Sjómannablaðið Víkingur - 01.12.1977, Blaðsíða 10

að Beatty var í námunda, reyndi
hann að komast undan og í höfn.
Kl. 09.20 hófu öll skipin skothríð
og varð þýska orrustuskipið
„Bliicher“ harðast úti, en Þjóð-
verjarnir beindu skeytum sínum
aðallega að „Lion“. Beatty gaf
sínum skipum fyrirmæli um að
berjast skip gegn skipi, en sjálfum
sér ætlaði hann „Seydlitz", flagg-
skip Hippers. „Tiger“ átti að
beina árásinni að „Moltke“, en
foringinn þar hélt að það væri
hlutverk „Indomitables", sem var
statt nær „Moltke“ og beindi
skothríð sinni að „Seidlitz“,
þannig að „Moltke“ slapp
óskaddað. „Seidlitz“ varð aftur á
móti fyrir miklum skemmdum og
svo varð einnig um „Lion“, sem
nú lá ferðlaus, svo að Beatty lét
flytja sig yfir á annað orrustuskip,
þar sem „Lion“ var úr leik. Hann
gaf fyrirskipun um eftirför, en
þessi fyrirmæli voru misskilin og
bresku bryndrekarnir beindu nú
árásum sínum aðallega að
„Blúch er“, sem endaði með því
að honumv ar sökkt. „Seidlitz“ og
mörg önnur skip þýska flotans
urðu fyrir miklum skemmdum.
„Lion“ var dregin til hafnar, en
önnur skip Breta urðu ekki fyrir
neinu teljandi tjóni. Sigurinn var
óumdeilanlega Breta, en talið er
að árangurinn hefði orðið mun
betri, ef breski flotinn hefði haldið
eftirförinni áfram í svo sem hálfri
klukkustund lengur og talið að
tekist hefði að sökkva að minnsta
kosti „Seidlitz". „Mistök, ekki
einu sinni svokölluð mannleg
mistök, mega eiga sér stað í orr-
ustu, sem þessari,“ er hft eftir
Beatty, eftir bardagann. í flota-
stjórninni kom fram hörð gagn-
rýni á merkjakerfi flotans, með
hliðsjón af því að foringjar Beattys
misskildu fyrirskipanir hans, um
að berjast skip gegn skipi, á úr-
slitastund.
Næstu stórátök urðu svo ári
síðar, þ.e. orrustan við Jótland,
394
sem sagt er frá í áðurnefndu tbl.
Víkings og verður ekki endurtekin
hér. 6 mánuðum eftir þá orrustu
var Beatty gerður að aðmírál og
tók við stjórn alls sjóhers Breta á
Atlantshafi, af Jellico, sem þá varð
fyrsti lávarður í flotamálaráðu-
neytinu.
Jellico lést 1935 og Beatty ári
seinna, en báðir hlutu þeir hvílu-
stað í grafhvelfingu St. Pauls-
kirkjunnar, en þar hvíla frægustu
sjóhetjur Breta, þar á meðal Nel-
son.

v'v ■
Fiskbúð á hjólum
Fiskiverslun hefur lengi verið stunduð á íslandi við fremur frumstæðar
aðstæður. Þeir sem nú eru á miðjum aidri eða eldri muna eftir hand-
vögnum, sem fisksalar drógu um íbúðahverfin, vír var dreginn gegnum
augun á fiskinum og hann var veginn á reislu.
Síðan komst fiskverslunin undir þak.
Nú er hinsvegar útlit fyrir að fiskversiunin komist aftur út á götuna,
því hannaður hefur verið fiskbíll/fiskverslun í Bretlandi, þar sem hús-
mæður geta keypt ferskan fisk.
Útgerðarfélag í Bretlandi hefur pantað nokkrar fiskbúðir á hjólum hjá
breskum bílasmiðjum og er bílunum ætlað að sjá um dreifingu á nýjum
fiski til hcimila.
Yfirbyggingin, eða fiskbúðin er smíðuð á vörubílagrind á Leyland
Sherpa, en afturhásingin er breytt, þannig að sporbreidd hjóla er aukin.
Aftast eru búðardyr og þar fyrir innan búðarborð úr trefjagleri. Er
þetta vel einangrað kæliborð, þar sem helstu tegundir eru til sýnis.
Þá eru í bílunum ísgeymar, fyrir skelís, sem notaður er til að kæla
vörumar og sérstakur geymir er fyrir vökva sem myndast þegar ísinn
bráðnar.
öllu er haganlega fyrir komið og með tilliti til þess að auðvelt sé að
halda fiskbúðinni hreinni. Heitt og kalt vatn er fyrir afgreiðslufólkið til
þvotta, en þrátt fyrir þetta er nóg rými fyrir fisk í nýju búðinni.
VÍKINGUR