Morgunblaðið - 13.06.2008, Blaðsíða 34

Hugh Hefner, hann á
svo góða að … 36 »
reykjavíkreykjavík
Eftir Jóhann Bjarna Kolbeinsson
jbk@mbl.is
„EINAR er enn að jafna sig eftir
slysið, og verður örugglega ekki
kominn á almennilegt ról fyrr en í lok
júlí eða byrjun ágúst. Þannig að við
höfum þurft að fresta á bilinu 20 til 30
tónleikum,“ segir Róbert Aron
Magnússon, umboðsmaður hljóm-
sveitarinnar Steed Lord. Eins og
margir eflaust muna lenti sveitin í al-
varlegu bílslysi á Reykjanesbraut-
inni hinn 9. apríl sl. Að sögn Róberts
fór Einar Egilsson verst út úr slysinu
og þótt hann hafi náð nokkrum bata
hrakaði honum töluvert eftir aðgerð í
síðustu viku.
„Við vorum búin að plana tveggja
vikna túr um Bandaríkin í júlí en við
þurfum líklega að fresta honum,“
segir Róbert. Þá verður einnig ein-
hver bið eftir fyrstu plötu sveitar-
innar. „Platan átti að vera klár og við
ætluðum að vera byrjuð að kynna
hana bæði hér á landi og erlendis.
Hún klárast hins vegar í sumar þann-
ig að öll plön hjá okkur eru komin
þrjá eða fjóra mánuði aftar en þau
voru.“
Aðspurður segir Róbert ekki hafa
komið til tals að hljómsveitin haldi
tónleika án Einars. „Það var alltaf
búist við því að þetta yrði svona
tveggja mánaða strik í reikninginn.
Ef þetta fer að teygjast eitthvað
verður það kannski eitthvað skoðað.
En Einar spilar bara svo stóran þátt í
þessu að það væri rosalega mikill
missir. Þannig að það hefur ekki
komið til tals,“ segir Róbert.
„Við erum annars með einhverjar
tíu til fimmtán bókanir frá miðjum
ágúst fram í september og ef við
frestum þessum Bandaríkjatúr reyn-
um við að tengja þetta eitthvað sam-
an. Við vonum að það komist í samt
horf eftir svona mánuð, þá ættum við
að geta verið með eina tónleika hér
og svo tekið Evrópu og Bandaríkin í
framhaldinu,“ segir Róbert, en auk
þess er Steed Lord bókuð á Iceland
Airwaves hátíðina í október. „Það
horfa allir björtum augum á fram-
haldið, enda þýðir ekkert annað.
Menn verða bara að stappa í sig stál-
inu þótt þetta sé erfitt,“ segir Róbert.
Hafa frestað 20-30 tónleikum
Steed Lord Svala Björgvinsdóttir, söngkona sveitarinnar, ásamt hinum
meðlimum hennar, bræðrunum Eðvarði, Einari og Erlingi Egilssonum.
Meðlimir Steed Lord eru enn að jafna sig eftir alvarlegt bílslys
 Tónleikar Whitesnake fóru fram
í Laugardalshöll á þriðjudag og í
gær birtust dómar í helstu fjöl-
miðlum landsins. Arnar Eggert
Thoroddsen, tónlistarblaðamaður
Morgunblaðsins, var ekki par hrif-
inn af frammistöðu Davids Cover-
dales og félaga og gaf tónleikunum
aðeins eina stjörnu í dómi sem bar
fyrirsögnina „Náhvítt snákshræ“.
Íþróttablaðamaður Fréttablaðs-
ins, Henry Birgir Gunnarsson, var
hins vegar á öndverðum meiði og
svo ánægður með tónleikana að
hann hrósaði Coverdale sérstak-
lega fyrir að bregða sér baksviðs í
hvert skipti sem hann lenti í and-
nauð, því þá hefði gefist tóm fyrir
löng trommu- og gítarsóló!?
Misjafn er smekkur ...
 Íslenska lág-
gjaldaflugfélagið
Iceland Express
býður enskum
tónlistaráhuga-
mönnum upp á
sérstök tilboðs-
sæti í tilefni af tónleikum Bjarkar
og Sigur Rósar í Laugardalnum
hinn 28. júní. Kostar miðinn aðra
leið um 10 þúsund krónur sem telst
nú ekki hátt verð á þessum síðustu
og verstu tímum.
Tónleikarnir hafa vakið athygli
um allan heim og öll helstu tónlist-
artímarit og vefsíður helgaðar tón-
list hafa með einum eða öðrum
hætti fjallað um tónleikana. Á vef-
síðu ferðaskrifstofunnar Travel
Counsellors segir að tónleikarnir
séu haldnir í hveradal í miðborg
Reykjavíkur og að líklegt sé að enn
eigi eftir tilkynna um þátttöku
fleiri listamanna, þ.á.m. einnar
enskrar hljómsveitar. Hvaðan Tra-
vel Counsellors hefur sínar heim-
ildir er ekki gott að segja en hér
hafa menn verið þöglir sem gröfin.
Hvaða enska hljóm-
sveit er þetta?
Eftir Ásgeir H Ingólfsson
asgeirhi@mbl.is
ELDGLEYPIR, kandífloss, popp,
freyðivín og bjór verður á boð-
stólum á skemmtistaðnum 7-9-13 á
Klappastíg í kvöld kl. 10, en þar
mun nýstofnað útgáfufyrirtæki,
Ching Ching Bling Bling Records,
kynna sýna fyrstu afurð, nýjan disk
með Peter and Wolf. Úlfurinn er
Bjarki Magnússon, sem einnig gef-
ur út hjá fyrirtækinu undir nafninu
Orustubjarki og Pétur er Pétur Jó-
hann Einarsson, einn af fjórum for-
sprökkum útgáfunnar. Þá vekur at-
hygli að hann er í meira en helm-
ingi þeirra hljómsveita sem eru á
snærum þessa nýstofnaða útgáfu-
fyrirtækis.
„Þetta er svona kokteill, hinir og
þessir, stór vinahópur sem hópar
sig saman og býr til músík,“ segir
Pétur um böndin, sem virðast vera
mismunandi útgáfur af klíkum inn-
an hópsins sem skarast þvers og
kruss. Auk Péturs standa Hafsteinn
Michael Guðmundsson og hjónin
Berglind Björk Halldórsdóttir og
Hannes Þór Baldursson að útgáf-
unni sjálfri. „Við vorum búin að
gefa út þrjá diska fyrir og ákváðum
bara að slá til og búa til fyrirtæki í
kringum þetta,“ segir Pétur en öll
eru þau einnig í einhverjum sveit-
um útgáfunnar fyrir utan Berglindi
sem heldur utan um allt saman.
„Hún er fyrrverandi grúppía.
Þegar við vorum með Spírandi
baunir var hún bara að elta bandið,
og svo enduðu þau saman, söngv-
arinn og hún, í mikilli hamingju.“
Rekast listin og viðskiptin ekki á?
„Það hefur ekki reynt á það ennþá,
en við ætlum bara að láta það
ganga upp. Það er nú eitthvað af
bisnessfólki í útgáfunni á meðan
aðrir hafa ekkert bisnessvit, við lát-
um þá sem hafa vitið sjá um þetta.“
Þau leggja áherslu á tilrauna-
kennda tónlist. „Okkur langar að
gera eitthvað skapandi og
skemmtilegt, gæða hversdagslífið
töfrabjarma og koma góðri tónlist á
framfæri. Næst er svo ný skífa
Black Valentine í ágústbyrjun. Svo
er stefnan að vera dugleg og gefa
út 3-4 skífur á ári,“ bætir Pétur við.
En þetta er ekki lokaður hópur.
Kabarett-tölvupopp
„Við höfum mjög gaman af að fá
demó til okkar, það eru allir vel-
komnir með efni, þetta er ekki lok-
uð útgáfa.“ Vefsíða útgáfunnar er
tilbúin og verður með tímanum
hægt að kaupa plöturnar og nú má
nota síðuna til að heimsækja My-
space-síður sveitanna.
En hvernig tónlist má búast við
frá Pétri og úlfinum í kvöld?
„Tilraunakennt kabarett-tölvu-
popp,“ svarar Pétur þegar hann er
rukkaður um skilgreiningu og bæt-
ir við: „Þá má oft heyra hversdags-
legt spjall tónlistarmannanna í bak-
grunni. Eins eru þarna nokkrar
eldgamlar upptökur af foreldrum
og frændfólki Bjarka að syngja
þjóðlög og spila á nikkuna.“
Úlfar og eldgleypar
Útgáfufyrirtækið Ching Ching Bling Bling Records fagnar fyrstu plötunni
Morgunblaðið/Frikki
Í skjóli Drekans Aðstandendur plötufyrirtækisins Ching Ching Bling Bling á horni Njálsgötu og Frakkastígs.
www.chingchingblingbling.com
Black Valentine
Pornopop
Mountain Zero
Caps Lock Forever!
Peter and Wolf
Orustubjarki
California Cheesburger
Rafgashaus
Böndin