Andvari - 01.01.1933, Blaðsíða 22

ÍS
Fiskirannsóknir
Andvari
þessara dýra og hvergi hefir áður verið birt á íslenzku.
Má því líta svo á, að þetta rit sé íslenzkum sjóveiðum
yfirleitt alls ekki óviðkomandi. — Af öðrum ritstörfum
mínum þessi ár get ég nefnt, að ég samdi, samkvæmt
beiðni útgefandans, próf. joubin í París, lýsingu, á frönsku,
á 14 íslenzkum fiskum, í rit, sem nefnist Faune ichthyo-
Jogique de l’Atlantique Nord; eru það ágætar myndir og
stuttar lýsingar á öllum sjófiskum við þær strendur Ev-
rópu, er liggja að Norður-Atlantshafi, ásamt aðalatriðun-
um í líffræði þeirra, eftir fiskifræðinga flestra þeirra
landa, er hlut eiga að máli, Auk þessa hefi ég, eins og
undanfarið, gefið stutta skýrslu um ísrek við Grænland
og ísland í >Ægi< (alls 13), sagt frá rannsóknum
»Dönu« hér við land sumurin 1931 og 1932 í sama
blaði og frá ferð minni á >Skallagrími« til djúpmiðanna
(>Hvalsbaks«) úti fyrir Suður-Múlasýslu 1930 í >Lesbók
Morgunblaðsins* 13.—24. apríl 1932.
Samvinna mín við Dani jókst aftur þessi ár. Hinn
góði árangur af merkingum á þorski við Grænland, þar
sem fleiri og fleiri þorskar, merktir við SV-Grænland,
veiddust hér við land, varð til þess, að próf. Schmidt
óskaði að fá þorsk merktan hér við suðurströndina um
hrygningartímann. Var byrjað á því, að fengnu samþykki
stjórnarráðsins, á varðskipinu »Þór« í aprílmánuði 1929,
eins og getið var um í síðustu skýrslu. Stóð skipið vel
að vígi, þar sem það var útbúið með lítilli botnvörpu til
þorskveiða, og bæði foringi skipsins, Eiríkur Kristófers-
son, og þeir af skipshöfninni, sem að verkinu unnu,
gerðu það með fúsum vilja og — að því er séð verður,
með mjög góðri útkomu. Danir lögðu til merkin og greiða
skilalaun fyrir þau, enda eru merkingarnar gerðar á
þeirra ábyrgð. Ég hefi séð um framkvæmd á þessum
merkingum, en Fiskifélag íslands tók og tekur á móti