Búnaðarrit - 01.01.1950, Page 24
20
BÚNAÐARRIT
búnaðarskólum erlendis. En hann lofaði að ráða sig
ekki á annan stað fyrir lok næstkomandi febrúar-
mánaðar.
Það varð úr, að sýslunefndin féllst á það, að stofna
bú á Hólum á opinberan kostnað. Vorið 1883 varð sam-
komulag milli sýslunefndanna í Húnavatns-, Skaga-
fjarðar- og Eyjafjarðarsýslum að taka jafnan þátt
i stofnun skólans á þann hátt, að sýslurnar haldi
sameiginlegt bú á jörðinni undir forstöðu búfræð-
ings, er jafnframt sé skólastjóri, og var Jósef Björns-
son til þess ráðinn. Tók hann að sér stjórn skólans
og forstöðu búsins fyrir 1200 kr. á ári. -—- Var nú
samþykkt á fulltrúafundi á Hólum 26. apríl 1883, að
þessi þrjú sýslufélög skyldu framvegis verða sameig-
endur Hóla og í sambandi um slcólann. En þrátt
fyrir þessa samþykkt varð ekkert úr því, að Eyfirð-
ingar fengjust til að standa við loforð sín um hlut-
töku í sambandinu um skólann, svo að það voru að-
eins Skagfirðingar og Húnvetningar, sem stóðu að
skólanum, og fór því svo frain til 1889, en þá gengu
Suður-Þingeyingar í sambandið um skólann með Ey-
firðingum til viðbótar við hin sýslufélögin. Skaga-
fjarðarsýsla ein hafði frá upphafi staðið að skólan-
um. Skólinn varð þannig fyrst fjórðungsskóli árið
1889.
Þess er áður getið, að Skagfirðingar höfðu rætt
um jarðabóta- eða búnaðarfélög fyrir og um 1880.
Hafði verið stofnað búnaðarfélag fyrir alla sýsluna,
og' Jósef kosinn formaður þess 1884, en hann lýst
yfir þvi, að hreppabúnaðarfélög væri heppilegri en
eitt sýslu-búnaðarfélag. Árið 1885 kusu Skagfirðingar
Jósef á Þingvallafund, og sýndi hvorttveggja kosn-
ingin traust það, er þeir höfðu á honum í hvívetna.
Árið 1885 sigldi Jósef til Danmerkur og gekk i
Búnaðarháskólann í Kaupmannahöfn og dvaldist þar
vetrarlangt við nám, en féklc áður en hann fór Jón