Sunna - 01.10.1932, Blaðsíða 34

30
S U N N A
Fyrstu skólaferðir, sem verulega kvað að hér, voru farnar
frá Menntaskólunum í Reykjavík og á Akureyri. En af barna-
skólum er Isafjarðarskólinn brautryðjandi í þessu efni. Tvö
undanfarin vor hafa elztu skólabörnin þar og kennari til leið-
sögu farið á skipi til Reykjavíkur, skoðað það helzta, sem þar
er að sjá, og farið auk þess á bifreiðum »austur yfir Fjall*
og komið á merkustu og fegurstu staði á Suðurlandsundirlendi.
Það hefir nú verið gaman! Kostnað við ferðir þessar greiðir
sjóður, sem bærinn leggur fé í og börnin afla tekna með
sainkomuhöldum o. fl.
Síðastliðið vor fóru fullnaðarprófsbörnin úr Akureyrarskóla
námsferð. Var farið á skipi til Kópaskers og þaðan á bif-
reiðum til Akureyrar, um Ásbyrgi, Reykjaheiði, Húsavík og
þingeysku dalina, og skoðaðir helzlu staðir á leiðinni. Ferðafé
mun verið hafa fengið á svipaðan hátt og á ísafirði.
Vmsir einstakir bekkir í skólunum í Reykjavík fóru lengri
eða skemmri námsferðir s. 1. vetur og vor. T. d. fór hópur
barna til Þingvalla einn sunnudag og plantaði þar skóg. Einn
drengjabekkur dvaldi að Laugarvatni fjóra daga og gekk
þaðan fimmta daginn til Þingvalla. Kostnaður við þá för var
greiddur með ágóða af fjölrituðu blaði, sem drengirnir gáfu
út, skrifuðu allir (30) í og seldu. Ferðafélag íslands býður
árlega 8. bekkjum Reykjavíkurskólanna í ferð upp á HengiL
Margar fleiri skólaferðir mætti nefna, ef rúm væri til.
Næsla vor verður vonandi ennþá meira um skólaferðir en
áður hefir verið. En »ekki er ráð nema í tíma sé tekið*.
Væri ekki hyggilegt að byrja þegar á haustnóttum að hugsa
fyrir kostnaðinum?
Bréfaviðskipti.
Það er ákaflega gaman að fá bréf úr fjarlægum héruðum
eða frá fjarlægum löndum. Og hitt er víst ósvikið ánægjuefni
líka, að »setjast niður« og skrifa kunningja sínum í fjarska.
Auk þess er fátt betri æfing í að rita móðurmálið en það, að
standa í bréfaskiptum. Við getum ekki verið þekkt fyrir annað
en að vanda eins og við getum allan frágang á bréfum, sem