Jazz - 01.10.1947, Blaðsíða 15
Bréfakassinn
Bangsi skrifar:
Ég leyfi mér að senda tímaritinu Jazz þetta
hréf viðvíkjandi blaðinu.
Að mínum dómi finnst mér tímaritinu
nokkuð ábótavant, t. d. hefði átt að nota
fyrsta hefti til útskýringar á því, hvað væri
jazz og á hverju hann byggðist.
I tímaritinu hafa oftsinnis komið fyrir orð
eins og t. d. „Rythm“, Boogie Woogie“ og
„Swing“, og er lesendur blaðsins lesa þessi
orð, vita margir hverjir ekki hvað þau þýða
og segja þá e. t. v.: Þetta er eitthvað í jazz-
inum og þá er allt í lagi.
Það er ekki nóg að þetta ágæta tímarit
kynni fræga listamenn á sviði jazzins heldur
verður að útskýra þessa tónlistartegund eins
ýtarlega og hægt er.
Eins ætti Jón M. Arnason, er hefir jazz-
þáttinn í útvarpinu, að útskýra hvern stíl fyrir
sig, taka t. d. „Rythm“ fyrir í einum þætti
og „Boggie Woogie“ í öðrum, þar til að búið
væri að fá yfirlit yfir meginstefnur jazzins.
Þá gæti hann byrjað að kynna frægar hljóm-
sveitir og einleikara eins og að undanförnu.
Ef allir jazzunnendur eru samtaka og leggj-
ast á eitt til að breiða út jazzinn, mun mót-
stöðumönnum hans fljótlega fækka.
Ég vil að endingu þakka brautryðjendum
blaðsins fyrir það, er þeir hafa gert til að
breiða út og kynna jazz, og ég óska Jazz
alls góðs í framtíðinni.
TÍMARITIÐ JAZZ
Útgcfandi Hljóðfæravcrzl. Drangey
Ritstjóri Tage Ammendrup
Afgrciðsla Laugavcg 58
Símar:
Auglýsingar og ritstjórn 3311
Afgreiðsla 3896
ALÞÝÐUi’HENTSMIÐJAN H F
Svar:
Við þökkum „Bangsa" fyrir bréf hans og
erum sammála því helzta í sambandi við
kynningu á jazz, þ. e. a. s. hinum ólíku stefn-
um innan hans, og byrjum við í þessu hefti
á grein um Be-bop hina nýju stefnu innan
jazzins.
Rythm þýðir taktur og Boogie Woogie
byggist á átta takta bassa í stað hins venju-
lega fjögurra.
Og í framtíðinni munum við gera meira af
því en hingað til að kynna jazzinn, eðli hans
og áhrif.
Tónunnandi skrifar:
Það ótrúlega er skeð, Rex Stewart fær ekki
að koma. Kæra jazzblað, ég má til með að
létta af hjarta mínu, og lýsa þeim vonbrigð-
um, er ég varð fyrir, og allir mínir kunningj-
ar.
Það er ótrúlegt að hægt sé að banna hljóm-
listina, ótrúlegt að hægt sé að kalla það lúxus
að leika á hljóðfæri og hlusta á hljómlist.
Það er ekki hægt að fá hljóðfæri í hljóð-
færaverzlunum, ekki hægt að fá keyptar nót-
ur, ekki hægt að hlusta á góða hljómleika og
það eina, sem strákar á mínum aldri geta
JAZZ 15