Skinfaxi - 01.04.1956, Side 48

48
SKINFAXI
Þrastaskógur.
Ungmennafélögunum hefur verið send tilmæli um að þau
leggi fram eitthvert fjármagn til endurnýjunar girðingar um-
hverfis Þrastaskóg. Þrastaskógur er eign samtakanna, og ber
þeim að sýna þeim fagra stað fullan sóma. Öllum ungmenna-
félögum ber að hafa það í huga, að þau eiga sinn hluta i
Þrastaskógi og að þau hafa einnig sínar skyldur við hann.
Eitt umf. brá við skjótt og rausnarlega og sendi 500 kr.
strax og til þess var leitað. Þetta var sama félagið og svo
skjótt brá við og svaraði málaleituninni um minnisvarðann.
Þetta félag, sem sýnir svo mikinn félagsþroska, er umf. Ör-
æfinga.
Ungmennafélagar! Takið félaga ykkar i Öræfunum til fyr-
irmyndar og sýnið sameiginlegum málefnum samtaka okkar
áhuga og velvild.
Skarphéðinn 1910—1950.
Héraðssambandið Skarphéðinn hefur gefið út inyndarlcgt
minningarrit í tilefni 40 ára afmælis síns. Ingimar Jóhannes-
son fulltrúi er höfundur ritsins. Er þetta stór bók, um 300
bls. i Eimreiðarbroti, prýdd. mörgum myndum, og frágangur
allur hinn vandaðasti. Nánar verður sagt frá bókinni i næsta
hefti Skinfaxa.
Leiðrétting.
Þau leiðu mistök urðu i siðasta hefti Skinfaxa, að niður
féllu nöfn fulltrúa Ungmennasambands Snæfellsness- og
Hnappadalssýslu á 19. þingi U.M.F.Í. á Akureyri á siðastl.
sumri. Fulltrúar Snæfellinga á þinginu voru þeir Kristján
Jónsson, bóndi á Snorrastöðum, og Sigurður Helgason, íþrótta-
kennari í Stykkishólmi. Skinfaxi biður hlutaðeigendur vel-
virðingar á mistökunum.
Útgefandi: Sambandsstjórn Ungmennafélags fslands.
Pósthólf 406. — Reykjavík.
Afgreiðsla: Edduhúsinu, Reykjavík, efstu hæð.
Ritstjóri: Stefán Júlíusson,
Brekkugötu 22, Hafnarfirði.
Félagsprentsmiðjan h.f.