Menntamál - 01.04.1944, Blaðsíða 4

82
MENNTAMÁL
notið ógleymanlegrar gestrisni. Foreldrar og skólanefndir
hafa sýnt starfi mínu velvild og áhuga og ekki sleppt
neinu tækifæri til þess að ræða um skólamál og uppeldi.
Ég hef að mörgu leyti svipaða sögu að segja og Bjarni M.
Jónsson námsstjóri sagði þér um daginn: Á mörgum stöð-
um hafa skólanefndirnar sýnt lofsverða viðleitni til að
laga og bæta sitthvað, sem þeim hefur verið bent á að
betur mætti fara, þótt enn séu óteljandi verkefni óleyst
á því sviði. En beztu minningarnar frá ferðalagi mínu
eru eðlilega heimsóknirnar í skólana og viðtöl við börnin.
Það hefur vakið athygli mína, hve margt er í öllum skóla-
héruðum af velgefnum og mannvænlegum börnum, sem
ástæða er til að gera sér góðar vonir um að verði nyt-
samir borgarar í framtíðinni.“
„Hvernig ertu vanur að haga heimsóknum þínum í
kennslustofurnar eða skólana?"
„Ég hef venjulega byrjað á því að láta börnin skrifa
upp orðalistá til þess að kynnast réttritun þeirra og skrift.
Á orðalistanum hefur verið 31 orð, meira eða minna
vandrituð. Blöðin hef ég síðan tekið, talið réttu orðin
hjá hverju barni og metið skriftina. Ég hef borið saman
árangur hvers barns frá ári til árs.“
„Hvernig eru börnin á vegi stödd með réttritunarkunn-
áttu?“
„Það er geysilega misjafnt. Ég hef ekki prófað börn
á öðrum aldri en 10 til 13 ára. Rétt hafa fæst verið 3, en
flest 31, það er allur listinn.“
„Það væri fróðlegt að fá að sjá sýnishorn af verkefn-
unum.“
„Það er velkomið,“ segir Stefán, tekur upp hjá sér
orðalista og les:
„maðurinn, bekkurinn, börnin, bókin, kennslustörf,
söngur, gæfumaður, gjafir, stofninn, stefnan, teygjuband,
kærleikur, ræktun, liturinn, leturgerð, stýrimaður, fimmtu-
dagur, Dyrhólaey, Rifstangi, beygingar, bjartsýni, rigndi,