sem svarar 60
krónum, stærðarinnar rucolavönd-
ur er á 30 krónur og ferskjur og
kirsuber eru á 120 kr. kílóið. Á
veitingahúsum er líka ódýrt að
borða því algengt verð á forréttum
er frá 180 til 360 krónur og algengt
verð á aðalréttum 600 til 1.500
krónur. Verð á tyrkneskum vínum
út úr búð er algengt 600 til 1.200
krónur og bjór á bar kostar þrjár
lírur eða 180 krónur.
Kristín er orðin hagvön í Göcek
og talar orðið tyrknesku með hjálp
tyrkneskrar vinkonu sinnar Sevgi,
sem hefur líka kennt henni sitthvað
um tyrkneska matseld. „Sevgi, sem
hjálpar mér við þrif á skútunum
eftir hverja leigu, á svo dótturina
Dilek, sem er á fjórða ári og er
mikil prinsessa í bænum. Hún
passar auðvitað upp á það að ég
segi enga vitleysu og leiðréttir mig
í tíma og ótíma. Svona finnst mér
afskaplega gott að læra ný tungu-
mál,“ segir Kristín, sem nestaði
blaðamann með uppskriftum að
hollum og góðum réttum, sem hún
hefur margreynt á gestum sínum
við góðan orðstír. Hver uppskrift
er fyrir sex manns.
Linsubaunabollur
1 glas rauðar linsubaunir
4 glös af vatni
1 glas fínar bulgur
2 laukar
2-3 msk tómatpúrra
salt
chilipipar
cumin-duft
3-5 vorlaukar
steinselja
Linsubaunirnar eru soðnar í
vatninu í um það bil hálftíma eða
þar til smávatn er eftir á þeim. Þá
er einu glasi af fínum bulgum bætt
út í pottinn. Hrært saman í um það
bil tvær mínútur á hita. Tekið af
hitanum og látið standa í fimm til
tíu mínútur. Laukarnir svissaðir í
öðrum potti í smáolíu. Tómatpúrr-
unni bætt út í og kryddað vel með
salti, chilipipar og cumin-dufti.
Engar skyndilausnir í
Linsubaunabollur, kjúklingapottréttur og baunapott-
réttur var meðal þess sem skútuskipstjórinn Kristín
Guðmundsdóttir framreiddi á svölunum sínum í
heitu Miðjarðarhafsloftslaginu í Tyrklandi þegar Jó-
hanna Ingvarsdóttir brá sér til hennar í heimsókn.
Linsubaunabollur Með rauðum linsum og fínum bulgum. Baunapottréttur Með grænum linsubaunum og gulrótum.Kjúklingapottréttur Með sveskjum og furuhnetum.
21. júní í 2 vikur frá kr. 44.990 Bjóðum nú allra síðustu sætin til Rhodos 21. júní í 2 vikur. Í boði er
stökktu tilboð en þá bókar þú flugsæti og gistingu og 4 dögum fyrir
brottför færðu að vita hvar þú gistir. Einnig er í boði frábært tilboð á
einum af okkar vinsælasta gististað á Rhodos, Hotel Forum, með
hálfu fæði og stendur aðeins 100 m frá ströndinni. Á hótelinu er góð
sundlaug, barir og veitingastaður. Góð aðstaða er fyrir börn s.s.
barnalaug, leikaðstaða, billiard, pílukast, borðtennis o.fl. Á daginn
og kvöldin er skemmtidagskrá fyrir bæði börn og fullorðna. Gríptu
tækifærið og njóttu lífsins á þessum vinsæla áfangastað.
Skógarhlíð 18 • sími 595 1000 • www.heimsferdir.is
Verð kr. 44.990
- Stökktu tilboð
Netverð á mann, m.v. 2 fullorðna og 2
börn í íbúð. Stökktu tilboð 21. júní í 2
vikur. Aukalega kr. 10.000 m.v 2 í
herbergi / stúdíó / íbúð.
Verð kr. 54.990
- Hotel Forum með hálfu fæði
Netverð á mann, m.v. 2 fullorðna og 2
börn í íbúð m/1 svefnherbergi í viku.
Hotel Forum 21. júní í 2 vikur.
Aukalega kr. 10.000 m.v. 2 fullorðna í
íbúð m/ 1 svefnherbergi.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
*** Allra síðustu sætin ***
Ótrúlegt tilboð
Kr. 54.990 í 2 vikur
- með hálfu fæði Rhodos