Fréttablaðið - 26.01.2010, Blaðsíða 27

ÞRIÐJUDAGUR 26. JANÚAR 2010 7hestavörur ● fréttablaðið ●
Um árin hafa fjölmargir hestar
komið fram í skáldsögum, leikrit-
um og kvikmyndum, sumir sem eins
konar aðalpersónur og aðrir í veiga-
minni hlutverkum, og þá ýmist sem
skáldaðar persónur eða byggðar á
sannsögulegum atburðum.
Einn þeirra er Litli kall, eða Lilla
gubben, hestur grallaraspóans Línu
Langsokks, einnar vinsælustu sögu-
hetju Astridar Lindgren. Raunar má
deila um hvort líta eigi á þá nafngift
sem sérnafn hestsins, en á Vísinda-
vefnum er að finna þær upplýsing-
ar að í mynd sem heitir á sænsku
Pippi på rymmen, sem mætti út-
leggja á íslensku sem Lína strýk-
ur að heiman, kallar Lína eitt sinn
á hestinn sinn með orðunum „Kom
hit Lilla gubben“, eða komdu hing-
að Litli kall.
Nýlegra dæmi um hest sem hefur
ratað á hvíta tjaldið er Seabiscuit,
einn frægasti hestur sögunnar, sem
var í forgrunni í samnefndri mynd
frá árinu 2003 sem skartaði meðal
annarra leikurunum Tobey Mag-
uire og Jeff Bridges. Seabiscuit var
hreinræktaður keppnishestur sem
virtist ekki búa yfir miklum hæfi-
leikum en tók við sér þegar óhefð-
bundnum þjálfunaraðferðum var
beitt á hann. Að lokum varð hann
sá hestur sem mest hefur gefið af
sér í sögu kappreiða í Bandaríkjun-
um. Þegar hann hætti keppni komu
yfir fimm þúsund manns á búgarð-
inn þar sem hann bjó til að hitta
hann.
Þá eru ónefndir hestar á borð
við Silver, vin Lone Ranger, Fagra-
blakk og Herra Ed. Hestum hefur
einnig brugðið fyrir í íslenskum
kvikmyndum eins og Magnúsi, Kú-
rekum norðursins, Óðali feðranna
og Englum alheimsins. - kg
Frægir fákar
„Viðbæturnar eru aðallega úr Þing-
eyjarsýslum, Árnessýslu, Rangár-
vallasýslu og síðan Dölum,“ segir
Jónas Kristjánsson, fyrrverandi rit-
stjóri, sem hefur nýlega gert endur-
bætur á reiðslóðabanka sem hann
heldur úti á heimasíðu sinni www.
jonas.is.
Í vefbankanum eru tilgreind-
ar 800 reið slóðir og er hann því sá
stærsti á landinu. Slóðirnar skipt-
ast niður í 130 reiðferla, leiðir sem
hafa verið teknar út frá gps-gervi-
hnattamiðum og eru nokkuð áreið-
anlegar að sögn Jónasar. Síðan eru
670 reiðleiðir mældar út frá nýleg-
um útivistarkortum, sem ferðamála-
fulltrúar í fyrrnefndum sýslum hafa
meðal annars látið útbúa og herfor-
ingjakortunum gömlu, sem Jónas
segir í sumum tilfellum ónákvæm
sökum aldurs kortanna.
„Þótt reiðleiðirnar sem byggja á
gömlu kortunum séu ekki allar ná-
kvæmar þá hafa kortin sjálf ákveð-
ið lagalegt gildi,“ bendir Jónas hins
vegar á. „Þau sýna reiðleiðir fólks
áður en bílvegir komu til sögunn-
ar og eru af þeim sökum verndaðar
samkvæmt lögum. Menn hafa þar af
leiðandi rétt til að ferðast eftir leið-
unum jafnvel þótt þær liggi yfir
einkaland. Ferðarétturinn er nefni-
lega æðri einkaréttinum á Íslandi.“
Mikil vinna liggur að baki gerð
bankans, þar sem margir hafa lagt
hönd á plóg og á Jónas sjálfur heið-
urinn að stórum hluta upplýsing-
anna. „Þetta hefur nú verið hobbí
hjá mér árum saman. Við hjónin
höfum ferðast mikið á sumrin og
söfnum þá upplýsingum um leið-
ir sem ég hef svo sett inn í kerfið
á veturna.“
Aðgangur að vefbankanum er
ókeypis og tiltölulega auðvelt að
sækja reiðslóðirnar á síðu Jónasar,
www.jonas.is. „Menn ná bara í slóð-
irnar undir lyklinum Reiðleiðir og
hlaða þeim annaðhvort inn á kort í
GPS-tækjunum sínum eða tölvun-
um,“ segir Jónas. - rve
Endurbættur banki
FR
ÉT
TA
B
LA
Ð
IÐ
/G
VA
Jónas bendir á að líta
eigi á reiðslóðirnar sem
hjálpartæki. Ofar öðru
verði menn að treysta
á heilbrigða skynsemi í
lengri hestaferðum.
Úr kvikmyndinni Seabiscuit (2003).
Króm og stál
- alhliða innréttingasmíði
Hvaleyrarbraut 2 • 220 Hafnarfjörður • Sími 565 2546 • Krom@kromogstal.is
ehf.