Fréttablaðið - 08.04.2010, Blaðsíða 2
2 8. apríl 2010 FIMMTUDAGUR
ÞJÓFNAÐUR „Hann sagði að hann
vildi ekki drepa neinn en yrði að
fá róandi lyf og mundi sætta sig
við tvær töflur,” segir Sigurður
Viðar Viggósson sem vaknaði
snemma í gærmorgun við að
ungur fíkill, vopnaður hnífi, var
kominn inn í herbergið hans í leit
að lyfjum.
Sigurður Viðar var í heimsókn
hjá 84 ára gömlum föður sínum í
fjölbýlishúsi aldraðra í Gullsmára
í Kópavogi.
„Ég hélt fyrst að við hefðum
gleymt að læsa íbúðinni,“ segir
Sigurður Viðar. Í raun hafði þjóf-
urinn klifrað upp á svalir á þriðju
hæð og komist inn um kviklæst-
ar svaladyrnar. Hann náði sér
í kjöthníf í eldhúsinu og rótaði í
hirslum í íbúðinni.
„Hann var að leita að lyfjum
og kom inn í herbergið. Ég vakn-
aði, skildi ekkert hver þetta var
og spurði hvað hann væri að
gera. Hann sagðist vera með hníf
en vildi ekki drepa neinn,“ segir
Sigurður Viðar.
Sigurður Viðar sagði mannin-
um að koma sér út. Innbrotsþjóf-
urinn hefði neitað að fara nema
hann fengi tvær töflur og síðan
hefði hann sagt: „Ég veit að þetta
er blokk fyrir eldri borgara og
þeir eru allir með lyf.“
Sigurður Viðar brást við með
því að vefja úlpunni sinni utan um
handlegginn og ráðast til atlögu.
„Ég réðst á hann og tók af honum
hnífinn.“ Hann segir að maðurinn
hafi ekki sýnt mikla mótspyrnu
heldur forðað sér. „Ég varð mest
hissa þegar hann fór svo út á
svalir og lét sig hverfa einhvern
veginn niður þrjár hæðir.
Hann sagði þegar hann fór yfir
handriðið að ef ég hringdi í lög-
regluna mundi hann koma aftur
og stela öllu því hann vissi hvar ég
byggi,“ segir Sigurður Viðar, sem
hringdi í lögregluna engu að síður.
Hún kom á þremur bílum og fann
manninn í grenndinni skömmu
síðar.
Sigurður Viðar býr í Noregi en
kom til landsins í heimsókn til
föður síns og fjölskyldu í fyrradag.
„Ég er feginn að hafa verið til stað-
ar hjá pabba þegar þetta gerðist,“
segir Sigurður Viðar en faðirinn
svaf svefni hinna réttlátu meðan
sonurinn glímdi við þjófinn.
peturg@frettabladid.is
Sveiflaði kjöthnífi og
heimtaði róandi lyf
Innbrotsþjófur í Kópavogi veifaði hníf og heimtaði lyf. „Þetta er blokk fyrir eldri
borgara og þeir eru allir með lyf,“ sagði þjófurinn, sem kom inn um svalir á
þriðju hæð og lét sig hverfa sömu leið. Hann var handtekinn skammt frá húsinu.
VAKNAÐI VIÐ INNBROTSÞJÓF Sigurður
Viðar Viggósson afvopnaði fíkil sem
braust inn á heimili föður hans, Viggós
M. Sigurðssonar, til að leita að róandi
lyfjum. Hér sjást þeir feðgar fegnir því að
ekki fór verr. Á innfelldu myndinni má
sjá hvaða leið þjófurinn fór, klifraði upp
á þriðju hæð. FRÉTTABLAÐIÐ/VILHELM
Á ÞINGVÖLLUM Bæta á þjónustuna í
friðlandinu.
MENNING Líklegt er að Þingvalla-
nefnd efni á þessu ári til hug-
myndasamkeppni um uppbygg-
ingu í þjóðgarðinum. Rætt er um
að gefa allri þjóðinni tillögurétt í
samkeppninni þar sem friðlandið
í heild sinni yrði viðfangsefnið.
Nefndin hefur í vetur skoðað
ýmsar þær tillögur sem þegar
hafa borist í kjölfar bruna Hótels
Valhallar, meðal annars um sögu-
setur í stíl Landnámsseturins í
Borgarnesi, og byggingu torfhúss
í Skógarhólum þar sem yrði öll
þjónusta auk gistiaðstöðu.
Um þessar mundir eru að hefj-
ast framkvæmdir við stórbætta
hreinlætisaðstöðu á Hakinu
og unnið hefur verið að því að
lagfæra lóð Þingvallakirkju. - gar
Uppbygging á Þingvöllum:
Þjóðin geti sent
inn hugmyndir
ALÞINGI Sóknaráætlun stjórnvalda,
20/20, kostar 45 milljónir króna á
þessu ári og síðasta. Þetta kemur
fram í svari forsætisráðherra við
fyrirspurn Vigdísar Hauksdóttur,
Framsóknarflokki.
Fram kemur að verkefnið fékk
20 milljónir króna af sameigin-
legu ráðstöfunarfé ríkisstjórnar-
innar á síðasta ári og 25 milljónir
á fjárlögum þessa árs. Á síðasta
ári voru tæpar 15 milljónir nýttar
en áætlað er að kostnaður þessa
árs nemi 30 milljónum. - bþs
Sóknaráætlunin 20/20:
Kostnaður nem-
ur 45 milljónum
ALÞINGI Breyta á lögum um emb-
ætti sérstaks saksóknara, sam-
kvæmt frumvarpi dómsmála- og
mannréttindaráðherra. Markmið-
ið er að skilgreina verksvið sak-
sóknarans með skýrari hætti en
nú er.
Sérstaklega verður kveðið á um
að embættinu beri að rannsaka
grun um refsiverða háttsemi hlut-
hafa í fjármálafyrirtækjum, auk
stjórnenda, ráðgjafa og starfs-
manna.
Í gildandi lögum segir að sér-
stakur saksóknari eigi að rann-
saka grun um refsiverða hátt-
semi í aðdraganda, tengslum við
og í kjölfar atburða er leiddi til
setningar neyðarlaganna.
Í frumvarpinu segir að emb-
ættið skuli rannsaka grun um
refsiverða háttsemi sem tengst
hefur starfsemi fjármálafyrir-
tækja og þeirra sem átt hafa hluti
í þeim fyrirtækjum eða farið með
atkvæðisrétt í þeim. Sömuleið-
is grun um refsiverða háttsemi
stjórnenda, ráðgjafa og starfs-
manna fjármálafyrirtækja og
þeirra annarra sem komið hafa að
starfsemi fyrirtækjanna. Embætt-
ið skuli eftir atvinu fylgja rann-
sókn eftir með saksókn. - bþs
Verksvið embættis sérstaks saksóknara skilgreint með skýrari hætti:
Eigendurnir tilgreindir sérstaklega
Sett skal á stofn embætti sérstaks saksóknara til að rannsaka grun um
refsiverða háttsemi í aðdraganda, tengslum við og kjölfar atburða er leiddu
til setningar laga um heimild til fjárveitingar úr ríkissjóði vegna sérstakra
aðstæðna á fjármálamarkaði o.fl., nr. 125/2008, og þess ástands sem þá
skapaðist á fjármálamarkaði, hvort sem það tengist starfsemi fjármála-
fyrirtækja, annarra lögaðila eða einstaklinga, og eftir atvikum fylgja rannsókn
eftir með saksókn.
Embætti sérstaks saksóknara skal rannsaka grun um refsiverða háttsemi
sem tengst hefur starfsemi fjármálafyrirtækja og þeirra sem átt hafa hluti í
þeim fyrirtækjum eða farið með atkvæðisrétt í þeim, sömuleiðis grun um
refsiverða háttsemi stjórnenda, ráðgjafa og starfsmanna fjármálafyrirtækja
og þeirra annarra sem komið hafa að starfsemi fyrirtækjanna. Embættið
skal eftir atvikum fylgja rannsókn eftir með saksókn.
Orðalag gildandi laga og breytingin
KIRGISISTAN, AP Forseti Kirgisist-
ans var í gær sagður hafa farið í
felur eftir að til harðra átaka kom
milli lögreglu og mótmælenda í
höfuðborginni Biskek. Leiðtogar
stjórnarandstöðunnar sögðust hafa
myndað bráðabirgðastjórn.
Þúsundir mótmælenda höfðu
slegist við lögregluna og náðu
meðal annars höfuðstöðvum leyni-
þjónustunnar og ríkissjónvarpinu
á sitt vald.
Lögreglan greip til skotvopna og
varð tugum mótmælenda að bana,
auk þess sem hundruð særðust.
Langvarandi spilling og snar-
hækkandi rafmagns- og hita-
reikningar virðast vera kveikjan
að atburðum gærdagsins.
Kurmanbek Bakiyev forseti
komst til valda í túlípanabylting-
unni svonefndu árið 2005. Síðan
hefur honum tekist að koma á tölu-
verðum stöðugleika í landinu, en
sá stöðugleiki hefur orðið á kostn-
að lýðræðis. Um leið hefur honum
tekist að auðga sjálfan sig og fjöl-
skyldu sína svo um munar.
Undanfarin tvö ár hefur stjórn-
in ráðist til atlögu gegn frjálsum
fjölmiðlum. Stjórnarandstæðing-
ar segjast auk þess reglulega hafa
orðið fyrir aðkasti, en margir
helstu leiðtogar stjórnarandstöð-
unnar voru áður stuðningsmenn
Bakiyevs. - gb
Upplausn í Kirgisistan eftir harðvítug mótmæli í höfuðborginni:
Forsetinn hrakinn frá völdum
BLÓÐUG ÁTÖK Í HÖFUÐBORGINNI
Lögreglumenn verjast árásum mótmæl-
enda. FRÉTTABLAÐIÐ/AP
ALÞINGI Þingmenn fjögurra flokka
hafa lagt fram frumvarp sem felur
í sér að þingmál lifi kjörtímabil-
ið á enda. Eins og nú háttar til
fellur mál niður við lok hvers lög-
gjafarþings, hafi það ekki hlotið
afgreiðslu. Þingmaður getur þá
kosið að endurflytja það á næsta
þingi. Breytingin felur í sér að
mál verði sjálfkrafa tekin upp á
ný, dragi þingmaðurinn það ekki
til baka. Mál falli hins vegar niður
við lok kjörtímabils.
Þór Saari, Hreyfingunni, er
fyrsti flutningsmaður. - bþs
Vilja breytingu á þingsköpum:
Þingmál lifi út
kjörtímabilið
Runólfur, er ríkið alveg úti að
aka?
„Já, og virðist fara villu vega.“
Runólfur Ólafsson, framkvæmdastjóri
Félags íslenskra bifreiðaeigenda, gagnrýn-
ir hugmyndir um vegtolla. Vegir eru hluti
af samneyslunni, að hans mati.
Fólkið sem fannst látið að
Fjallabaki á þriðjudag hét
Friðgeir Fjalar Víðisson og
Kristín R. Steingrímsdóttir.
Friðgeir var 54 ára og Kristín
43 ára. Þau voru bæði búsett í
Reykjavík.
Fundust látin
að Fjallabaki
LÖGREGLUMÁL Eldur kviknaði í
tveimur bifreiðum í porti að Trönu-
hrauni 5 í Hafnarfirði. Talið er
að kveikt hafi verið í bílunum, en
málið er í rannsókn hjá lögreglu.
Bílarnir stóðu andspænis hvor
öðrum í portinu og voru nokkrir
metrar á milli. Báðir voru bílarnir
númerslausir, en lögregla segist
ekki geta metið tjónið.
Slökkvilið var kallað út klukkan
rúmlega átta í gærkvöldi og réði
fljótt niðurlögum eldanna. Ekk-
ert annað tjón varð í portinu af
völdum eldsins.
Að sögn lögreglu hafa íkveikjur
í bílum ekki verið áberandi í
Hafnarfirði undanfarið. - gb
Grunur um íkveikju:
Eldur logaði í
tveimur bílum
SLÖKKT Í BIFREIÐ Vel gekk að ráða
niðurlögum eldsins. MYND/ARNBJÖRN
SPURNING DAGSINS