Ægir - 01.10.1998, Page 14

skipunum sem passa í brautina. Við
höfum að vísu möguleika á að stækka
slippinn til upptöku á skipum allt að
53 metrum að lengd en við verðum
samt of litlir. Það er slæmt að geta ekki
elt stækkunina í flotanum."
I samstarf við norðanmenn
Theodór segir að Stál hf. sé í samstarfi
við Slippstöðina á Akureyri og sé eign-
arhlutur þess fyrirtækis í Stáli um
15%.
„Með tilkomu þessara nýju eigenda
og annarra var fyrirtækið endurfjár-
magnað og staðan er góð hjá okkur í
dag. Við höfum verið að þreifa okkur
áfram í markaðssókn á ýmsum sviðum
og það má segja að þessi samvinna,
sem er tilkomin með eignaraðild, hafi
borið góðan árangur. Ég hef þá trú að
það sé áframhaldandi uppsveifla í
þessari iðngrein. Það verða áfram ein-
hverjar stórframkvæmdir á íslandi,
jafnvel hér fyrir austan. Frysting og
frekari fullvinnsla sjávarafurða gefur
okkur tækifæri til að taka þátt í upp-
byggingu á þeim vettvangi og ekki má
gleyma að það þarf að endurnýja fiski-
skipaflotann verulega á næstu árum."
Þurfum að bæta tæknistigið
- Eruð þið þannig tækjum búnir að þið
getið tekist á við framtíðarverkefni
sem þessi sem þú nefndir?
„Ætli það sé ekki hægt að segja að
tækjabúnaðurinn sé sæmilegur miðað
við íslenskar aðstæður en auðvitað er
hann orðinn frekar gamall. En þrátt
fyrrir það þá tel ég að í framtíðinni
verði hlutur fyrirtækja eins og okkar í
verkefnum sem krefjast hágæðavinnu.
Ég held að við þurfum fyrst og fremst
að hugsa til þess að bæta tæknistig
þessara fyrirtækja þannig að við getum
tekið að okkur dýrari vinnu, þar sem
þarf dýrari mannafla og betri vélar.
Við höfum ekkert að segja í stór verk
þar sem þarf mikið af stáli á stuttum
tíma og mikinn mannafla - þar ráðum
við ekki við það sem láglaunaþjóðir
bjóða.
- En hvað er það sem háir helst ís-
lenskum skipasmíðaiðnaði í dag?
„Það má segja að það hái skipa-
smíðaiðnaðinum á íslandi í dag hvað
tæknistigið er á lágu plani. í augna-
blikinu vantar í stéttina eina til tvær
kynslóðir og það veit ekki á gott. Hins
vegar gefa breytingar á skólakerfinu
fyrirheit um betri tíð."
Sóknarfæri bæði
heima og erlendis
Theodór Blöndal segir að lokum að
auk þess sem hann hafi nefnt hér að
framan telji hann sóknarfæri erlendis.
„Við getum t.d. farið að horfa á Rúss-
landsmarkað í fiskiskipum. Þar eru
óhemju stór verkefni framundan og
við ættum að geta komist í þau.
Spurningin er aftur á móti sú hvernig
þeir geta borgað. Aðrir erlendir mark-
aðir verða mun nær okkur í framtíð-
inni og þegar við horfum til þess að
við erum smátt og smátt að taka for-
ystu í smíði á ýmsum búnaði í mat-
vælaframleiðslu, reyndar fyrst og
fremst fyrir sjávarútveg, þá eru erlend-
ir markaðir mjög áhugaverðir."
Nokkrir punktar úr 50 ára sögu Vélsmiðjunnar Stáls hf.
26. febrúar 1948 Framkvæfndir hafnar við byggingu á nýju verkstæðishús næði Vélaverkstæðis P. Blöndals
1952 Ákveðið að kaupa stálherslupotta og hefja framleiðslu á hlutum úr hertu stáli. Sameignarfélag stofnað um reksturinn og nafni fyrirtækisins breytt í Vélsmiðjan Stálhf.
1954 Hafin framleiðsla á öryggishúsum fyrir dráttarvélar, þeim fyrstu sinnar tegundar á Islandi.
1966 Síldin hverfur og mikið erfiðleikatímabil tekur við í sögu fyrirtækisins.
1971 Stál srníðar lokunarbúnað og ristar í Laxárvirkjun og er þar með komið inn í virkjanaframkvæmdir
1971 Ákveðið að hefja smíði á 17 tonna stálbáti.
1975-76 Smíði á lokum fyrir Lagarfossvirkjun, stærsta verkefni fyrirtækisins fram að þeirn tíma.
1985 Tilboði Vélsmiðjunnar Stál í smíði á álbræðsluskerum fyrir álverið í Straumsvík tekið og varð fyrirtækið þar með fyrst austfirskra fyrirtækja til að fá verk sem boð ið var út á alþjóðamarkaði. Kerin voru 65 og smíðað var úr 1300 tonnurn stáls.
14 Mm