Vikan - 08.05.1986, Blaðsíða 51
P 0 S T U R
HRIFIN AF
EINUM 25
ÁRA!
Hæ, hæ, els-ku besti Póstur.
Ég óska þess innilega að þú birtir bréfið.
Jæja. Mitt vandamál er þannig að ég er 1 3
ára og er hrifin af strák sem er 25 ára. Hvað
á ég að gera? Á ég að segja honum það eða
á ég bara að láta það ógert? Ég þekki hann
mjög vel. Ég get engan veginn gleymt hon-
um. Hann kemur hingað til að vinna á togara
en er annars alltaf í Reykjavík. Ég veit vel
að aldursmunurinn er mikill en samt er ég
hrifin af honum. Elsku besti Póstur, viltu
hjálpa mér.
Ein ástfangin.
P.s. Hann kemur stundum í heimsókn til
mömmu og pabba.
Pósturinn álítur þetta vera harla mikinn
aldursmun, of mikinn til þess að samband
milli ykkar gæti nokkurn tíma blessast. Þó
það sé erfitt að kyngja því er líklegast að
maðurinn líti bara á þig sem litla stelpu. Það
ræður reyndar enginn við tilfinningar sínar
og Pósturinn getur varla bannað þér að
halda áfram að vera skotin í honum. En
haltu þessu bara fyrir þig og vertu skotin
úr fjarlægð. Það er svo heldur ekki úr vegi
að kikja aðeins betur á jafnaldrana. Þar leyn-
ist oft ýmislegt spennandi.
NÁM í FLUG-
UMFERÐAR-
STJÓRN
Kæri Póstur!
Mig langar mikið að fræðast um flugum-
ferðarstjórn svo ég vona að þú getir hjálpað
mér.
Hvar er flugumferðarstjórn kennd og í
hvaða skóla?
Hver eru inntökuskilyrðin og hvað er þetta
langt nám?
Hver eru laun flugumferðarstjóra og at-
vinnuhorfur?
Skiptir einhverju máli hvort maður er karl-
eða kvenkyns?
Ég vona að þú sjáir þér fært að svara bréfi
mínu. Og viltu gera það fyrir mig að henda
ekki bréfinu.
Ein með flugdellu.
77/ að koma til greina til náms I flugum-
ferðarstjórn þurfa menn að hafa stúdentspróf
eða hliðstæða menntun, tala skýrt mál, rita
greinilega hönd. hafa gott vald á enskri
tungu og fullnægja tilskildum heilbrigðis-
kröfum. Æskilegt er að þeir séu á aldrinum
19-24 ára og að sjálfsögðu er námið ætlað
báðum kynjum. Lágmarksaldur til að fá skír-
teini flugumferðarstjóra er 2! ár. Umsækj-
endur þurfa að gangast undir hæfnispróf.
Lengd námsins er 3-4 ár. Því er skipt nið-
ur I áfanga sem teknir eru bæði heima og
erlendis. Sumir eru I formi námskeiða og
aðrir eru starfsþjálfun. Að loknum þjálfunar-
tíma öðlast nemendurstarfsréttindi sem flug-
umferðarstjórar við flugturna eða við aðflug,
úthafsdeild eða innanlandsdeild Flugstjórn-
armiðstöðvarinnar í Reykjavík.
Þegar nemendur eru teknir I námið er það
sérstaklega auglýst í blöðunum.
Atv/nnuhorfur eru allgóðar og tekjumögu-
leikar sömuleiðis.
ÚTI í EYJUM
Kæri Póstur!
Ég vona að þú getir hjálpað mér. Þannig
er mál með vexti að ég er hrifin af strák sem
við getum kallað X og hann á heima í Vest-
mannaeyjum en ég sjálf á Reykjavíkursvæð-
inu. Ég fór til Eyja í nokkra daga en ég segi
ekki hvenær, kannski fyrir hálfum mánuði,
kannski fyrir viku. Sama dag og ég kom fór
ég á ball. Þegar ballið var að verða búið þá
spurði ég hann hvort við mættum koma með
þeim að labba eftir ballið og hann sagði já.
Eftir fimm mínútur kom vinur X og spurði
mig hvort ég vildi byrja með X og ég sagði
já. (Hann var að spyrja fyrir X.) Þá baðaði
X út höndunum og vinur hans sagði að X
hefði bara verið að fíflast. Svo fórum við út
að labba og hann var svolítið feiminn þá.
Ég sá hann ekki meir því hann fór frá smá-
tíma daginn eftir. Ég hef símanúmerið hans
og get alveg hringt í hann.
Spurningar:
1. Á ég að hringja í hann og spyrja hann
hvort hann hafi meint eitthvað með þessu?
2. Ef hann segir já, á ég þá að spyrja hann
hvort hann vilji það?
Með þökk fyrir gott blað.
Ein sem vonast eftir svari bráðlega.
Já, þvi ekki að hringja bara i hann og fá
þetta á hreint. Það getur varla gert mikið til.
Þú veist þá að minnsta kosti eftir á hvernig
þú stendur, ef hlutirnir fara ekki eins og
best verður á kosið. Það getur vel hugsast
að strákurinn hafi meint eitthvað með þessu
en síðan orðið feiminn og farið hjá sér þeg-
ar á hólminn var komið. Efþú talar við hann
í einrúmi í síma er líklegra að hann verði
hreinskilinn við þig.
VANDAMÁL-
IÐ ER SPIK
Hæ, hæ, Póstur!
Ég veit ekki hvort þetta er rétta umræðu-
efnið í Póstinn en vandamálið mitt er smá-
spik (feitur). Ég varð 1 5 ára í apríl og fer í
9. bekk í haust. Mig langar að fá góð ráð
hjá þér, Póstur, um góða megrun. Þakka
birtingu og góð ráð.
Einn í vandræðum.
P.s. Vinur minn skrifaði þér í vetur um ástar-
mál og fékk gott ráð sem tókst. (Vona það
sama hjá mér.)
Ef mönnum finnst þeir vera of feitir og
líður illa út af því er ekki um neitt annað að
ræða en drífa sig í góða megrun. Það er
vissulega meira en að segja það að grenna
sig en alveg hægt ef viljinn er fyrir hendi.
Það hafa þeir mörgu sem lagt hafa á megrun
sýnt og sannað. Boðorð númer eitt i sam-
bandi við megrun erað borða minna aföllum
mat og sleppa algjörlega sumum matarteg-
undum meðan á megruninni stendur.
Bannvörurnar eru sykur og sælgæti, kökur,
fita og feiturmatur, svo sem franskar kartöfl-
ur og majónes. Gott er að borða mikið af
hitaeiningasnauðum mat eins og gúrkum,
tómötum. gulrótum, hvitkáli, drekka vatn,
léttmjólk og sykurlausa drykki. Það er einnig
mjög mikilvægt að hreyfa sig mikið og oft,
hlaupa, synda og það væri gott fyrir þig að
komast I góða útivinnu I sumar þar sem þú
gætir hamast hressilega. Árangursrík megrun
getur tekið nokkrar vikur en það er um að
gera að vera þolinmóður.
19. TBL VIKAN 51