Ægir - 01.12.1998, Blaðsíða 5

Pétur Bjarnason, formaður stjórnar Fiskifélags Islands:
SAMLEIÐ MEÐ ÍSLENSKUM SJÁVARÚTVEGI
Fiskiþing 1998
með nýju sniði
iskiþing, það 57. í röðinni,
var haldið 19. - 20.
nóvember síðastliðinn.
Þetta þing var hið fyrsta
sem haldið var eftir að
skipulagi Fiskfélags íslands, og þar
með skipulagi Fiskiþings, var breytt.
Það var því eðlilega nokkur
eftirvænting um hvernig til tækist.
Þær skipulagsbreytingar, sem gerðar
hafa verið, varða annars vegar val
fulltrúa á þingið og hins vegar
málefnalega vinnu þingsins. Varðandi
fyrra atriðið er það í höndum
hagsmunasamtaka í greininni að velja
fulltrúa á Fiskiþing og þess er gætt að
eðlilegt jafnvægi sé á milli
fulltrúafjölda hinna mismunandi
greina sjávarútvegsins. Varðandi
málefnavinnu þingsins er nú horfið
frá því að fjalla um einstakar tillögur
er varða mismunandi hagmuni af
ýmsu tagi. Þess í stað fjallar þingið um
ákveðið málefni, sem er brotið til
mergjar af fyrirlesurum og síðan af
þingfulltrúum sjálfum.
57. Fiskiþing fjallaði um
umhverfismál. Fengnir voru fimm
fyrirlesarar til að fjalla um
mismunandi svið umhverfismála og
síðan komu þingfulltrúar saman í
þremur vinnuhópum til þess að fjalla
um afmörkuð svið þessara mála.
Seinni daginn voru niðurstöður
vinnuhópanna kynntar og um þær
fjallað. Áður en sjálf þingstörfin
hófust var haldinn aðalfundur
félagsins, þar sem skýrsla stjórnar og
reikningar félagins voru samþykktir,
kosin stjórn og önnur aðalfundarstörf
unnin.
Sá rammi, sem settur hefur verið
um Fiskiþing, hefur einkum það að
markmiði að kynna mismunandi
sjónarmið innan greinarinar og að
fjalla málefnalega um efni, sem varða
íslenskan sjávarútveg miklu. Þannig á
Fiskiþing að þróa og þroska umræðu
um mikilvæg málefni og koma henni
af slagorðastigi á upplýstara form.
Jafnframt er það verkefni þingsins að
gefa stjórn veganesti varðandi
starfsemi félagsins.
Það er eðlilegt að spyrja hvort þetta
markmið hafi náðst. Það kom ef til vill
mest á óvart hve samhljómur fulltrúa
var mikill. Ef marka má niðurstöður
vinnuhópa og umræður, eftir að
niðurstöður voru lagðar fram, er
tiltölulega rík eining innan íslensks
sjávarútvegs um
umhverfismál. í stuttu máli
má segja að viðhorf
sjávarútvegsins séu afar
varfærin gagnvart þátttöku í
umhverfismerkjum, sem ekki
byggja örugglega á
vísindalegum rökum, og
gagnvart samstarfi við
umhverfissamtök, sem ekki
starfa á lýðræðislegum grunni,
með eðlileg nýtingarsjónarmið
að markmiði. íslenskur
sjávarútvegur vill að veiðar og
vinnsla séu stundaðar með
sjálfbærum hætti og í
samræmi við eðlilegar
umhverfiskröfur. Greinin telur
mikilvægt að kynna ástand mála hér á
landi fyrir erlendum og innlendum
aðilum og að taka þátt í mótun þeirra
krafna sem gerðar verða á alþjóða
vettvangi. Á þinginu var lögð áhersla á
nauðsyn samstöðu innan greinarinnar
og bent á mikilvægi Fiskifélagsins sem
samstarfsvettvangs greinarinnar og
leiðandi afls á þessu sviði.
Stjórn og starfsmenn Fiskifélagsins
hafa úr miklu efni að moða eftir 57.
Fiskiþing. Almennt var gerður góður
rómur að því hvernig til hefði tekist
og víst er að umræður í vinnuhópum
og á þinginu voru góðar og
málefnalegar. Full ástæða er því til að
ætla að Fiskifélagið og Fiskiþing séu á
réttri leið.
ÆGIR 5