Ægir - 01.12.1993, Blaðsíða 35
HNIGNUN KAUPSKIPAFLOTANS
OG FRAMSAL VEIÐIHEIMILDA
Annab Vélstjóraþing haldib í Reykjavík
Alvarleg þróun atvinnumála
farmanna, stjórn fiskveiöa, fé-
lags-, menntunar- og kjaramál
bar hæst á öbru vélstjóraþingi
sem haldiö var 11. til 13. nóvem-
ber.
Mikil fœkkun íslenskra kaup-
skipa
í setningarræðu Helga Laxdals
formanns Vélstjórafélags íslands
kom fram að frá árinu 1983 hefur
skipum í íslenska kaupskipaflotan-
um fækkað úr 49 í 29. Fyrir tíu
árum voru 45 skip undir íslenskum
fána, en nú sigla aðeins níu skip af
29 undir þjóðfána íslendinga.
Öflug stétt farmanna forsenda
sjálfstœöis
í ályktun fundarins segir að án
utanaðkomandi aðgerða muni
sama þróun halda áfram og valda
ómældu tjóni fyrir íslenska far-
menn og íslenskt samfélag. Öflug
farmannastétt sé forsenda sjálf-
stæðis eyþjóðar sem nýta verði
hafið til 99% flutninga til og frá
landinu. Þingið vill að rækilega
verði farið yfir þær leiðir sem ná-
grannaþjóðirnar hafa valið til þess
að tryggja eins og kostur er at-
vinnu farmanna í viðkomandi
landi. í því sambandi vill þingið að
sérstaklega verði litið til Danmerk-
ur. Dönum hefur, með alþjóðlegri
skipaskrá og sértækum aðgerðum
sem felast í eftirgjöf danska ríkisins
á sköttum farmanna, tekist að
halda að minnsta kosti 90%
danskri mönnun á kaupskipum
sínum.
800 milljónir frá
sjómönnum til útgeröa
Helgi Laxdal hélt því fram í
setningarræðu sinni að 800 millj-
ónir króna hefðu verið fluttar frá
sjómönnum til útgerða á síðasta
fiskveiðiári vegna kaupa á þorsk-
veiðiheimildum. Þetta næmi um
4% af heildartekjum sjómanna og
svaraði til lækkunar skiptahlutfalls
úr 75% í 72%
Annmarkar sniönir af
í ályktun annars vélstjóraþings
segir að fiskveiðistjórnun sé nauð-
synleg við núverandi aðstæður og
núgildandi stjórnkerfi sé það
skásta sem bjóðist takist að sníða
af því þá möguleika sem útgerðar-
menn hafi nýtt sér til að velta
kostnaði af kaupum veiðiheimilda
yfir á sjómenn. Þingið krefst eftir-
farandi breytinga:
1. Heimild til að framselja leigu-
kvóta verði afnumin nema þeg-
ar um er að ræða jöfn skipti á
kvóta milli skipa.
2. Heimild til framsals á varanleg-
um kvóta verði takmörkuð
þannig að endurframsal geti
fyrst átt sér stað að fimm árum
liðnum frá upphaflegu framsali.
3. Sérstakt ákvæði verði sett til að
tryggja að leyfilegur heildarkvóti
veiðist innan fiskveiðiársins. □
ÆGIR DESEMBER 1993 5 3 3