Andvari - 01.01.1948, Side 77

A.VDVARI
Um fiskirækt í Bandaríkjunum
73
læki, ár og vötn. Síðan er rogazt með fötur og brúsa yfir
hæðir og gegnum kjörr og skóga og seiðunum dreift sem bezt.
í einu vetfangi eru seiðin komin úr umsjá mannanna og út í
náttúruna og lífsbaráttuna, þar sem hvert þeirra verður að
sjá um sig.
Hér heíur verið farið fljótt yfir sögu, og þegar yfir er litið,
virðist það vera fleira, sem ekki hefur verið sagt, heldur en
hitt, sem á er drepið. Von mín er þó sú, að einhverjir kunni
að hafa gaman af að lesa þetta. Hér hefur verið um almenna
frásögn að ræða, en alls ekki fræðilega, enda er tæplega staður
til þess hér.
ísland er fremur fátækt land að náttúruauðæfum, eða rétt-
ara sagt, náttúruauðæfi eru hér fábreytt. Það er skylda okkar
að nota sem bezt og skynsamlegast það, sem við höfum, svo
að það verði okkur til sem mestra nota. Á hitt verðum við
líka að líta, að við skilum ekki landi okkar fátækara og rún-
ara að gæðum en það áður var og nú er í hendur þeirra, sem
á eftir koma. Því er það, að alls konar ræktun er okkur svo
mikilvæg. Fiskirækt i ám og vötnum er hér engin undantekn-
ing, siður en svo.