Tímarit lögfræðinga - 01.12.1982, Blaðsíða 34
Stjórn Lögmannafélagsins 1981-2 (frá v.): Jón Steinar Gunnlaugsson, Jóhann H. Níelsson, Helgi
V. Jónsson, Svala Thorlacius og Ólafur Axelsson.
(Ljósm.: Ljósmyndastofa Vigfúsar Sigurgeirssonar sf.).
Á árinu bárust félaginu 22 erindi, þar sem óskað var umsagnar um leyfis-
umsóknir til málflutnings fyrir héraðsdómi. Stjórnin mælti með 7 umsóknum
manna, sem annað hvort höfðu lokið tilskyldum prófmálum eða starfað sem
fulltrúar á lögmannsskrifstofum. Aðrir umsækjendur voru aðilar í opinberu
starfi, sem bar að deponera leyfum sínum meðan þeir gegna störfum þessum.
Félagar eru nú 249, þar af 113 hæstaréttarlögmenn og 136 héraðsdóms-
lögmenn. Heiðursfélagi er Rannveig Þorsteinsdóttir.
Á árinu festi félagið kaup á fasteigninni nr. 9 við Álftamýri í Reykjavík. Er
þar um að ræða 2 hæðir auk kjallara. Er félagið með starfsemi sína á 1. hæð
og er ætlunin að nota kjallara hússins til minni funda og félagsstarfsemi.
Önnur hæð hússins er hins vegar leigð út. Jafnframt seldi félagið eignarhluta
sinn í Óðinsgötu 4.
Starf stjórnarinnar var eins og fyrri stjórna all tímafrekt. Á starfsárinu voru
haldnir 38 stjórnarfundir og 356 málsatriði bókuð. Sú breyting varð þó á, að
stjórnin réði Hafþór Inga Jónsson hdl. til framkvæmdastjórastarfa fyrir félag-
ið í fullu starfi og gjörbreytti það starfsemi félagsins. Var m.a. hafin regluleg
útgáfa Fréttabréfs LMFI.
Eins og jafnan áður var stór þáttur í starfi stjórnarinnar að afgreiða kæru-
mál. Frá síðasta starfsári var ólokið 11 málum, en alls bárust 28 ný kærumál
frá aðalfundi 1981. Var 6 málum ólokið í lok starfsársins.
Hinn 1. og 2. október 1981 héldu stjórnir lögmannafélaganna á Norðurlönd-
um fund í Oslo, en slíkir fundir eru haldnir annað hvort ár. Af hálfu LMFI sóttu
fundinn Helgi V. Jónsson hrl., Jóhann H. Níelsson hrl. og Svala Thorlacius
hdl. Á dagskrá fundarins voru þrjú efni; notkun tölvu við lögmannsstörf, stofn-
un lögmannsskrifstofu á fleiri stöðum innanlands og forsendur fyrir þátttöku
í lögmannsskrifstofu erlendis og að lokum hlutverk lögmannsins í smámálum.
Auk þessa gerðu stjórnir félaganna grein fyrir störfum sínum frá síðasta fundi.
204