Faxi - 01.06.1958, Blaðsíða 15

F A X 1
87
Nætur- og hclgidagalæknar í Keflavíkurhér-
aði í júní, júlí og ágúst 1958.
23. til 27. júní Björn Sigurðsson.
28. til 29. júní Kjartan Ólafsson.
30. júní til 4. júlí Guðjón Klemenzson.
5. til 6. júlí Bjami Sigurðsson.
7. til 11. júlí Kjartan Ólafsson.
12. til 13. júlí Björn Sigurðsson.
14. til 18. júlí Bjami Sigurðsson.
19. til 20. júlí Guðjón Klemenzson.
21. til 25. júlí Bjöm Sigurðsson.
2G. til 27. júlí Kjartan Ólafsson.
28. júlí til 1. ágúst. Guðjón Klemenzson.
2. til 3. ágúst Bjarni Sigurðsson.
4. til 8. ágúst Kjartan Ólafsson.
9. til 10. ágúst Björn Sigurðsson.
11. til 15. ágúst Bjarni Sigurðsson.
16. til 17. ágúst Guðjón Klemenzson.
18. til 22. ágúst Bjöm Sigurðsson.
23. til 24. ágúst Kjartan Ólafsson.
25. til 29. ágúst Bjarni Sigurðsson.
Sigurður í Valbraut.
I síðasta Faxa var sagt frá áttræðisafmæli
Sigurðar Magnússonar í Valbraut og getið
um kveðjur og gjafir, sem honum bámst
við þetta tækifæri. Hefir Sigurður beðið
Faxa að færa vinum og vandamönnum sínar
innilegustu þakkir fyrir allan höfðingskap
við sig, sem og blaðið gerir hér með. Eftir-
farandi vísa barst Sigurði í símskeyti frá
Kvæðamannafélagi Hafnarfjarðar, en þar
hefir hann um langt skeið verið liðtækur
félagsmaður.
Heill áttræðum heiðursmanni!
Hafðu bæði þökk og hrós,
fyrir kvæði í félagsranni.
Faðir hæða sé þitt ljós.
Þessa fallegu fermingarvísu sendi Sigurð-
ur einu fermingarbami í Garðinum nú í
vor, en það er Ólafur Tryggvason, sonur
Tryggva uppeldissonar Sigurðar í Valbraut.
Vísan er svona:
Andi vizku ætíð lýsi,
einnig göfgi þína lund.
Hamingjunnar heilladísir
hjá þér búi hverja stund.
Skógræktarfélag Suðurncsja
hélt aðalfund sinn í barnaskólanum í
Keflavík miðvikudaginn 14. maí. Þar mættu
í fyrsta sinn fulltrúar tveggja nýrra félaga,
þau: Halldóra Thorlacius og Gísli Guð-
mundsson frá Skógræktarfélagi Miðnesinga,
og Svavar Árnason frá Skógræktarfélagi
Grindavikur. Það félag hefir nú sett upp
stærstu skógræktargirðingu á Suðurnesjum,
Verðlaunagripir sjómannadagsins.
norðan Þorbjarnar, og ráðgerir að gróður-
setja í vor 5000 plöntur, en alls er ráðgert,
að gróðursetja 11000 trjáplöntur á þessu fé-
lagssvæði.
Grasfræsáning hefir farið fram í girðing-
unum með góðum árangri og er unnið að
því, að græða þar upp öll flög, jafnhliða
trj áræktinni.
Stjórnin var öll endurkjörin, en hún er
þannig skipuð: Siguringi E. Hjörleifsson
formaður, Huxley Ólafsson varaformaður,
Ragnar Guðleifsson ritari, Þorsteinn Gíslason
gjaldkeri. Meðstjórnendur: Árni Hallgríms-
son, Gísli Guðmundsson og Svavar Árnason.
A öðrum stað í blaðinu.
Eins og öllum mun ljóst vera, sem nokkuð
þekkja til í Keflavík, er fjölgun skólaæsk-
unnar hér svo mikil, að hún er á góðri leið
með að sprengja af sér húsnæði skólanna.
Vegna þessa ástands sneri blaðið sér til
skólastjóra beggja ríkisskólanna, sem hér
starfa, þ. e. barnaskólans og gagnfræðaskól-
ans, en vitanlega þekkja þeir bezt til þess-
ara mála. Urðu þeir vinsamlega við tilmæl-
um blaðsins og skrifa hér sína greinina hvor
um málið, og má í því sambandi benda á
fróðlega töflu, sem skólastjóri barnaskólans,
Hermann Eiríksson, hefir gert, en hún auð-
veldar fólki að skilja hvert stefnir í bass-
um efnum. Faxi þakkar ckólastjórunum til-
legg þeirra til þessara þýingarmiklu mála,
en vísar þeim að öðru leyti til bæjaryfir-
valda Keflavíkur og annarra þeirra aðila,
er framkvæmdarvaldið hafa í höndum, i ör-
uggri von um að verkin verði látin tala.
Ritstj.
17. júní.
Á öftustu síðu blaðsins er að þessu sinni
•amkvæmt venju auglýsing frá 17. júní
nefnd, þar sem liún skipuleggur hátíðahöld
dagsins. Allir vita, að á bak við þessa skipu-
lagningu hggur mikið og fómfúst starf, sem
nefndin og aðstoðarmenn hennar leggja
fram, án þess að taka fyrir það nokkurt
kaup eða þóiknun annað en gleðina yfir vel-
heppnuðu starfi, ef allt fer eins og til var
ætlast. Nú er það staðreynd, að enginn dauð-
legur maður segir veðurguðunum fyrir verk-
um, þeir fara sínu fram, án tillits til vilja
okkar og vona, og við þeirra aðgerðir verða
allar 17. júní nefndir að sætta sig, en
nefndin á kröfu á okkur samborgara sína,
að við förum í einu og öllu eftir hennar
ráðum og fyrirmælum þennan dag, svo há-
tíðahöldin geti orðið með glæsibrag eins og
samboðið er þessum mikla frelsis- og fagn-
aðardegi. Við höfum sjálf eða fulltrúar okkar
í bæjarstjórn, valið þessa nefnd til þess að
gegna hér mikilsvirtu starfi og því eigum
við að standa sameinuð um störf hennar og
fyrirmæli i einu og öllu. Ein er sú krafa,
er nefndin sérstaklega setur fram, eftir því
sem formaður hennar, Kristján Guðlaugs-
son, hefir í stuttu viðtali tjáð mér, en sú
krafa er, að allir Keflvíkingar séu heima 17.
júní, en fari ekki til Reykjavíkur. Og ef
satt skal segja, ætti okkur öllum að vera
létt og ljúft að uppfylla þessa sjálfsögðu
kröfu, því til Reykjavíkur sækir maður
ekkert þenna dag, sem ekki fæst hér. Þar
eru þrengslin svo mikil, að ógerlegt er að
skemmta sér. Hér verður hins vegar mikið
um að vera, meira af góðum skemmtiatrið-
um en nokkru sinni fyrr, eftir því sem for-
maðurinn tjáði mér. Verum því öll heima
17. júní.
Stúkan Vík
hélt nýlega síðasta fund sinn á þessum
vetri. Á fundinum voru mættir nokkrir
gestir úr Reykjavík, þar á mðal stórtemplar,
Benedikt Bjarklind, sem flutti stúkunni
kveðjur stórstúkunnar og skýrði frá reglu-
starfinu og nýjum framtíðaráformum, t. d.
þeim, að stofna ungmennastúkur í bæjum
og stærri sveitaþorpum. Hefir þegar verið
unnið nokkuð að þessum málum og er nú
búið að stofna 7—8 slíkar stúkur með góð-
um árangri. En ætlunin er, að stúkur þessar
taki við unglingunum úr barnastúkunum og
haldi þeim innan sinna vébanda, þar til þeir
ganga í undirstúku, sé hún til á staðnum.
Væri þarft verk að slík migmennastúka yrði
stofnuð hér í Keflavík á komandi hausti.
Útsölustaðir Faxa utan Keflavíkur:
Reykjavík: Söluturninn við Arnarhól.
Ilafnarfjörður: Verkamannoskýlið.
Grindavík: Útibú Kaupfélags Suðurnesja.
Sandgerði: Kaupfélagið Ingólfur.
Á Vatnsleysuströnd annast Viktoría Guð-
mundsdóttir, fyrrverandi skólastjóri, útsölu
blaðsins.
í Garði og Leiru: Sigurður Magnússon í
Valbraut.
í Keflavík fæst Faxi á eftirtöldum stöðum:
Bókabúð Keflavíkur, Verzlun Danivals
Danivalssonar, Verzlun Þórðar Einarssonar, í
bryggjuvigtarskúrnum og í Matstofunni Vík.