Vikan - 26.07.1979, Síða 10

þau bíða bara. En það er ekkert opinbert
skjólshús til hér á landi.
Það er lítið um að fólk komi hingað
niður á stöð til okkar og biðjist hjálpar, hitt
er miklu algengara að fólk hringi til okkar
og segi okkur frá því að eiginmaðurinn hafi
verið að hringja heim með hótanir og sagst
vera á leiðinni. Þá reynum við að bregða
skjótt við, verða fyrr á staðinn og vernda
konuna. Við þekkjum oft þessi mál, þetta
eru sömu málin og sömu aðalpersónur
aftur og aftur.
Ég veit mjög fá dæmi þess að karlmenn
hafi farið fram á hjálp vegna barsmíða af
hendi konu, það hefur þó komið fyrir.
Aftur á móti er það algengara að
karlmenn biðji um aðstoð vegna kvenfólks
og þá ekki vegna heimiliserja heldur ein-
hvers annars sem við ræðum ekki hér...!
Það er algjör undantekning að við séum
kvaddir til vegna barsmíða á börnum — og
satt að segja man ég ekki eftir neinu slíku
dæmi. Aftur á móti verðum við töluvert
varir við að börn séu vanrækt vegna lífs-
máta foreldranna — komast ekki inn til sín,
fá ekki svefnfrið vegna partýstands á for-
eldrunum o.s.frv. Þetta bitnar svo á þeim í
skólanum og annars staðar, það vitum við.
En þetta kemur ekki til vegna heimilis-
ófriðar heldur frekar vegna heimilishátta.
Og alltaf er þetta meira sálrænt álag á
börnin frekar en að það bitni á þeim líkam-
lega.
En til að draga þetta sama, þá má segja
að þessir ófriðarmenn á heimilum séu
menn, oft ekki eins og fólk er flest, sem
stendur illa í bólið hjá og þá brjóta þeir allt
og bramla með viðeigandi orðbragði —
slíkt er óskaplega sorglegt að horfa á. EJ
Að loknu þorrablóti
Hér á eftir fer lögregluskýrsla sem er í öllum aðalatriðum
sambærileg við þær skýrslur sem teknar eru vikulega af
lögreglumönnum í Reykjavík. Atburðir og persónur sem fyrir
koma í skýrslu þessari eru hugarburður og eiga sér enga stoð í
raunveruleikanum. Atburðarásin er þó dæmigerð og gæti hafa
átt sér stað í gær, í dag, mun eiga sér stað á morgun eða hinn.
Þann 13. 13. var lögreglan kvödd að hús-
inu númer 13 við Krísustræti, vegna kvart-
ana sem borist höfðu frá nágrönnum þess
sama húss vegna hávaða. Hafði verið lítt
svefnsamt i hverfinu þessa nótt vegna
barnagráts, formælinga, skrækja og ópa
alls konar. Þegar lögreglumenn bar að garði
varð fyrir þeim kona sem kynnti sig sem frú
IO Vikan 30. tbl.