Náttúrufræðingurinn - 1995, Side 57

einvalalið leiðsögumanna, þá Guðmund
A. Guðmundsson, Gunnlaug Pétursson og
Gunnlaug Þráinsson. Veður var bjart en
bálhvasst á norðan og frost. Varð því
minna um skoðun en til stóð, en einkum
átti að huga að hánorrænum fargestum á
leið frá vetrarstöðvum í Evrópu til varp-
stöðva í Kanada og Grænlandi, m.a. mar-
gæs og rauðbrystingi. Lagt var upp um kl.
9 frá Umferðarmiðstöðinni en komið aftur
undir kaffileytið. Varð ferðin styttri en til
stóð vegna veðursins, sem tvímælalaust
kom einnig niður á þátttöku. 15 manns
voru í ferðinni. Fararstjóri var Guttormur
Sigbjarnarson.
Umhverfisskoðun
Umhverfisskoðunarferð var farin suður í
Krýsuvík laugardaginn 12. júní. Aðal-
leiðsögumaður var Guðrún Gísladóttir,
landfræðingur hjá Háskóla íslands, sem
m.a. hefur rannsakað uppblástur jarðvegs í
Krýsuvíkurheiði. Veður var ekki óhagfellt,
lofthiti um og yfir 10°C, hæg austanátt,
þokuloft til sjávar en rak af og á til lands-
ins með sólarglætum á milli. Farið var um
kl. 9 frá Umferðarmiðstöðinni og ekið
suður til Krýsuvíkur. Var staldrað á nokkr-
um stöðum á leiðinni, en bíllinn svo yfir-
gefinn við Ögmundarhraun, vestur frá
Borgarhóli. Var þaðan gengið niður með
hrauninu og um ruddan stíg yfir austurtagl
þess í Húshólma. Þar voru skoðaðar rúst-
irnar af Fornu-Krýsuvík, sem hraunið
hefur að hluta til kaffært en að hluta til
runnið inn í. Farið var þaðan niður að sjó
og með honum, utan í hrauninu, austur á
Krýsuvíkurbjarg. Af bjarginu var gengið
upp að eyðibýlinu á Fitjum og upp á
Stráka, en þaðan svo upp heiði. Rofabörð
og flög blasa við á þeirri leið. Kaffihlé var
gert hjá Gömlu-Krýsuvík og skoðaðar
bæjartættur og önnur forn mannvirki.
Þaðan var gengið á og umhverfis Arnarfell
og aftur til baka. Síðan var sigið heim á
leið og komið til baka um kl. 18:30 á
Umferðarmiðstöðina. Þátttakendur í ferð-
inni voru 20, en fararstjórar voru Frey-
steinn Sigurðsson og Guttormur Sig-
bjarnarson.
SóLSTÖÐUFERÐ
Sólstöðuferð var farin vestur á Mýrar og í
Hnappadal helgina 19. og 20 júní. Leið-
sögumenn voru Árni Waag, náttúrufræð-
ingur, og Birgir Jónsson, jarðverkfræðing-
ur, sem báðir eru gjörkunnugir um þessar
slóðir. í laugardaginn (19. júní) var veður
þægilegt, lofthiti um og yfir 10°C, hæg-
viðri og skýjað en þurrt. Lagt var upp frá
Umferðarmiðstöðinni um kl. 9 og ekin
þjóðleið vestur í Borgarnes. Þaðan var
ekið niður á Álftanes og staðnæmst við
kirkjuna. Þá var stórstraumsfjara og gengu
þeir sem vaðskóaðir voru út um fjörur og
leirur að skoða fugla og annað fjörulíf.
Eftir hressingu á kirkjuhólnum var ekið
vestur með sjó hið ytra og staldrað næst
hjá Vogi, þar sem skoðaður var gróður og
skimað út til Hvalseyja og yfir Löngu-
fjörur. Þaðan var ekið upp í Hítardal og
upp að Hítarvatni. Þar gengu sumir á
Hólminn en aðrir skoðuðu leifar kvik-
myndabæjar vestan vatnsins. Frá Hítar-
vatni var haldið að Laugagerðisskóla við
Kolviðarneslaug, þar sem var gist, sumir í
tjöldum, aðrir í svefnpokaplássi í skóla-
stofum og enn aðrir í vandaðri gistingu á
sumarhótelinu, Hótel Eldborg. Veður var
kyrrt og notalegt um kvöldið og notuðu
það margir til að spóka sig um staðinn.
Á sunnudaginn var veður enn frekar
svalt, norðaustangola og bjart, en síðdegis
dró upp með suðvestanhægviðri og
skúrum. Lagt var upp um kl. 10 og ekið að
Syðra-Skógsnesi, þar sem gengið var út
um fjörur, sker og eyjar á lágfirinu fram
yfir hádegi og hugað að fuglum og
fjörulífi. Þar var snúið aftur og farið upp
að Ytri-Rauðamelskúlu. Var svo gengið að
hinni víðfrægu Rauðamelsölkeldu, en
grunnvatn stóð lágt og ekkert vatn var í
ölkeldunni, aðeins suð í kolsýru-
uppstreyminu. Svo var haldið áfram til
baka og niður að Snorrastöðum. Þaðan var
gengið yfir skógi vaxið hraunið að hinni
frægu Eldborg á Mýrum, gengið á borgina
og notið útsýnisins út um fjörur og upp til
fjalla. Var svo haldið heim á leið með
viðeigandi viðkomum og komið aftur til
Reykjavíkur snemma kvölds. Þátttakendur
287