Fréttablaðið - 08.12.2010, Blaðsíða 2

2 8. desember 2010 MIÐVIKUDAGUR
FÓLK Sprenging í fjólublárri ljósa-
seríu sem keypt var í Húsasmiðj-
unni í Skútuvogi um helgina varð
til þess að það kviknaði í tusku-
dýri tveggja ára stúlku. Serían var
í sambandi á gólfi svefnherberg-
is stúlkunnar, Mínervu Geirdal
Freysdóttur, sem var í fastasvefni
þegar atvikið átti sér stað, um hálf
tvö á mánudagsnótt.
Jóhanna Geirdal, móðir stúlk-
unnar, segir seríuna ennþá hafa
verið logandi þegar hún kom inn
í herbergi dóttur sinnar, en hún
varð vör við óvenju mikil læti í
kettlingnum Loka, sem hljóp um
íbúðina með miklum látum. Loki
og Mínerva sofa saman í herbergi
stúlkunnar og var kötturinn afar
órólegur fyrir framan dyrnar.
„Stelpan var vakandi í rúminu
þegar ég kom inn og það tók á móti
mér þessi hrikalega lykt,“ segir
Jóhanna. „Þegar mér varð litið á
seríuna var ennþá kveikt á henni
og bangsinn stóð í ljósum logum
upp við hana.“
Mínerva hefur líklega hent tusku-
dýrinu sínu á seríuna, sem gerði
það að verkum að eldur braust út.
Perustæðin höfðu bráðnað en ljósin
héldust kveikt þar til Jóhanna tók
snúruna úr sambandi.
„Ég ætlaði fyrst að setja seríuna
á jólatréð, sem er úr plasti. Það
hefði verið skemmtilegur bruni,“
segir Jóhanna.
Auður Auðunsdóttir, rekstrar-
stjóri Húsasmiðjunnar í Skútu-
vogi, segir að tegundin verði tekin
strax úr sölu. „Við tökum þetta úr
hillunum í einum grænum,“ segir
hún. „Við fáum seríurnar hjá inn-
lendum birgjum, en höfum einungis
selt þetta í nokkrar vikur.“
Daníel Guðbrandsson, fram-
kvæmdastjóri heildsölu Egilsson
hf. sem er umboðsaðili fyrir Shin-
ing Blick-ljósaseríurnar hér á landi,
hefur ekki heyrt um svona atvik
áður. „Ég hef selt fleiri þúsund
seríur úr þessari sendingu í mörg
ár og ekki fengið neinar kvartan-
ir til þess. En maður getur aldrei
verið viss um að eitt eintak inn á
milli geti ekki verið gallað,“ segir
Daníel. sunna@frettabladid.is
Kviknaði í tuskudýri
út frá nýrri jólaseríu
Fjólublá jólasería varð til þess að tuskudýr inni hjá tveggja ára barni stóð í
ljósum logum um miðja nótt. Serían var keypt í Húsasmiðjunni um helgina en
tegundin hefur nú verið tekin úr sölu. Heildsali segir tilvikið einangrað.
MÍNERVA OG LOKI Mínerva og kettling-
urinn Loki standa við jólatréð, þar sem
ljósaserían átti upprunalega að vera.
MYND/JÓHANNA GEIRDAL
BRENNDUR BANGSI Ljósaserían er af gerðinni Shining Blick og bræddi tuskudýrið og
plastið í kringum perurnar. FRÉTTABLAÐIÐ/ANTON
Steinunn, verður þetta svona
hámenningar-Idol?
„Nei, þvert á móti verður þetta
alþýðu-Idol.“
Steinunn Birna Ragnarsdóttir, tónlistar-
stjóri Hörpunnar, ásamt Þorgerði
Ingólfsdóttur kórstjóra, fer nú um landið
að velja fólk á aldrinum 16 til 23 ára til
að syngja við opnum tónlistarhússins á
næsta ári. Þær voru í Hofi á Akureyri í
gær og segir Steinunn margt hæfileika-
fólk hafa komið fram.
VARNARMÁL Von er á niðurstöðu
stjórnvalda um framtíðarfyrir-
komulag varnarmála í vikunni.
Aðeins eru ríflega þrjár vikur
í að Varnarmálastofnun verði
lögð niður, og enn hefur ekkert
verið gefið upp um hvar verkefn-
um stofnunarinnar verður niður
komið.
„Við erum að ganga frá þessum
málum, og vonumst til þess að
við getum greint frá niðurstöðu
okkar á næstu dögum,“ segir
Ögmundur Jónasson, dómsmála-
ráðherra og samgönguráðherra.
Viðræður hafa verið í gangi
milli Ögmundar og Össurar
Skarphéðinssonar utanríkis-
ráðherra um hvar málaflokkum
sem stofnunin hefur sinnt verði
komið fyrir. Ákveðið var með
lagasetningu fyrr á árinu að
leggja stofnunina niður um
áramót. Stofnunin heyrir undir
utanríkisráðuneytið.
Samkvæmt heimildum Frétta-
blaðsins hefur gengið illa að ná
lendingu um ákveðin atriði, til
dæmis hvar umsjón með loftvarnar-
kerfinu verður fyrir komið. Verk-
efnisstjórn Varnarmálastofnunar
klofnaði í afstöðu sinni til máls-
ins.
Alger óvissa ríkir meðal starfs-
manna stofnunarinnar, sem eru
um 50 talsins um hvað tekur við.
Guðmundur B. Helgason, formaður
verkefnisstjórnarinnar, segir mjög
brýnt að leiða þetta mál til lykta
sem allra fyrst.
Í lögum þar sem Varnarmála-
stofnun er lögð niður kemur fram
að bjóða eigi starfsmönnum stofn-
unarinnar starf þar sem verkefni
stofnunarinnar enda fyrir 1. jan-
úar næstkomandi. - bj
Óvissa ríkir um framtíðina hjá um 50 starfsmönnum Varnarmálastofnunar:
Niðurstöðu vænst fyrir vikulok
RATSJÁ Á STOKKSNESI Deilt hefur verið
um hvaða ráðuneyti eða stofnun eigi að
taka við rekstri loftvarnakerfisins.
STJÓRNSÝSLA Gagnrýni ríkisendur-
skoðunar á aðkomu ríkisins
að endurskipulagningu Sjóvár
kemur á óvart
segir Stein-
grímur J. Sig-
fússon fjár-
málaráðherra.
Ríkisendur-
skoðun telur
óljóst hvaða
lagaheimildir
hafi verið
stuðst við
þegar ríkið
lagði 11,6 millj-
arða króna í félagið í fyrra.
Steingrímur segir að þar sé
stuðst við heimild í fjárauka-
lögum frá árinu 2008 og sams
konar ákvæði í fjárlögum ársins
2009. Þá sé almenn heimild fyrir
ríkið að tryggja mikilvæga hags-
muni, sem tvímælalaust hafi átt
við í þessu tilviki. - bj
Ráðherra hafnar gagnrýni:
Skýr heimild til
að bjarga Sjóvá
STEINGRÍMUR J.
SIGFÚSSON
AFGANISTAN, AP Bretar kunna að
hefja að kalla hermenn sína frá
Afganistan á næsta ári. Þetta
er meðal þess sem fram kom í
máli Davids Cameron, forsætis-
ráðherra Bretlands, í heimsókn
hans til Afganistan í gær.
Frá því ríkisstjórn Camerons
tók við völdum í maí segir hann
að áætlanir um hlutverk herliðs
landsins í Afganistan hafi verið
endurmetnar og viðurkenndi
hann að minnkandi stuðningur
almennings við stríðsreksturinn
skapaði vandamál. Um leið sagði
hann að hlutverki breskra her-
manna í stríðsátökum í landinu
yrði lokið fyrir árslok 2014. - óká
David Cameron í heimsókn:
Bretaher á leið
frá AfganistanLÖGREGLUMÁL Tveir menn rændu
úrum að andvirði fimm millj-
ónir króna í skartgripabúð í
Kringlunni um miðjan dag í
gær.
Góðar myndir náðust af
mönnunum með eftirlitsmynda-
vélum og leitaði lögregla þeirra
þegar Fréttablaðið fór í prentun
í gærkvöldi.
Samkvæmt upplýsingum frá
lögreglunni hlupu mennirnir
inn í verslunina og að skápi þar
sem dýrustu úrin eru geymd.
Þeir spenntu skápinn upp með
kúbeini, gripu sjö armbandsúr
og forðuðu sér á hlaupum.
Að sögn lögreglu ógnuðu
mennirnir ekki starfsfólki
verslunarinnar. - vg
Rændu skartgripabúð:
Lögreglan leitar
að úraþjófum
SAMFÉLAGSMÁL „Sonur minn er
búinn að fá nóg af öllu þessu
veseni og vill nú bara fara heim,“
segir Julio Cesar Gutierrez, bóndi
á Hávarsstöðum í Hvalfjarðar-
sveit.
Útlendingastofnun hefur synjað
syni hans, Julio Daniel nítján ára,
um dvalarleyfi. Feðgarnir ætla
ekki að kæra úrskurðinn.
Eins og Fréttablaðið greindi
frá hefur Daniel dvalið hjá föður
sínum og fjölskyldu í eitt og hálft
ár. Hann er fæddur og uppalinn í
Úrúgvæ, þar sem móðir hans býr,
og hefur hún forræði yfir honum.
Á því byggir Útlendingastofnun
synjun sína. „Þessi málarekstur
hefur farið illa í son minn og hann
er farið að langa heim núna.“ - jss
FEÐGARNIR Julio Cesar og Julio Daniel.
Sá síðarnefndi þarf að yfirgefa fjölskyldu
sína hér á landi fyrir áramót.
Julio Daniel á leið til Úrúgvæ:
Búinn að fá nóg
WIKILEAKS Kári Stefánsson, for-
stjóri Íslenskrar erfðagreiningar,
segist afar ósáttur við viðbrögð
Ögmundar Jónassonar dómsmála-
ráðherra við meintum njósnum
Kínverja á Íslandi.
„Ögmundur gaf í skyn að áður
en hann færi að láta rannsaka
þetta vildi hann láta ganga úr
skugga um að þeir sem kannski
hefði verið njósnað um hefðu eitt-
hvað sem kannski væri þess virði
að verja,“ segir Kári.
„Hann er þar með að gefa í skyn
að við og jafnvel aðrir í þessu sam-
félagi hefðum ekki upp á nokkurn
skapaðan hlut að bjóða og væri
eðlilegt að hver sem hafa vildi gæti
sullað í því sem við höfum, án leyf-
is í gegnum njósnir og svo fram-
vegis. Þetta er óvarlegt, heimsku-
legt og óréttlátt í alla staði.”
Hann segist telja að Ögmundur
hafi hreinlega ruglast í ríminu og
sé ekki buinn að ná tökum á mála-
flokkum nýs ráðuneytis síns.
„En svo er líka annað í þessu að
mér þykir svo vænt um Ögmund
að ég hef af honum áhyggjur. Því
að nú er Alþingi búið að setja for-
dæmi um það að það megi sækja
ráðherra til saka fyrir að gera mis-
tök. Ég bara bið hæstvirt Alþingi
lengstra orða á hnjánum að fara
ekki illa með Ögmund þó að hann
hafi í þessu máli gert í buxurnar,”
sagði Kári. Hann bætti við að rétt-
ast væri að setja bleyju á Ögmund
í stað þess að fara harkalega að
honum.
Kári tekur þó fram að hann viti
ekki eitt einasta dæmi þar sem
menn hafi stundað njósir, annað en
þær upplýsingar sem komi fram í
skjalinu sem WikiLeaks lak. - jhh
Kári Stefánsson segir dómsmálaráðherra hafa gert í buxurnar með ummælum um meintar njósnir Kínverja:
Segir ummælin heimskuleg og óvarleg
ÁHYGGJUFULLUR Kári Stefánsson,
forstjóri Íslenskrar erfðagreiningar, segist
hafa áhyggjur af því að Alþingi ákveði
að sækja ráðherra til saka fyrir mistök í
starfi. FRÉTTABLAÐIÐ/GVA
SPURNING DAGSINS
AÞENA - HVAÐ ER MÁLIÐ MEÐ HAÍTÍ? EFTIR MARGRÉTI ÖRNÓLFSDÓTTUR
HVAÐ ER MÁLIÐ?
Aþena
(ekki höfuðborgin í
Grikklandi ;)
FJÖRUVERÐLAUNIN
Í FLOKKI UNGLINGA
BÓKA
„Bráðskemmti
leg
bók, fjörug og f
yndin...,
ævintýraleg og
nútímaleg,“
–H. Ó. Morgun
blaðið
(Um fyrri bókin
a)
„Margrét Örnólfsdóttirvarpar áreynslulaust upp hæfilega hversdagslegri og hæfilega ævintýralegri mynd af heimi krakka í dag.“ –Ú. D. bokmenntir.is(Um fyrri bókina)