Ægir - 01.09.1999, Blaðsíða 35
SAMLEIÐ MEÐ ÍSLENSKUM SJÁVARÚTVEGI
Jón H. Sigurjðnsson með fjarstýringarbúnað fyrir krana, samskonar og nota má í
togspilum um borð í bátum.
Togspilunum stýrt með
þráðlausri fjarstýringu
Datek ísland ehf. er fyrirtœki sem
sérhœfir sig í innflutningi og
sölu á ýmis konar búnaði sem létta
mönnum störfin, t.d. aukabiínað fyr-
ir lyftara, krana og fleira. Eitt afþví
markverða í vörum fyrirtœkisins,
með hiiðsjón af sjávarútveginum, er
fjarstýringarbúnaður sem tengja má
t.d. spilbúnaði í bátum.
Nú þegar hefur fjarstýringarbúnað-
inum verið komið fyrir í nokkrum
rækju- og snurvoðarbátum og hefur
reynst vel, að sögn Jóns H. Sigurjóns-
sonar, sölu- og markaðsstjóra hjá
Datek ísland ehf.
„Fjarstýringin er mjög hentug fyrir
vindurnar við veiðar úti á sjó en ekki
síður þegar landað er úr bátunum,
enda þarf þá stjórnandinn ekki að vera
staðsettur við vindurnar. Hann getur
allt eins verið uppi á bryggju eða við
lestarlúguna. Fjarstýringin er fyrst og
fremst framleidd fyrir vökvakrana á
landi, t.d. vörubílskrana, en þegar við
gerðum fyrirspurn til framleiðandans
um notkun á fjarstýringunni fyrir spil-
vindur í bátum þá kom í ljós að ekkert
Einangrunarhlífar á vörubrettum með
frosnum afurðum.
var að vanbúnaði að nota þessa tækni
þar," segir Jón í samtali við Ægi.
„Auk þess að bjóða vindufjarstýr-
inguna bjóðum við ýmsan búnað sem
tengist krönum og lyfturum, svo sem
brettaklær, krabba, mannkörfur og
fleira. Auk heldur flytjum við inn frá
Danmörku sérstakar einangrunarhlífar
sem til dæmis henta sem yfirbreiðslur
yfir vörubretti með frosnum vörum
eða t.d. sem einangrunartjöld í flutn-
ingabíla," segir Jón H. Sigurjónsson.
REVTINGUR
Evrópski álastofninn
í hættu
Alþjóðlega hafrannsóknaráðið
hefur hvatt Evrópuríki til að minnka
útflutning áls. Pað telur hrygningar-
stofn álsins orðinn svo lítinn að
hann sé í útrýmingarhættu. Gleráls-
aflinn hefur aldrei verið minni en
árin 1997-1998.
Kína, Ástralía, Portúgal, írland,
Holland og Danmörk hafa þegar
bannað útflutning gleráls. Pað hafa
hins vegar Frakkland, Bretland og
Spánn ekki gert en þau lönd ásamt
Portúgal veiða mestan hluta þess
gleráls sem veiddur er í löndum Evr-
ópubandalagsins.
Eftirspurn eftir glerál er mest í
Asíu þar sem hann er settur í eldis-
stöðvar. Talið er að nærri 70% af
glerál sem Evrópulönd flytja út með
flugi drepist áður en hann verður
markaðshæfur. Um 50% drepast í
flutningi þar sem glerállinn er hafð-
ur í þurruni ís til að hægja á öndun
og milljónir drepast í flutningi frá
flugvél til eldisstöðvar.
Uppi eru hugmyndir um að efla
stofninn með því að setja lög um ár-
lega hámarksveiði og að ál úr eldis-
stöðvum verði sleppt út í náttúruna.
Hið síðarnefnda hefur þegar verið
gert í Danmörku, Svíþjóð, Hollandi,
Þýskalandi og írlandi. Einnig er
horft til þess að útflytjendum verði
gert að bæta flutningsskilyrði þannig
að minni afföll verði.
(World Fishing)
ÆGIR 35