Fréttablaðið - 02.02.2010, Blaðsíða 42
26 2. febrúar 2010 ÞRIÐJUDAGUR
sport@frettabladid.is
N1 Deildin
KONUR
Þriðjudagur
KA heimilið
Mýrin
Fylkishöll
Ásvellir
KA/Þór - Valur
Stjarnan - HK
Fylkir - FH
Haukar - Víkingur
19:00
19:30
19:30
19:30
2009 - 2010
Framherjinn knái, Grétar Ólafur Hjartarson hjá Grindavík, er kominn
aftur á ról eftir langa fjarveru vegna hnémeiðsla. Grétar varð sem
kunnugt er fyrir því óláni að slíta krossbönd í hægra hné í júlí árið
2008 en þá var hann nýkominn aftur í raðir Grindavíkur frá KR.
Meiðsli Grétars voru reyndar í fyrstu greind vitlaust og ekki talið að
hann væri með slitin krossbönd og því beið hann með það að fara
í aðgerð þar til í nóvember sama ár þegar endanlega varð ljóst að
hann þyrfti nauðsynlega á aðgerð að halda. Eftir það tók við löng
og ströng endurhæfing en markvarðahrellirinn
Grétar sér nú loksins fyrir endann á því ferli.
Grétar lék sinn fyrsta leik eftir meiðslin á
föstudagskvöld þegar Grindavík mætti Þrótti
Vogum og vann 7-1 sigur í Reykjaneshallarmót-
inu svokallaða sem haldið er í tilefni af tíu ára
afmæli hallarinnar. Grétar gerði sér lítið fyrir
og skoraði eitt marka Grindavíkur í leiknum en
hann var þó eðlilega fyrst og fremst ánægður
með að vera byrjaður að spila á nýjan leik.
„Þetta var fyrsti leikurinn minn í einhverja
sautján eða átján mánuði og það er því óhætt að segja að ég sé
sáttur við að vera byrjaður að spila aftur. Það var líka mjög
gaman að skora en aðalmálið var náttúrlega að vera
byrjaður að spila aftur,“ segir Grétar.
Grétar viðurkennir að endurhæfingin hafi verið löng og
ströng og hann hafi vonast til þess að vera byrjaður að
spila miklu fyrr.
„Eftir að ég fór í aðgerðina í nóvember árið 2008
má segja að þetta sé búin að vera stanslaus vinna í
að koma sér aftur á lappir. Þessi meiðsli taka alltaf
langan tíma og þó svo að ég hefði viljað byrja aftur
fyrr þá var það einfaldlega ekki hægt. Löppin á mér
var bara svo ónýt eftir þetta að það kom bara ekki
til greina að gera neitt annað en að byggja sig upp og
ég er orðinn fínn núna. Ég vona bara að þetta verði allt
í lagi því þetta er eiginlega búið að vera eins og mjög
langt undirbúningstímabil og ég er orðinn spenntur
fyrir að fara að spila fótbolta aftur,“ segir Grétar að
lokum.
GRÉTAR ÓLAFUR HJARTARSON: ER BÚINN AÐ JAFNA SIG EFTIR ERFIÐ HNÉMEIÐSLI OG BYRJAÐUR AÐ SKORA Á NÝ
Búið að vera eins og langt undirbúningstímabil
FÓTBOLTI Margir knattspyrnu-
áhugamenn kannast orðið ágæt-
lega við KR-inginn Ingólf Sigurðs-
son þó svo hann sé mjög ungur að
aldri. Hann var í herbúðum hol-
lenska félagsins Heerenveen leik-
tíðina 2007-08 og hefur verið undir
smásjá margra stórra félaga enda
þykir hann mikið efni.
Hann er á förum til Lundúna
um miðjan mánuðinn þar sem
hann verður til reynslu hjá Ars-
enal í fimm daga. „Ég fer eftir
nákvæmlega tvær vikur. Ég hef
ekkert farið til félags á reynslu
lengi og bíð spenntur. Þetta kom
fyrst upp í lok síðasta árs. Þá vissi
ég að þeir vildu taka á móti mér og
nú er komið að því,“ sagði Ingólfur
spenntur en hann hafnaði tækifæri
á að fara til reynslu hjá Man. Utd
síðasta sumar.
„Þeir vildu endilega fá mig en ég
kæfði það mál eiginlega í fæðingu.
Ég var alls ekki tilbúinn í neitt
slíkt á þeim tíma. Ég vildi bara
vera hér heima og einbeita mér
að því. Þótt það hljómi kannski
skringilega þá sé ég ekkert eftir að
hafa hafnað því boði. Maður verð-
ur nefnilega að vera skynsamur og
hlusta á sjálfan sig,“ sagði Ingólfur
sem telur sig aftur móti vera tilbú-
inn núna að skoða nýja möguleika
og líst vel á að fara til Arsenal.
„Það hefur sýnt sig að unglinga-
starfið hjá þeim er gott og með
fremstu unglingastörfum í heim-
inum. Þess vegna er ég afar sáttur
að fá að fara þangað í allan þenn-
an tíma,“ sagði Ingólfur en hvað er
hans lið í enska boltanum? „Það er
Liverpool, því miður,“ sagði Ingólf-
ur og hló við.
Ingólfur hefur verið að spila
mikið með meistaraflokki KR
í vetur en hann fékk aðeins að
spreyta sig með liðinu síðasta
sumar og skoraði mark í sínum
fyrsta leik. Honum hefur geng-
ið vel í meistaraflokksleikjunum
og skoraði meðal annars tvö mörk
gegn Þrótti á dögunum.
„Ég er í mjög góðum höndum
hér heima hjá KR og eingöngu að
æfa með meistaraflokknum þar
sem ég er að reyna að vinna mér
sæti í liðinu. Ef það kemur eitt-
hvað upp þá skoðar maður það
samt að sjálfsögðu. Ég er ánægð-
ur með hvað ég hef fengið að spila
mikið í vetur. Mér gengur líka vel
að aðlagast meistaraflokknum en
það hefur tekið svolítinn tíma. Ég
stefni að sjálfsögðu á að standa
mig vel, komast í liðið og kannski
fá eitthvað smá hlutverk. Eitthvað
annað en að halda bara á vatns-
brúsunum,“ sagði Ingólfur léttur
en hann horfir björtum augum á
framtíðina.
„Það er plús að vera ungur og
vitlaus. Þá getur maður látið sig
dreyma.“
henry@frettabladid.is
Sé ekki eftir því að hafa
hafnað Man. United
Hinn 16 ára gamli Ingólfur Sigurðsson er á leið til reynslu hjá enska úrvals-
deildarfélaginu Arsenal um miðjan mánuðinn. Þrátt fyrir ungan aldur hefur
Ingólfur verið í sigti erlendra liða lengi og meðal annars hjá Man. Utd.
Á LEIÐ TIL ENGLANDS Ingólfur heldur til Lundúna eftir tvær vikur þar sem hann mun
æfa með Arsenal. FRÉTTABLAÐIÐ/VILHELM
FÓTBOLTI Ársþing KSÍ fer fram
hinn 13. febrúar næstkomandi og
sem oftast liggur fjöldi tillagna um
breytingar á lögum KSÍ. Áhuga-
verðasta tillagan er klárlega til-
laga um að færa bikarúrslitaleik
karla yfir á menningarnótt og að
hætt verði að spila undanúrslita-
leikina á Laugardalsvelli.
Það eru níu lið af tólf í Pepsi-
deildinni sem leggja fram þessa
tillögu, öll félög nema Breiðablik,
Haukar og Selfoss. Má því telja lík-
legt að tillagan verði samþykkt.
Hugmyndasmiðurinn er Hjörv-
ar Hafliðason, fyrrum markvörð-
ur Breiðabliks, en hann fékk hug-
myndina fyrir fimm árum. „Þetta
var árið 2005, þegar ég var að
vinna hjá Fréttablaðinu. Þá skrif-
aði ég pistil um málið og varpaði
þessari hugmynd fram,“ sagði
Hjörvar. „Árið á undan var afar
leiðinlegur og óspennandi leik-
ur sem var illa sóttur. Þetta fyr-
irkomulag hefur þess utan ekki
heppnast vel. Bikarúrslitaleikur-
inn á að vera hápunktur sumars-
ins og er það alls ekki í dag,“ sagði
Hjörvar en bikarúrslitaleikurinn
hefur farið fram í október síðustu
ár við misjafnar aðstæður.
„Það finnst engum gaman að
spila í svona kulda og hvað þá að
fólk vilji fara á völlinn. Það er
bara leiðinlegt þegar það er kalt.
Með því að hafa þetta á menning-
arnótt má gera ráð fyrir talsvert
betri mætingu, meiri stemningu
og veðrið verður einnig væntan-
lega betra.“ - hbg
Hugmynd Hjörvars Hafliðasonar um úrslitaleik bikarsins að verða að veruleika:
Bikarúrslit á menningarnótt
HUGMYNDARÍKUR Hjörvar segist luma á
fleiri sniðugum hugmyndum.
Enska úrvalsdeildin:
Sunderland-Stoke City 0-0
STAÐAN:
Chelsea 23 17 3 3 57-19 54
Man. United 24 17 2 5 56-20 53
Arsenal 24 15 4 5 60-28 49
Tottenham 24 12 6 6 45-25 42
Liverpool 24 12 5 7 42-26 41
Man.City 22 11 8 3 44-30 41
Aston Villa 23 11 7 5 31-18 40
Birmingham 23 9 7 7 22-23 34
Everton 23 8 8 7 33-34 32
Blackburn 24 7 7 10 25-40 28
Fulham 23 7 6 10 26-28 27
Stoke City 22 6 8 8 19-26 26
Sunderland 23 6 6 11 30-40 24
Wigan Athletic 22 6 4 12 24-47 22
West Ham 23 4 9 10 29-38 21
Bolton 22 5 6 11 29-44 21
Wolves 23 5 6 12 19-40 21
Burnley 23 5 5 13 23-46 20
Hull City 23 4 8 11 22-48 20
Portsmouth 22 4 3 15 19-35 15
ÚRSLIT
> Haraldur Freyr áfram í Keflavík
Varnarmaðurinn Haraldur Freyr Guðmundsson skrifaði í
gær undir nýjan tveggja ára samning við Pepsi-deildarlið
Keflavíkur. Þetta kom fram á fótbolti.net í gær. Haraldur
stefndi á að komast aftur í atvinnumennsku
en virðist ekki hafa nælt í neitt bitastætt
fyrst hann ákvað að semja aftur við Kefla-
vík. Það eru aftur á móti afar góð tíðindi
fyrir Keflavík að halda Haraldi hjá
félaginu enda sterkur og reyndur
miðvörður.
FÓTBOLTI Lokadagur félagaskipta
gluggans var í gær og var minna
um stór tíðindi en búist var við.
Man. City keypti vængmanninn
Adam Johnson frá Middles-
brough en missti af Argentínu-
manninum Fernando Gago hjá
Real Madrid.
City var til í að greiða 18 millj-
ónir evra fyrir Gago og var búið
að ná samkomulagi við Madrid.
Pappírsvinnan tók aftur á móti of
langan tíma og City féll á tíma og
missti þar með af leikmanninum.
Stræstu skiptin voru hugsan-
lega þau að Robbie Keane var
lánaður frá Tottenham til Celtic
út leiktíðina.
West Ham nældi sér í Egypt-
ann Mido að láni en sá ætlar að
spila fyrir aðeins 1.000 pund á
viku hjá félaginu. Brasilíumaður-
inn Ilan kemur einnig frá St. Eti-
enne. - hbg
Lokadagur janúargluggans:
Engin stór
félagaskipti
FERNANDO GAGO Var á leiðinni til City
en City féll á tíma. NORDIC PHOTOS/GETTY
FÓTBOLTI John Terry, leikmaður
Chelsea og enska landsliðsins, á
ekki sjö dagana sæla eftir að upp
komst um framhjáhald hans við
Vanessu Perroncel, fyrrum unn-
ustu Wayne Bridge.
Terry barnaði Perroncel á
meðan hún var enn með Bridge
og leikmennirnir að spila saman.
Málið komst í blöðin um helg-
ina og í kjölfarið er eiginkona
Terrys flúin til Dúbaí með börn
þeirra og hefur farið fram á
skilnað. Enska knattspyrnusam-
bandið hefur ekki viljað tjá sig
um málið en menn hafa áhyggj-
ur af því að það geti komið óein-
ing innan hópsins þegar Terry og
Bridge hittast á nýjan leik. - hbg
John Terry í vondum málum:
Eiginkonan
vill fá skilnað
FÓTBOLTI Sunderland tók á móti
Stoke í eina leik gærdagsins í
ensku úrvalsdeildinni.
Stoke var í tólfta sæti deildar-
innar fyrir leikinn en Sunderland
í því þrettánda aðeins tveimur
stigum á eftir.
Leikurinn var engin flugelda-
sýning og hvorugu liðinu tókst
að koma boltanum í netið í fyrri
hálfleik né þeim seinni. - hbg
Einn leikur í enska boltanum:
Markalaust
jafntefli
BARÁTTA Steed Malbranque og Glenn
Whelan berjast hér um boltann í gær.
NORDIC PHOTOS/AFP