Morgunblaðið - 31.08.2008, Blaðsíða 10
10 SUNNUDAGUR 31. ÁGÚST 2008 MORGUNBLAÐIÐ
É
g sótti um stöðuna vegna
þess að ég veit að Ísland
býður upp á eina bestu
heilbrigðisþjónustu í
heimi og Landspítalinn
hefur átt stóran þátt í
því,“ segir Hulda. „Ég
hef unun af að vinna inn-
an heilbrigðisþjónustunnar, þróa hana og þar af
leiðandi þjóðfélagið. Það er ekki á hverjum degi
sem maður getur sameinað áhugamál sitt og
það sem brennur á manni.“
Hulda hefur búið í nítján ár í Noregi, fór
þangað upphaflega til náms við Háskólann í
Osló þar sem hún lauk embættisprófi í hjúkr-
unarvísindum. Hún vann um tíma hjá Ullevål-
háskólasjúkrahúsinu, þar á meðal sem hjúkr-
unarframkvæmdastjóri á barnaskurðdeild. Árið
2005 varð hún forstjóri Aker-háskólasjúkra-
hússins og lætur af því starfi til að verða for-
stjóri Landspítalans. Hún er fámál um það
hvaða breytingar hún vilji sá í rekstrinum. „Ég
ætla að taka mér tíma til að kynna mér málið í
nokkra mánuði og átta mig á hlutunum áður en
ég gef yfirlýsingar,“ segir hún.
Megum ekki koma á eftir
Hún hefur ákveðnar skoðanir á því hvað hægt
sé að gera betur innan heilbrigðiskerfisins.
„Vegna þess að við búum yfir mikilli þekkingu
þá getum við notað hana enn betur til að fá sem
mest út úr því fjármagni sem við höfum yfir að
ráða. Það sem við stjórnendur höfum ekki verið
nægilega góðir í er að spyrja starfsmenn, og þá
aðallega læknana, hvað muni gerast eftir tvö ár
eða fjögur ár. Hver verða nýju lyfin? Hvernig
verða nýju tækin?
Ný lyf og tækjabúnaður verða til þess að það
þarf að breyta skipulagningunni og þjónust-
unni. Verkefnin breytast út af þessari þróun í
heilbrigðisvísindunum en við erum alltof oft
fimm eða jafnvel tíu árum á eftir. Við eigum að
hugsa: Hvernig eigum við að skipuleggja starf-
semina, hvað þurfum við margt starfsfólk og
hvaða menntun þarf það að hafa?
Við stjórnendur megum ekki koma á eftir, við
verðum að vinna með starfsfólkinu sem hefur
alla þessa kunnáttu og þekkingu.
Ég er mjög upptekin af gæðum og þjónustu.
Við eigum að vera með hagkvæman rekstur og
meðhöndla fleiri sjúklinga og á betri hátt. Þetta
hefur verið keppikefli mitt í stjórnunarstarfi.“
Hulda er spurð hvort hún hafi eftir menntun
sína sem hjúkrunarfræðingur stefnt að því að
fara í stjórnunarstarf. „Nei, þetta bara gerðist,“
segir hún. „Kannski liggur þetta í eðli mínu, að
vilja að hlutirnir gangi og sjá stöðugt nýja
möguleika.“
Þegar Hulda er spurð hvernig stjórnandi hún
sé svarar hún: „Ég spyr margra spurninga og
reyni að vera meðal fólks eins mikið og ég get.
Ég geri kröfur, er metnaðargjörn, vil ná árangri
og reyni að hvetja fólk. Maður verður að vera
seigur og ekki gefast upp. Ef ein leið gengur
ekki þá finnur maður aðra leið.“
Norðmenn elska Íslendinga
Hulda segist fagna því að flytja aftur heim til
Íslands. Eiginmaður hennar, Lars Erik Flatö,
verður eftir í Osló, og hjónin verða því í fjarbúð.
Hulda Gunnlaugsdóttir, for-
stjóri Aker-háskólasjúkra-
hússins í Ósló, hefur verið
ráðin nýr forstjóri Landspít-
alans og tekur þar til starfa
10. október næstkomandi
Eins og að spila
eftir nýjum leik r
Hulda fædd-
ist árið 1958
og ólst upp í Kópa-
vogi. Hún fór
17 ára gömul til
Nýja-Sjálands
sem skiptinemi.
Bróðir henn-
ar er Andrés
Gunnlaugsson húsa-
smiður og þjálfari ÍR
í handbolta.
Áhugamál
hennar eru
heilbrigðismál, rekst-
ur og þróun sjúkra-
húsa og þjóð-
félagsmál. Hún stund-
ar gönguferðir og er
tíður gestur á heilsu-
ræktarstöðvum.
Þau hjón
fara lítið í bíó
og leikhús og Hulda
segir þau ætla að
geyma þær heim-
sóknir til elliáranna.
»
Eftir Kolbrúnu Bergþórsdóttur
kolbrun@mbl.is
Hún safnar
hvorki bók-
um né tónlist en les
allar bækur Arnaldar
Indriðasonar. Und-
anfarin sex ár hefur
hún farið reglulega á
skíði til Austurríkis
með íslenskum vinum
sínum.
»
»
»
»