Faxi - 01.05.1965, Blaðsíða 3
þótt okkur fyndist þetta nám óþarft núna,
þá gæti sá tími komið, að við teldum
þennan lærdóm mestu auðlegð okkar.
Inn í þessar viðræður, fléttaði hann sögu
af blindri konu, sem oftast var ein. Ein-
hver spurði hana hvort henni leiddist
ekki einveran, en hún svaraði, að svo
væri ekki. Hún væri alltaf að rifja upp
og fara með vers og erindi, sem hún
hefði lært í æsku og daglega kæmi nýtt
upp í hugann, og ég veit oft ekki, hvernig
dagurinn líður, svaraði konan. Þessi kona
átti mikla auðlegð sagði séra Friðrik og
leit yfir hópinn sínum blíðu og stillilegu
augum.
Þá voru söngtímarnir í kirkjunni okkur
mikið gleðiefni. Séra Friðrik lék á orgel-
ið og æfði með okkur mörg lög og leið-
beindi okkur með raddbeitingu og fram-
burð málsins. Þá urðum við einnig margs
vísari um sjálfsagða kurteisi í daglegri
umgengni, einkum brýndi hann fyrir
okkur, að sýna gömlu fólki vinsemd og
kurteisi, slíkt var æðsta boðorð í um-
gengnisvenjum. Séra Friðrik var óþreyt-
andi að fræða okkur og segja okkur sem
bezt til vegar. Hver dagur í nálægð hans,
færði okkur eitthvað nýtt og fagurt. Svo
kom síðasti dagur þessara sæludaga. Við
vorum boðuð út að Utskálum rúmum
hálfum mánuði eftir ferminguna. Biskup-
mn ætlaði að vísitera. Við gengum út
eftir, eins og vant var. Það var dimmt í
lofti og sá ekki til sólar og við vorum
í ætt við veðrið. Séra Friðrik tók okkur
innilega að vanda og biskupinn, faðir
hans, yfirheyrði okkur. Að lokum talaði
sera Friðrik til okkar hjartnæmum orðum,
eins og góður faðir, sem er að skilja við
börn sín. Ég held að við höfum öll tárazt.
Svo héldum við heim, það var enn
dimmt í lofti og við og við rigndi. Við
gengum hægt og töluðum lítið sem
ekkert saman, eins og við vorum vön.
Þegar við komum að Grænhóli, sem er
uppi á hæðinni á Berginu, inn af Leiru,
fett við veginn, settumst við, að vanda
a hólinn og tókum upp nestið. Alla þessa
vordaga höfðum við, á göngu okkar á milli
Keflavíkur og Garðs, átt glaða stund á
Grænhól, en þennan síðasta dag, var þögn
a hólnum. Við beygðum okkur yfir nestis-
hitann, líklega til þess að láta ekki sjá,
hve þungbúin við vorum, eða kannske
dl að leyna því, hvort fyrir öðru, að í
allra augum glitruðu tár.
Frú Bentína Björnsdóttir, var fædd 1.
júní 1878 á Búlandsnesi við Djúpavog.
Var faðir hennar, Björn, bóndi og hrepp-
stjóri þar f. 2. jan. 1806 d. 11. apríl 1882
Gíslason prests á Húsavík f. 1781 d. 1842
Auðunssonar prests í Blöndudalshólum
Jónssonar. Séra Gísli var albróðir Björns
sýslumanns Blöndal. Móðir Björns hrepp-
stjóra var Ingibjörg f. 28. febr. 1775 Jóns-
dóttir, síðast bónda í Litla-Klofa á Landi,
f. 1745 d. 22. maí 1820. Kona Jóns í Litla-
Klofa var Halldóra Halldórsdóttir bónda
á Rauðnefsstöðum Bjarnasonar hreppstjóra
á Víkingslæk Halldórssonar. (P. Z. Vík-
ingslækjarætt, bls. 13, 48 og 92—94).
Seinni kona Björns hreppstjóra á Bú-
landsnesi og móðir frú Bentínu, var Þór-
unn f. 10. nóv. 1848 Eiríksdóttir bónda á
Svínafelli í Nesjum albróðir Stefáns alþm.
í Arnanesi Eiríkssonar hreppstjóra í Hof-
felli Benediktssonar.
Frú Þórunn fluttist með þeim prests-
hjónum frú Bentínu og séra Friðrik, til
Ameríku og þar andaðist hún í hárri elli.
Hún var glæsileg myndarkona.
Séra Friðrik var fæddur í Reykjavík 9.
júní 1872, sonur Hallgríms biskups Sveins-
sonar og konu hans, Elina Maria Bolette,
f. Fevejle, danskrar ættar. Svo alkunn er
ætt séra Hallgríms biskups, að óþarft er
að rekja hana hér, þó skal getið föður hans
Sveins prófasts á Staðarstað, Níelssonar
og seinni konu hans Guðrúnar Jónsdóttur
prófasts í Steinnesi, Péturssonar. (B. M.
Guðfræðingatal, 365).
Séra Friðrik Hallgrímsson dómprófastur
andaðist 6. júní 1949 og frú Bentína Hall-
grímsson andaðist 16. des. 1960.
Dætur þeirra hjóna voru fjórar, Ellen
Marie, Þóra Sólrún, Guðrún Agústa og
Ester Bentína, allar giftar erlendis. Einka-
sonur þeirra er Hallgrímur Friðrik Hall-
grímsson forstjóri í Reykjavík og aðal-
ræðismaður Kanda á Islandi.
TRYGGI NGAR - ÖKUKENNSLA
Hefi umboð fyrir hinar ódýru bifreiða- og innbústryggingar
Tryggingafélagsins Ábyrgð h.f. o. fl.
Veitið athygli!
Tryggingafélagið Abyrgð h.f. veitir góðum ökumönnum 50%
afslátt.
Er einnig umboðsmaður fyrir Tryggingamiðstöðina h.f. með
báta, veiðarfæri og mannatryggingar og fleira.
Kenni á Merzetizbenz 190.
Hægt að ná til mín allan sólarhringinn í síma Aðalstöðvarinnar,
1515 í Keflavík, eða heima í síma 7011.
L
Vilhjálmur Halldórsson,
Brekku. — Garði.
KEFLAVÍK - SUÐURNES
FRAMKVÆMUM
ALLSKONAR
MYNDATÖKUR
Á stofu.
í heimahúsum.
í samkvæmum.
Passamyndir.
Ökuskirteinismyndir.
Eftirtökur á gömlum myndum.
Auglýsingamyndir.
Pantið í síma 1890 >
Ljósmyndastofa Suðurnesja
Túngötu 22 — Keflavík — Sími 1890 — Pósthólf 70
F A XI — 67