Nýtt kirkjublað - 01.04.1910, Blaðsíða 9

NtTT KIRKJUBLAÐ.
81
fœddur að Kirkjuvogi í Höfnum 24. nóvember 1850, og prest-
vígðist 1875 og varð þá aðstoðarprestur hjá móðurbróður
sínum síra Sigurði Sivertsen á Utskálum. Síra Sigurður sagði
lausu embættinu 1886, og bjó séra Brynjólfur þá áfram á
föðurleifð sinni í Höfnunum og fékk fyrst embætti 1894, er
honum var veittur Staður í Grindavík. En þau árin hafði
hann á hendi prestsþjónustu í bili í lausum prestaköllum.
Séra Brynjólfur heitinn var því enn í yngsta flokki þjónandi
presta, þótt prestsvígslutíminn væri kominn þetta á 4. tuginn.
Kona síra Brynjólfs var Helga Ketilsdóttir frá Kotvogi i
Höfnum, og lifir hún mann sinn, og tvö börn þeirra af þrem-
ur uppkomnum.
Séra Brynjólfur heitinn var hæglátur og hófsmaður um
alt, grandvar og skyldurækinn. Hann bjó myndarbúi á Stað
við allgóð efni, og var þar hið fegursta heimili. Honum ent-
ist líf og heilsa að koma upp hinni nýju vönduðu kirkju á
Járngerðarstöðum, sem söfnuðurinn tók svo við, en eigi sá
hann það hús. Þess óskaði hann sérstaklega í legunni, að
fá þá heilsubót að hann gæti kvatt gömlu kirkjuna á Stað
frá prédikunarstól, en nú varð kveðjan með þeim hætti að
hann var í hana borinn, og aðrir urðu fyrir hann að mæla.
Jarðarförin fór fram 15. f. m., og jarðsöng séra Jens prófast-
ur, en þeir töluðu þar og séra Árni á Kálfatjörn og séra
Kristinn á Útskálum. Sóknarmönnum var einkar vel við séra
Brynjólf og fjölmentu mjög við útförina og eins vinir og ætt-
ingjar úr Höfnunum.
Ölluni sem kynni tiöfðu af séra Brynjólfi var hlýtt til
hans. Hann var stakasta valmenni og Ijúfmenni.
IdskaYcrs.
Gakk þú Jesú grafar til,
gleðisól þar skín í heiði,
sjáðu heilagt sjónarspil:
situr engill hans á leiði.
Sigurraust frá himnum hljómar:
hér eru meir en sjónir tómar!