Skinfaxi - 01.02.1987, Blaðsíða 3
í upphafi afmælisárs.
í byijun ágústmánaðar n.k. eru liðin 80 ár frá því Ungmennafélag íslands var
stofnað á Þingvöllum. Sá tími þykir ekki hentugur hátíðahalda, og verður því
afmælisins minnst með ýmsum hætti á öðrum rímum ársins.
Mörg verkefni og stór munu einkenna þetta afmælisár. Þann 24. janúar s.l. var
nýja húsnæðið okkar að Öldugötu 14 formlega tekið í notkun.
1 tilefni dagsins komu um 60 gestir í kaffisamsæti og virðast allir sammála um að
vel hafi til tekist um húsakaupin og þær breytingar sem framkvæmdar hafa verið á
húsinu. Húsnæðið býður upp á aukna möguleika á þjónustu við félög og
héraðssambönd og stórbætta gistiaðstöðu fyrir íþróttahópa af landsbyggðinni.
Afmælishlaup UMFÍ verður háð í öllum grunnskólum á svæðum ungmennafélaga í vor. Fyrst verður undankeppni
í skólum, síðan keppni milli skóla innan hvers héraðssambands og að lokum úrslitahlaup á Landsmóti UMFI á
Húsavík 10.-12. júlí. Þangað verður stefnt tveimur pUtum og tveimur stúlkum úr hverjum árgangi 5.-8. bekkjar
grunnskóla innan hvers sambandsaðila UMFÍ. Þátttakendur gætu orðið um 400.
19. Landsmót UMFÍ verður haldið á Húsavík. Gífurlegur áhugi hjá heimamönnum og er undirbúningur allur með
miklum ágætum. Ýmislegt nýtt verður á dagskrá án þess að í nokkru verði raskað þeirri reisn sem einkennt hefur
Landsmótin. Ungmennafélagar um allt land þurfa að leggja sitt af mörkum til að gera mótið sem fjölmennast og
glæsilegast með þátttöku sinni.
Þing UMFÍ verður haldið fyrstu helgi í september. Til þess verður reynt að vanda eftir föngum og
afmælisfagnaður mun tengjast þinginu. Margt fleira er á dagskrá m.a. gerð fræðsluefnis um félagsstörf á
myndböndum fyrir grunnskóla.
Göngudagur fjölskyldunnar verður að þessu sinni í samvinnu við skáta og gæti sú samvinna orðið upphaf að
meira samstarfi þessara aðila.
Eitt tölublað Skinfaxa verður sérstaklega helgað afmælisárinu.
Það voru miklir hugsjónamenn sem hófu merki ungmennafélagshreyfingarinnar á loft fyrir 80 árum. Enginn þeirra
hefur sjálfsagt séð fyrir þá þróun sem orðið hefur. Vandamálin voru mörg sem við var að glíma. Þau hafa breyst en
ungmennafélagshreyfingin hefur fylgst með þróuninni og er því ekki síður mikilvæg í dag en fyrir 80 árum. f
framtíðinni verður mikil þörf á skipulögðu íþrótta- og félagsstarfi, enda vafalaust mikilvægasta aflið gegn þeim
hættum er kunna að verða á vegi æskufólksins.
íslandi allt
Pálmi Gíslason
I blaðinu er meðal annars:
Afrekaskráin í frjálsum
íþróttamaður ársins 1986
t as? si;'rii |
!
1 1 5 2 6 2
Sumarbúðir í Róykjaskóla
Útgefandi: Ungmennafélag íslands • Ritstjóri: GuSmundur Gíslason • Ábyrgðarmaðun Pálmi Gíslason • Stjóm UMFÍ: Pálmi
Gíslason form. Þóroddur Jóhannsson varaform. Þórir Jónsson gjaldkeri, Bergur Torfason ritari, meðstjómendur: Dóra Gunnarsdóttir, Diðrik
Haraldsson, Guðmundur H. Sigurðsson • Afgreiðsla Slrinfaxa: öldugata 14 Reykjavík sími: 91-14317 • Setning og umbrot:
Skrifstofa UMFÍ • Filmu og plötugerð: Prentþjónustan hf. • Prentun: Prentsmiðjan Rún sf.
Allar greinar er birtast undirnafni eru á ábyrgð böfunda sjálfra og túlka ekki stefnu eða skoðanir blaðsins né stjómar UMFl.