Vikan - 03.06.1982, Blaðsíða 41

Hundaklippingar
Svona lítum við út að klippingunni
lokinni.
nauðsynlegt er að snyrta þá öðrum
hundum fremur.
„Poodle-hundar eru með ull en ekki
venjulegt hundshár og þeir fara ekki
úr hárunum eins og hundar gera. Af
þessu leiöir að háriö vex endalaust og
sagt er aö hár á poodlehundi geti orðið
einn metri á lengd. Þá vefst þaö upp
eða krullast svo það lítur nú reyndar
ekki út fyrir að vera jafnlangt og það
er í raun. Ef þessir hundar eru ekki
snyrtir verða þeir eins og rollurnar
sem ganga hér um fjöll. Ef hárið er
ekki burstað og kembt reglulega
verður það aö flóka sem ómögulegt
getur veriö að koma nokkrum bursta í
gegnum. Þá verður næstum að rýja
hundana eins og gert er við féö ef koma
á einhverju lagi á útlitið.
Snyrtingin tekur
langan tíma
Á hundasnyrtistofunni hennar Ebbu
Aalegaard varð fólk að panta tíma
fyrir hundana sína rétt eins og við
gerum hjá hárgreiðslukonunni. Þar
var unnið frá hálfníu á morgnana og
fram til hálfsex á kvöldin. Oftast voru
teknir fjórir hundar í snyrtingu á dag
enda tekur um tvo tíma að snyrta hund
ef ekki á að gera neitt afbrigðilegt við
hann, eða til dæmis snyrta hann fyrir
sýningu. Þaö tekur miklu lengri tíma,
allt upp í 7 klukkutíma.
Við byrjuöum á því að raka andlitin
og lappirnar og klippa hundana til, en
síðan voru þeir settir í bað og blásnir.
Hárið verður að vera fullkomlega
þurrt til þess að hægt sé aö snyrta það
til fullnustu. Þegar svo er komið er
hægt að leggja síöustu hönd á verkiö.
Klærnar eru auk þess alltaf klipptar.
Þær þarf aö klippa mánaöarlega en
hundinn sjálfan nægir að klippa á
tveggja mánaða fresti, nema kannski
ef um sýningarhunda er að ræða.”
„Hvers vegna þarf aö klippa
klærnar? Eyðast þær ekki af sjálfu
sér?”
„Nei, það er bráðnauösynlegt aö
klippa klæmar og þaö af tveimur
ástæðum. Ef hundurinn er með langar
klær fer hann aö beita fótunum vit-
laust. Hann fer að ganga á afturþófun-
um vegna þess að hann finnur til þegar
klærnar rekast í. Svo er líka betra að
hafa ekki hunda með langar klær innan
dyra. Þeir geta bæöi skemmt húsgögn
og fatnað fólks, og jafnvel meitt mann
með klónum ef illa tekst til.”
Fleiraþarf en
skœri og greidu
„Þegar þú komst heim aftur frá
Danmörku fórstu aö klippa hunda fyrir
vini og kunningja, en ekki nægja þér
bróderskærin og greiða til þess starfa,
eðahvað?”
„Nei, svo sannarlega ekki. Þaö er
töluvert kostnaðarsamt að koma sér
upp nauðsynlegum tækjum. Eg keypti
það sem til þurfti hjá Ebbu. Það þarf
góðar klippur, bursta, greiöur, skæri
og kamba. Svo þarf líka múl til þess að
setja á hundana, ef hætta er á að þeir
glefsi í mann, og auk þess borð og það
sem ég kalla „hengingaról”. Það er ól
sem er fest í hálsbandið á hundinum á
meöan veriö er að klippa hann. Hún
tryggir aö hann fari ekki út af boröinu
sem hann stendur á og heldur honum
kyrrum en er auðvitað engin
„hengingaról” í þess orðs venjulegum
skilningi. öll tæki sem maður notar
þurfa aö vera fyrsta flokks, rétt eins og
á venjulegri hárgreiöslustofu. Ég er
meö lifandi dýr í höndunum, sem
hvorki má slasa né meiða.”
„Hvenær þarf að byrja að snyrta
poodle-hunda?”
„Það er ekki til nein ákveðin regla
um það. Hér vill fólk helst hafa þá
loöna og bangsalega á meðan þeir eru
hvolpar. Dti er oft byrjaö að snyrta þá
mjög unga og þeir oftast ekki látnir
ósnyrtir til nýrra eigenda. Það þýðir
að búið er aö snyrta þá í fyrsta sinn
tveggja mánaða, en þá er leyfilegt að
láta hvolp frá móður sinni. Uti er líka
venja aö stýfa af rófunni á poodle-hund-
um. Það er í samræmi viö ræktunar-
staöal þessarar tegundar. Hér er
minna um að slíkt sé gert. En sé stýft af
rófunni er það gert á hvolpunum 3—5
daga gömlum. Þá er þetta ekki nema
brjósk og þeir finna ekkert fyrir því.
Klæmar verður að byrja að klippa
strax og hvolparnir eru orðnir
mánaðargamlir.”
„En hvemig á fólk sjálft að hirða
hundana sina á milli þess sem þeir eru
sny rtir af þeim sem kunna til verka ? ”
22. tbl. Vikan 41