Tímarit iðnaðarmanna - 01.06.1959, Qupperneq 8

8
TÍMARIT IÐNAÐARMANNA
vinnur með. Eftir þessu ætti sá, sem hefur blýant
og blað og getur teiknað að vera listamaður. Nei, Ijós-
myndasmíði er vandamikið verk og aðeins gott nám
og hugsun gerir mann færan í því starfi.
LOKAORÐ.
Ef ég mætti óska einhvers til handa mínum ungu,
komandi stéttarbræðrum, þá væri það, að þeir mættu
verða aðnjótandi tekniskrar kennslu við iðnskólana.
Óhjákvæmilegt er að slík kennsla verði tekin upp
hér sem allra fyrst, þótt annað nám í skólanum þyrfti
að stytta vegna þess.
Ég hygg, að iðnnám í framtíðinni veroi aö byggjast
á verklegri og tekniskri kennslu hér á landi eins og
annars staðar vegna þess fyrst og fremst, að hand-
verksmenn og meistarar þeirra fyrirtækja, sem taka
nema, verða að sérhæfa sig í verkum, sem henta
þeirra viðskiptum og hæfileikum. Þess vegna verða
þeir síður hæfir til að kenna á breiðum grundvelli
eins og fyrirrennarar okkar gerðu. Ég þykist þegar
hafa séð þess merki í okkar iðngrein.
Ég held, að það væri heiður fyrir okkur, sem nú
störfum í iðnaðarmannastéttinni að feta i fótspor
þcirra, sem stofnuðu Iðnskólann í Reykjavík, þegar
menn komu lítt læsir og skrifandi í iðnnámið, sýna
sömu djörfung og þeir og gjörbreyta iðnskólunum.
Nú þegar hver unglingur er orðinn læs og skrifandi,
þegar hann kemur í iðnskóla, er ráðlegast að breyta
skólunum í tekniskar og liagnýtar stofnanir með sér-
kunnáttunámi og verklegri kennslu.
Efri mynd: Sigurður Guðmundsson, ljósm., að starfi
í ljósmyndastofu sinni, sem er búin nýtízku tækjum.
★
Neðri mynd: Ljósmyndavélar með aðdráttarlinsum.
Slíkar vélar eru notaðar, þegar mynda á fjarlæga
staði, og eru þær mjög nytsamar.