Ægir - 01.12.1998, Blaðsíða 47

SAMLEIÐ MEÐ ÍSLENSKUM SJÁVARÚTVEOI
frjósi í gegn. Einnig þarf að viðhalda
afar lágu hitastigi í lestum skipanna.
„Það má segja að kerfið í Byr VE sé
sérhannað að öllu leyti. Sumt í kerfinu
er þekkt í kæliiðnaði en aðrir þættir
ekki. Fyrst og fremst þurfti að hanna
kerfið af mikilli nákvæmni og yfirlegu.
í það eru t.d. notaðir sérbyggðir kæli-
fletir sem hvergi er annars staðar að
finna. Lestarnar eru í raun gjörnýttar
fyrir kælifleti, jafnt gólf, loft sem vegg-
ir," segir Sigurður. Til að sinna þessu
verkefni fékk Kæling hf. til samstarfs
við sig japanska fyrirtækið Mayekawa
Marine en móðurfyrirtæki þess,
MYCOM Mayekawa, framleiðir sér-
hæfðar kæliþjöppur fyrir túnfiskveiði-
skip og segir Sigurður að samstarfið við
Japanina hafi ráðið úrslitum um
hversu vel hafi tekist til.
„Við vorum með þessu að ná okkur í
mikla þekkingu og kynntumst fyrir-
tæki sem þekkir vel kröfurnar sem
gerðar eru á markaðnum. Eftir þessa
reynslu verður okkur mun auðveldara
að ráðast aftur í hönnun á búnaði fyrir
túnfiskveiðiskip en fyrst og fremst var
þetta mjög skemmtilegt verkefni að
takast á við," segir Sigurður.
ísþykknið tekur við
af hefðbundnum ís
Kæling hf. flytur beint inn þá íhluti
sem fyrirtækið notar í lausnir fyrir við-
skiptavini sína en sömuleiðis er bein
sala á íhlutum snar þáttur í starfi fyrir-
tækisins. Þar má t.d. nefna hraðfrysti-
tæki, eimsvala, stýriloka, ísframleiðslu-
kerfi, kæli- og frystigeymslur í forsmíð-
uðum einingum og Brontec-ísþykknis-
kerfin, en í samvinnu við Brunna hf.
hefur Kæling hf. smíðað ýmsan búnað
sem tengist ísþykkniskerfunum.
„í þessum kerfum er mikil framtíð
að mínu mati. ísþykknið gefur mun
hraðari og öflugri kælingu en hinn
hefðbundni ís og í tilraunum sem
gerðar hafa verið um borð í þeim skip-
um sem þegar nota þennan búnað
kemur ótvírætt í ljós að fiskur sem
kældur er í ísþykkni geymist mun bet-
Sigurður /. Bergsson.
ur en fiskur sem geymdur er í hefð-
bundum ís," segir Sigurður.
„Besta aðferðin til að finna muninn
er að stinga hendinni í ísþykkni í 10-
15 sekúndur og prófa síðan að hafa
hendina í hefðbundum ís. Þá fer ekki á
milli mála að ísþykknið kælir mun
hraðar og nær því að kæla hráefnið
niður í kjörhitastig á afar stuttum tíma
og viðhalda því hitastigi í langan
tíma," bætir hann við.
Framtíðarverkefni
á erlendri grundu
Þrjátíu ár eru liðin frá því Kæling hf.
var stofnuð en í dag starfa þar að jafn-
aði 9-10 starfsmenn og rúmur helm-
ingur þeirra í járnsmíði og kæliþjón-
ustu.
„Skilgreining okkar á fyrirtækinu er
mjög víð og spannar þjónustu við
kæli- og frystisviðið, allt frá smærri
kerfum til stórra iðnaðarkerfa. Reyndar
eru verkefnin alltaf að færast meira og
meira yfir til stærri kerfa, fyrst og
fremst í sjávarútveginum eða tengt
honum" segir Sigurður. „Þrátt fyrir að
mikið hafi verið að gera síðustu mán-
uðina þá virðast ákveðin teikn um
deyfð á markaðnum sem sennilega má
rekja til lélegrar loðnuvertíðar í fyrra.
Ég veit að ýmis fyrirtæki í greininni
hafa verið að leita fyrir sér með verk-
efni erlendis og gott eitt um það að
segja. Við reiknum með að taka enn
meiri þátt í þeirri útrás á næstu árum
en hvernig og á hvaða forsendum
verður framtíðin að skera úr um," segir
Sigurður.
Sjókœlar sem Kœling hf. framleiðir
AGIR 47