Búnaðarrit - 01.01.1950, Blaðsíða 21
BÚNAÐARRIT
17
kvæmdamaður mikill og svo vinsæll, að óhætt muni
vera að fullyrða, að hann hafi um langan tíma verið
vinsælasti maður í Skagafirði. Eftir það, að Jósef
var ráðinn til skólastjórnar, 23 ára gamall, var Gunn-
laugur hans önnur hönd í öllum framkvæmdum og
undirbúningi undir þetta starf. Jósef (var fátækur
og gat ekki stofnað bú, nema með því móti að
fá lán. G,unnlaugur útvegaði honum lánið og það,
sem hann þurfti. til þess að geta efnt til búrekstrar.
Fyrsta árið, sem skólinn starfaði, átti hann búið á
Hólum, en árið eftir varð það opinber eign.
Jósef hefur látið eftir sig lýsingu á ástandinu á
Norðurlandi og sérstaklega í Skagafirði vorið og
sumarið 1882 og byrjunarstigi skólans. Hann segir
svo: „Tíð var heldur stirð um veturinn (1882), en
nokkru fyrir páska kom ágætisvorblíða. Man ég eftir
því, að mér var þá um bænadagana reikað upp að
Flugumýrará, þar sem hún kemur fram úr Flugu-
mýrardalnum, og fann ég þar töluvert mikið af út-
sprungnum vetrarblómum, þó að ekki væri meira
áliðið en þetta. En á páskadagsmorgun var komin
grenjandi norðan stórhríð, sem hélst í heila viku,
án þess að nokkurntíma stytti upp. í þeim norðan-
garði fylltust allir firðir á Norðurlandi af hafís allt
frá Horni til Langaness. Sá ís fór ekki á neina veru-
lega hreyfingu frá landinu fyrr en í ágústlok. Engar
vörubirgðir voru þá komnar í lcaupstaðina að héti,
og vandræði með matvörur og fullkominn fæðu-
skortur hefði orðið, ef ekki hefði komið hvalrekinn
mikli við Ánastaði á Vatnsnesi. Hvalur var þá sem
kunnugt er sóttur þangað til manneldis um allar
nálægar sýslur. Dálitlar birgðir voru á Akureyri af
korni, en þær voru fljótt uppétnar. Fólkið lifði á
hval, mjólk og fjallagrösum. Á Sauðárkróki voru
engar nýjar matarbirgðir, eða í öðrum kaupstöðum
við Skagafjörð, því að áður en isinn kom, hafði að-
2