Fréttablaðið - 08.04.2010, Blaðsíða 22
8. apríl 2010 FIMMTUDAGUR
timamot@frettabladid.is
BETTY FORD ER 93 ÁRA
„Ég hef alltaf haft á tilfinning-
unni að Drottinn láni okkur
börnin þar til þau hafa náð
átján ára aldri. Hafi maður
ekki þegar sett mark sitt á þau
þá, hafa tækifærin til að hafa
áhrif á þau gengið okkur úr
greipum.“
Betty Ford er ekkja Geralds R.
Ford sem var Bandaríkjaforseti
á árunum 1974 til 1977. Hún er
stofnandi Betty Ford-meðferðar-
stofnunarinnar.
„Draumagjöfin er að fá að vera í stuði sem lengst,“ segir
afmælisbarn dagins, Guðjón Davíð Karlsson leikari, sem
blæs á þrjátíu kerta köku í dag. Guðjón, sem skírður var
eftir móðurafa sínum, hefur verið kallaður Gói frá því að
systir hans hóf að kalla hann það sem smábarn.
„Og nú bankar aldurinn svona svaðalega á dyrnar, en ég
hef engu að kvíða. Ég þekki marga sem farið hafa yfir þenn-
an hjall og það er allt mjög heilbrigt og skemmtilegt fólk,“
segir Gói sem finnur lítinn mun milli áratuga. „Þegar ég
hugsa um hugtakið þrítugur finnst mér það dálítið karlalegt,
því mér líður ekki þannig í hjartanu. Mér finnst ég enn vera
óttalegur strákur.“
Gói er sonur Karls Sigurbjörnssonar biskups og afabarn
Sigurbjörns Einarssonar biskups, og því alinn upp í trú, von
og kærleika. „Ég er meðvitaður um mikilvægi þess að þakka
fyrir hvern dag og njóta hverrar stundar, þess að vera til
og vera í kringum fólkið sitt, brosa og hafa gaman af lífinu.
Hins vegar langaði mig aldrei að feta í fótspor feðganna
og ætlaði að verða leikari strax fimm ára, þótt ég hafi líka
gengið í gegnum tímabil þess að langa að verða lögga, lækn-
ir, leigubílstjóri og vörubílstjóri. En svo sá ég að flottast
væri að verða leikari því þá gæti ég leikið það allt saman.“
Í minningunni standa afmæli bernskunnar upp úr. „Ég
var alltaf svo ánægður að eiga afmæli þegar enn var skóli
því sumir vina minna misstu af afmælisgestunum þegar
sumraði og enginn var heima. Pabbi sá alltaf um að teikna
á afmælisdúkinn, en hann er mikill teiknari og teiknaði alls
konar bíla og skrifaði: „Til hamingju með afmælið, Gói“ og
„Gói, nú ertu 8, 9, 10, 11 eða 12 ára“. Svo bakaði mamma köku
og pabbi skar hana út eins og strætó og skreytti,“ segir Gói
sem fékk kærkomnustu afmælisgjöfina frá eiginkonu sinni
og syni í fyrra. „Þá fékk ég loksins almennilegan kassagítar
og hef allar götur síðan verið í stífu sjálfsnámi á YouTube,“
segir Gói sem standa mun á sviði Borgarleikhússins í Gaura-
gangi í kvöld. „Ég nenni ekki að halda afmælispartí, en fer
líklega með familíunni í hádeginu og við fáum okkur eitt-
hvað gott í svanginn. Ég er óskaplega heimakær og finnst
gott að vera ekki endalaust í margmenni. Mér finnst bara
best í heimi að vera heima og hafa það kósí með frúnni og
syninum.“
Gói segist glaður og sáttur við sinn stað í lífinu en ávallt
setja sér markmið um að gera betur. „Mig langar til að verða
betri einstaklingur, betri leikari, betri faðir, betri eiginmað-
ur og betri kokkur. Það er svo annarra að dæma í hverju
þessara hlutverka ég er bestur, en ég vona að það sé föður-
hlutverkið. Það er mitt uppáhaldshlutverk; ögrandi og stíft,
enda með lítinn einstakling sem þarf að hlúa að og gera að
manneskju, passa upp á og gæta að þroskist og dafni. Því er
ekkert hlutverk sem toppar það og mun aldrei gera,“ segir
Gói sem raunar leggur sig fram í öllu sem hann gerir.
„Mitt lífsmottó er að halda áfram á lífsins braut með því
að taka skref fram á við en ekki aftur á bak. Lífið leikur við
mig og ég leik við lífið á móti, enda mikils virði að velta sér
ekki upp úr neikvæðni og leiðindum heldur passa að brosa
og hugsa eins og sannur Íslendingur með: Æ, þetta reddast!“
thordis@frettabladid.is
GUÐJÓN DAVÍÐ KARLSSON LEIKARI:
MÆLIR ÞRJÁ ÁRATUGI AF ÆVI SINNI Í DAG
Föðurhlutverkið
toppar öll hin
ALLTAF SAMI STRÁKURINN Gói segir mikil forréttindi að standa loks á
þrítugu og hefur fyrir stefnu að njóta hverrar stundar. FRÉTTABLAÐIÐ/GVA
Manntal, hið fyrsta í heiminum
sem náði til heillar þjóðar, var
tekið á Íslandi um þetta leyti. Að
því er varðaði gestkomandi fólk
er miðað við þennan dag.
Manntalið 1703 var jafnframt
fyrsta manntalið sem náði til
allra íbúa í heilu landi, þar sem
getið var nafns, aldurs og stöðu
íbúa í þjóðfélaginu.
Það var vegna bágrar efna-
hagsstöðu þjóðarinnar sem
ákvörðun var tekin um gerð
manntals á 17. öld. Árni Magn-
ússon og Páll Vídalín voru vald-
ir til að rannsaka hag landsins
og leggja til úrbótartillögur, og
var manntalið
ein forsenda
þeirra. Þeim
Árna og Páli
var einnig
gert að semja
jarðabók og
gera búfjártal.
Af lands-
mönnum var
veturinn 1702-
1703 kallaður
manntalsvetur. Manntalið þótti
einsdæmi á sínum tíma og hefur
varðveist úr öllum hreppum, þótt
frumritið hafi glatast í sumum til-
fellum.
ÞETTA GERÐIST: 8. APRÍL 1703
Íslenskt manntal gert
Systir okkar og frænka,
Eydís Eyþórsdóttir,
er látin. Jarðarförin fer fram í kyrrþey.
Guðmundur Pétursson
Ingibjörg Eyþórsdóttir
Sigríður Eyþórsdóttir
Þórður Eyþórsson
Guðríður Lillý Guðbjörnsdóttir
og systkinabörn.
Útför bróður míns,
Þorbjarnar Sigurðssonar
frá Neðra-Nesi, Stafholtstungum,
fer fram frá Reykholtskirkju laugardaginn 10. apríl
kl. 13.00. Þeim sem vilja minnast hans er bent á
Björgunarsveitina Heiðar í Borgarfirði.
Þórir Gunnar Sigurðsson.
Hjartkær vinur minn, faðir okkar og
bróðir,
Sigurjón Hafnfjörð
Siggeirsson,
lést á heimili sínu þann 3. apríl.
Aðstandendur.
Hjartans þakkir til allra þeirra sem
sýndu okkur vináttu og hlýhug við
andláts og útfarar ástkærrar móður
minnar, tengdamóður og ömmu,
Jolee Margaret Crane.
Sérstakar þakkir fær frábært starfsfólk 11-G á
Landspítalanum og líknardeildarinnar í Kópavogi, fyrir
einstaka umönnun, umhyggju og vináttu.
Einnig færum við Blindrafélaginu sérstakar þakkir.
Ingileif Helga Leifsdóttir
Linda Hersteinsdóttir
Ásthildur Emma
Þökkum samúð og hlýjar kveðjur vegna
andláts
Ingileifar Thorlacius.
Sérstakar þakkir færum við öllu því góða fólki sem
hjúkraði henni síðasta árið.
Ásdís Thorlacius Óladóttir
Ásdís Kristinsdóttir Kristján Thorlacius
Áslaug, Sigrún, Solveig, Sigríður og fjölskyldur.
Hjartkær frændi okkar og vinur,
Björn Tryggvi
Jóhannsson,
bóndi á Stóru-Borg,
Húnaþingi vestra,
lést á Heilbrigðisstofnuninni Hvammstanga 29. mars.
Útförin fer fram frá Breiðabólsstaðarkirkju í
Vesturhópi laugardaginn 10. apríl kl. 14.00.
Þeim sem vilja minnast hans er vinsamlega bent á að
láta Heilbrigðisstofnunina Hvammstanga njóta þess.
Fyrir hönd frændsystkina og annarra aðstandenda,
Ólöf Hulda Karlsdóttir.
Elskulegur tengdasonur minn, faðir,
tengdafaðir og afi,
Guðmundur Árni
Bjarnason
Smárahvammi 2, Hafnarfirði,
lést á Landspítalanum í Fossvogi miðvikudaginn
31. mars. Útför hans fer fram frá Digraneskirkju
föstudaginn 9. apríl kl. 11.00.
Guðríður Guðbrandsdóttir
Þorsteinn Guðmundsson Björg Sigurðardóttir
Júlíana Ósk Guðmundsdóttir Ólafur Björn Heimisson
Guðmunda Gyða Guðmundsdóttir Gylfi Bergmann
Heimisson
og barnabörn.
Maðurinn minn,
Ingvar Einar Bjarnason
prentari,
Fannborg 8, Kópavogi,
andaðist 2. apríl sl. Útför hans fer fram frá
Kópavogskirkju föstudaginn 9. apríl kl. 15.00.
Blóm og kransar vinsamlegast afþakkaðir en þeir
sem vilja minnast hans láti SÁÁ njóta þess.
Fyrir hönd aðstandenda,
Valgerður Guðjónsdóttir.
Elskuleg móðir okkar,
Anna Guðmundsdóttir
frá Hvammstanga, síðast til heimilis að
Bólstaðarhlíð 45, Reykjavík,
lést þann 1. apríl á Landspítalanum í Fossvogi. Útför
hennar fer fram frá Laugarneskirkju þriðjudaginn 13.
apríl kl. 13.00.
Kolbrún Ingólfsdóttir
Guðmundur Ingólfsson
og aðrir aðstandendur.