Fréttablaðið - 22.06.2011, Blaðsíða 8

22. júní 2011 MIÐVIKUDAGUR8
EVRÓPUMÁL Íslendingar geta farið
eins hratt eða hægt og þeir vilja í
aðildarviðræðum sínum við Evr-
ópusambandið, þeir eru „í bíl-
stjórasætinu“. Svo segir skrif-
stofustjóri á stækkunarskrifstofu
ESB, sem sér m.a. um aðildar-
umsókn Íslands, Alexandra Cas
Granje. Hún flutti í gær fyrir-
lesturinn „Sjónarhorn frá Brussel“
hjá Alþjóðamálastofnun HÍ.
„Íslendingar eiga sinn réttmæta
sess innan ESB ef þeir vilja,“ segir
Cas Granje. Þetta sé spurning um
vilja íslenskra stjórnmálamanna
og almennings. Fyrirlestur henn-
ar var haldinn við þau tímamót
að rýniferlinu, þar sem löggjöf
Íslands og ESB er borin saman,
lauk á mánudag.
Skrifstofu-
stjórinn sagði
að svo kynni
að virðast að
Ísland hefði
ratað á sérstak-
lega sléttan og
breiðan veg í
viðræðunum.
En Ísland fari
sömu leið og
aðrar þjóðir. Munurinn sé sá að
landið hafi þegar tekið upp stóran
hluta löggjafar ESB og sé lengra
komið efnahagslega og pólitískt
séð en önnur umsóknarríki.
Kannanir á stöðu landsins í jafn-
réttismálum, lýðræðismálum, og
öðru sýndu að Ísland væri afar
vel statt, betur en sum núver-
andi aðildarríki. Cas Granje eyddi
nokkru máli í pólitíska hlið aðild-
arviðræðnanna.
„Stækkun ESB er innbyggð í
erfðaefni sambandsins,“ segir Cas
Granje, enda stuðli stækkun að
samvinnu landa og að því að þau
jafni ágreining friðsamlega.
Hún telur erfitt verða að semja
um hvalveiðar, landbúnaðar- og
sjávarútvegsmál. Bæta þurfi
íslenskt matvælaöryggi. Einnig
skemma fyrir deilur við einstök
aðildarríki. En miklu skipti að
markmið Íslands og ESB séu oft
þau sömu, svo sem sjálfbærni í
sjávarútvegi. klemens@frettabladid.is
Ísland í bílstjórasæti
Samkvæmt „sjónarhorni frá Brussel“ gekk rýniferli Íslands og ESB vel og viðræður
geta gengið eins hratt eða hægt og Íslendingar vilja. Landið stendur sterkt að vígi.
ALEXANDRA CAS
GRANJE
FRÉTTABLAÐIÐ/GVA
HEITAR TILFINN-
INGAR Tveir menn voru
með háreysti í byrjun
fyrirlestrar. Sá til vinstri jós
fúkyrðum yfir viðstadda
og skilja mátti orð hans
sem hótun í garð gesta-
fyrirlesarans: „Þú brosir
kannski núna en þú munt
ekki brosa síðar meir,“
sagði hann.
Skrifstofur Kennarasambands
Íslands
verða lokaðar frá kl. 12 á hádegi miðvikudaginn
22. júní, vegna útfarar Ómars Árnasonar.
Kennarasamband Íslands
H
V
ÍT
A
H
Ú
S
IÐ
/S
ÍA
1
1
-1
3
3
5
Frestur til að sækja um
110% aðlögun húsnæðislána
er til 1. júlí
Hefur þú kynnt þér breytt skilyrði?
Nánari upplýsingar hjá ráðgjöfum okkar eða á www.islandsbanki.is
ORKUMÁL Möguleikar norðurslóða í
orkumálum liggja ekki síst á sviði
endurnýjanlegra orkugjafa, jarð-
hita og fallvatna, sem eru hluti af
duldum verðmætum svæðisins.
Þetta sagði Ólafur Ragnar
Grímsson, forseti Íslands, í ávarpi
sínu á ráðstefnu í Alaska í upp-
hafi vikunnar, og bætti við að þó
umræða hafi stjórnast af mögu-
leikunum á sviði jarðefna eldsneytis
geti framþróunin á Íslandi verið
öðrum löndum fyrirmynd.
Ólafur minntist einnig á mögu-
leikana á auknum vöruflutningum
um Norður-Íshafið á næstu árum
og þörfina á skýrri stefnumörkun
hvað það varðar.
„Sú þörf sést ef til vill best á
auknum áhuga Kínverja á sam-
vinnu við Ísland. Raunin er að á
síðasta áratug hef ég fundað oftar
með kínverskum ráðamönnum og
fulltrúum en ég hef tölu á.“
Ólafur bætti því við að hann
hefði því miður ekki fengið nærri
eins margar heimsóknir frá
Bandaríkjunum.
Loks stakk hann upp á því að
Ísland, Alaska og Rovaniemi-hérað
í Finnland mynduðu með sér sam-
vinnuvettvang um málefni tengd
norðurslóðum. - þj
Forsetinn vekur athygli á tækifærum í orkuöflun:
Dulin verðmæti
liggja í hreinni orku
HREINAR ÁHERSLUR Á NORÐURSLÓÐ
Forseti Íslands sagði á ráðstefnu í Alaska
að ríki á norðurslóðum gætu lært margt
af þróun íslenskra orkumála.
FRÉTTABLAÐIÐ/VALLI