Sjómannablaðið Víkingur - 01.02.2003, Blaðsíða 44

Hólaskóli
Nú er verið að ganga frá nýju 1500m3
húsnæði Hólaskóla á Sauðárkróki sem
ætlað er til fiskeldiskennslu. Þessi að-
staða er í húsnæði Fiskiðjunnar og
stendur við höfnina á Sauðárkróki. Hús-
næðið verður tilbúið til notkunar áður
en kennsla hefst næsta haust. Þar verður
fullkomin aðstaða til bóklegrar og verk-
legrar kennslu í fiskeldi. Jafnframt er
þetta húsnæði ætlað til rannsókna á eldi
sjávarfiska eins og þorski og sandhverfu.
Hólaskóli hefur einnig tekið við fiskeld-
isstöð Máka á Sauðárkróki, sem ætluð er
til eldis á hlýsjávartegundum. Einnig er
Hólaskóli með góða aðstöðu fyrir
kennslu og rannsóknir á ferskvatnsfisk-
um á Hólum. Hólaskóli hefur því á að
skipa stærstu og fullkomnustu aðstöðu
til fiskeldisrannsókna og kennslu sem til
er á íslandi og leitun er að þeim skóla er-
lendis sem hefur sambærilegri aðstöðu á
að skipa.
Hólaskóli býður bæði starfsbundið
nám í fiskeldi og nám á háskólastigi.
Starfsbundið nám
Starfsbundna námið, er ætlað þeim
sem vilja vinna við eða reka fiskeldis-
stöðvar. Nemendur eru í bóklegu og
verklegu námi í einn vetur á Hólum. Þeir
læra um eldi mismunandi tegunda, bæði
þeirra sem þegar eru í eldi, eins og lax og
bleikju, auk tegunda sem verið er að gera
tilraunir með, eins og þorsk og sand-
hverfu. Fjallað er um líffræði fiska, eld-
isumhverfi, hönnun og rekstur fiskeldis-
stöðva, fiskisjúkdóma og fleira. Einnig er
kennsla i ýmsum stoðgreinum eins og
tölvunotkun og bókhaldi. í verklegri
kennslu fá nemendur að kynnast fiskeldi
af eigin raun. í náminu er farið í vett-
vangsferðir þar sem flestar fiskeldisstöðv-
ar landsins eru heimsóttar auk fyrirtækja
og stofnana sem tengjast fiskeldi.
Að sumrinu fara nemendur í 10
vikna verknám á fiskeldisstöðvum. Flest-
ir nemenda hafa lokið verknámi sínu á
íslandi, en einnig er hægt vinna verk-
námstímann erlendis. Nokkrir hafa lokið
verknámi í Noregi, Skotlandi, Færeyjum
og í Frakklandi. Að verknámi loknu út-
skrifast nemendur sem fiskeldisfræðing-
ar. Mikil eftirspurn hefur verið eftir fisk-
eldisfræðingum undanfarin ár og fyrirsjá-
anlegt er að eftirspurn muni aukast ef
greinin heldur áfram að vaxa á næstu
árum eins og áform eru um.
Nemendur fiskeldisdeildar skoða i kvíar hjá Lárusi Sigfússyni í Mjóafirði.
44 - Sjómannablaðið Víkingur