Fréttablaðið - 08.12.2010, Blaðsíða 48

8. desember 2010 MIÐVIKUDAGUR32
sport@frettabladid.is
SVARTFJALLALAND verður næsti andstæðingur íslenska liðsins á EM í Dan-
mörku. Sá leikur fer fram á morgun klukkan 17.15. Svartfellingar eru almennt taldir
vera með sterkara lið en Króatía og róðurinn verður því þungur fyrir stelpurnar.
EM kvenna:
Ísland-Króatía 25-35 (12-19)
Mörk Íslands (skot): Hanna Guðrún Stefánsdóttir
6/2 (9/2), Anna Úrsúla Guðmundsdóttir 4 (4),
Þorgerður Anna Atladóttir 4 (9), Karen Knútsdótt-
ir 3 (7), Ásta Birna Gunnarsdóttir 2 (4), Rakel
Dögg Bragadóttir 2/2 (5/3), Arna Sif Pálsdóttir 1
(1), Rut Jónsdóttir 1 (1), Harpa Sif Eyjólfsdóttir 1
(2), Hrafnhildur Ósk Skúladóttir 1 (10).
Varin skot: Íris Björk Símonardóttir 5 (16/2, 31%),
Berglind Íris Hansdóttir 5 (29/4, 17%).
Hraðaupphlaup: 3 (Hanna Guðrún 2, Karen 1).
Fiskuð víti: 5 (Anna Úrsúla 3, Karen 1, Rut 1).
Utan vallar: 6 mínútur.
Mörk Króatíu (skot): Kristina Franic 9/6 (13/6),
Lidija Horvat 6 (9), Dijana Golubic 3 (4), Andrea
Penezic 3 (5), Maja Zebic 3 (5), Martina Pavic 2
(2), Dina Havic 2 (2), Miranda Tatari 2 (3), Nikica
Pusic 2 (3), Andrea Seric 1 (1), Vesna Milanovic-
Litre 1 (1), Nina Jukopila 1 (1), Anita Gace (1),
Zana Covic (1).
Varin skot: Ivana Jelcic 9/1 (22/4, 41%), Jelena
Grubisic 6 (18/1, 33%).
Hraðaupphlaup: 7 (Golubic 2, Seric 1, Horvat 1,
Franic 1, Penezic 1, Milanovic-Litre 1).
Fiskuð víti: 5 (Milanovic-Litre 2, Tatari 1, Pavic 1,
Horvat 1).
Utan vallar: 4 mínútur.
Dómarar: Slomo Cohen og Yoram Peretz, Ísrael.
Svartfjallaland-Rússland 24-22
ÚRSLIT
Eiríkur Stefán
Ásgeirsson
skrifar frá Árósum
eirikur@frettabladid.is
HANDBOLTI Ísland tapaði í gær fyrir
Króatíu í fyrsta leik sínum á EM í
handbolta. Von var á erfiðum leik
í frumraun stelpnanna á stórmóti
en tíu marka tap, 35-25, var engu
að síður óþarflega stórt.
Króatar höfðu sjö marka for-
ystu eftir fyrri hálfleikinn og sáu
til þess að hleypa aldrei spennu í
hann í þeim síðari. Ísland náði ekki
sínu besta fram í gær og á nú erf-
iða baráttu fyrir höndum til að ná
markmiði sínu – að komast í milli-
riðlakeppnina.
Karen Knútsdóttir hlaut þann
heiður að skora fyrsta mark
Íslands á stórmóti og var það við-
eigandi að það hafi komið Íslandi
yfir í leiknum.
En það reyndist þó skammgóð-
ur vermir þar sem Króatar skor-
uðu næstu fimm mörk í leiknum.
Sóknarleikur Íslands var alls ekki
sannfærandi og þær króatísku
voru duglegar að refsa með mörk-
um úr hraðaupphlaupum.
Íslenska liðið sýndi þó marga
ágæta tilburði inni á milli í fyrri
hálfleik þegar stillt var upp í bæði
vörn og sókn. Stelpurnar héldu
í við Króatana framan af í fyrri
hálfleik og þegar best gekk sýndu
þær að þær eiga fullt erindi í þetta
lið þegar þær ná sínu besta fram.
En það vantaði þó ýmislegt. Sér-
staklega alla grimmd og áræðni í
varnarleikinn og markvarslan
var eftir því allt of lítil. Sóknar-
mistökin voru einnig allt of mörg
og Króatar refsuðu fyrir nánast öll
mistök íslenska liðsins. Það gerðist
sífellt erfiðara að halda í við and-
stæðinginn og Króatar sigur fram
úr undir lok hálfleiksins og náðu
sjö marka forystu, 19-12, þegar
flautað var til leikhlés.
Það var aldrei spurning hvoru
megin sigurinn myndi lenda og
bar síðari hálfleikur keim af því.
Íslensku leikmennirnir héldu þó
áfram og reyndu hvað þær gátu,
en varamarkvörðurinn Ivana
Jelcic átti stórleik fyrstu tíu mín-
útur leiksins og varði nánast allt
sem á markið kom.
Króatísku leikmennirnir fengu
greinilega þau skilaboð að skjóta
meira að utan. Það bar árangur þar
sem þær skoruðu nánast af vild af
níu metrunum. Skipti því engu
máli að Króatar skoruðu ekki eitt
einasta mark úr hraðaupphlaupi í
síðari hálfleik.
Varnarleikurinn var ekki góður
þegar á heildina er litið og var því
ekki hægt að búast við miklu af
markvörðum Íslands. Þær fengu
erfitt verkefni og náðu sér aldrei
á flug í leiknum.
Það sá þó glitta í margt ágætt í
sóknarleiknum. Ísland átti nokkra
spretti og það gekk vel að finna lín-
una og hornamennina, sérstaklega
í fyrri hálfleik.
Tapaðir boltar voru hins vegar
allt of margir og það reyndist dýr-
keypt. Íslenska liðið var nokkrum
skrefum á eftir andstæðingnum
nánast allan leikinn og úr varð elt-
ingarleikur sem Ísland átti aldrei
möguleika á að vinna.
Karen og Hanna Guðrún sýndu
ágæta takta í sókninni og Anna
Úrsúla komst ágætlega frá sínu
hlutverki. Þorgerður Anna átti
fína innkomu en munaði miklu
að lykilmenn eins og Hrafnhildur
Skúladóttir og Rakel Dögg Braga-
dóttir voru langt frá sínu besta.
Stelpurnar vita það best sjálfar
hvað fór úrskeiðis og hvað þarf að
laga. Þó svo að Króatía hafi fyrir
fram verið talinn lakasti andstæð-
ingur Íslands í riðlinum er barátt-
unni engan veginn lokið.
Bæði Svartfellingar og Rúss-
ar sýndu í gær að þau lið geta
dottið niður á lágt plan, þó svo að
bæði séu vissulega ógnarsterk og
vissulega sigurstrangleg í leikjum
sínum gegn Íslandi.
En miði er möguleiki og
stelpurnar sýndu í gær að þær
gefast ekki upp – sama hvað gekk
á í gær hengdu þær aldrei haus.
Það veit á gott.
Slæmur skellur í fyrsta leik á EM
Ísland tapaði sínum fyrsta stórmótsleik í handbolta þegar stelpurnar máttu þola tíu marka tap gegn
Króatíu í Árósum í gær. Stelpurnar gerðu sig sekar um of mörg einföld mistök og það reyndist dýrkeypt.
Á FLUGI Arna Sif Pálsdóttir er hér komin í gegn. FRÉTTABLAÐIÐ/OLE NIELSEN
GÁFUST ALDREI UPP Stelpurnar gáfu allt í leikinn og fögnuðu mörkum sínum vel.
FRÉTTABLAÐIÐ/OLE NIELSEN
ÖLL SUND LOKUÐ Rakel Dögg Bragadóttir og stöllur hennar í íslenska landsliðinu komust lítt áfram gegn sterkri vörn króatíska
liðsins í gær. FRÉTTABLAÐIÐ/OLE NIELSEN
HANDBOLTI Júlíus Jónasson lands-
liðsþjálfari segir að íslenska liðið
eigi meira inni en það sýndi gegn
Króatíu í gær og að tap liðsins
hafi verið allt of stórt. „Auðvitað
hefði þetta litið strax betur út ef
við hefðum tapað með 5-6 mörkum
en við vorum í vandræðum nánast
allan leikinn,“ sagði Júlíus, sem
sagði að varnarleikurinn hefði
verið helsti löstur liðsins í gær.
„Þetta small í raun aldrei. Það
komu kaflar inni á milli þar sem
við náðum ágætu spili í vörninni
en í raun héldum við aldrei sjó.“
Forysta Króatíu var örugg nán-
ast allan leikinn og sagði Júlíus að
liðið hefði átt von á erfiðum leik.
„Við vorum vissulega að spila á
móti frábæru liði en ég veit að þær
eiga heilmikið inni og munurinn á
milli liðanna var ekki svo mikill.
Króatía lagði upp leikinn með því
að keyra á okkur í byrjun og láta
okkur finna fyrir því strax. Við
fengum því aldrei það tækifæri
sem við vorum að vonast eftir – að
mæta liði sem væri enn sofandi.
Það varð ekki raunin og þær voru
klárar í þennan slag. Ég hefði vilj-
að vera lengur inni í leiknum og
geta verið í þeirri stöðu að eiga
eitthvað inni fyrir síðasta korter-
ið í leiknum.“
Karen Knútsdóttir átti ágætan
leik í gær og var valin besti leik-
maður íslenska liðsins af móts-
höldurum. „Við klikkuðum fyrst
og fremst í vörninni og þá fylgdi
markvarslan ekki með. Þær eru
með góðar skyttur og við fórum
einfaldlega ekki út á móti þeim.
Það kom okkur þó ekkert á óvart
á þessum leik. Við klikkuðum
bara.“
Hún sagði að getumunurinn á
milli liðanna hefði ekki verið jafn
mikill og úrslit leiksins gæfu til
kynna. „Það kom fullt af fínum
sóknum í leiknum sem við getum
tekið með okkur í næstu leiki. Við
þurfum að gera meira af því þar
sem öll þessi lið refsa duglega
fyrir mistökin okkar. Það er ekki
hægt að koma í veg fyrir öll mis-
tök en þetta var kannski full mikið
af því góða,“ sagði Karen.
- esá
Júlíus Jónasson landsliðsþjálfari og Karen Knútsdóttir eftir leikinn gegn Króatíu í gær:
Hefði viljað vera lengur inni í þessum leik
HANDBOLTI Anna Úrsúla Guð-
mundsdóttir átti ágætan leik
fyrir Ísland í gær en segir að
leikmenn hafi ekki náð nógu mik-
illi grimmd í varnarleiknum.
„Við náðum bara ekki að
klukka þær. Við vorum bara fast-
ar á vítateignum og þær hittu
gríðarlega vel að utan. Við áttum
samt að geta strítt þeim í skotun-
um en okkur tókst það ekki.“
Hún segir að ýmislegt jákvætt
hafi verið við leikinn.
„Seinni hálfleikurinn var frek-
ar jafn á tölunum. Það vantaði að
klára færin sem við fengum og
þá hefði þetta litið betur út. En
ef vörnin er í ólagi þá falla aðrir
hlutir bara ekki með okkur. Því
fór sem fór.“ - esá
Anna Úrsula Guðmundsdóttir:
Náðum ekki að
klukka þær
ANNA ÚRSULA Lét til sín taka á línunni.
FRÉTTABLAÐIÐ/OLE NIELSEN
HANDBOLTI „Tíu marka tap er allt
of mikið og sérstaklega í ljósi
þess að við vorum tíu mörkum
undir nánast allan seinni hálf-
leikinn,“ sagði fyrirliðinn Rakel
Dögg Bragadóttir.
„Við getum gert miklu betur
og náðum alls ekki að sýna okkur
rétta andlit. Við þurfum að bæta
okkur í vörninni og það gengur
ekki að leyfa skyttunum að skjóta
að vild.“
Hún segir að vörnin hafi aldrei
skilað sér og því hafi vantað
markvörslu og hraðaupphlaup.
„Það var mjög svekkjandi að við
áttum nánast ekki breik í leikn-
um. Mér finnst ekki svo mikill
munur á liðinu, sama hversu
furðulega það hljómar.“ - esá
Rakel Dögg Bragadóttir:
Ég er hundfúl