Morgunblaðið - 05.07.2009, Blaðsíða 10

10 FréttirINNLENT
MORGUNBLAÐIÐ SUNNUDAGUR 5. JÚLÍ 2009
TAX FREE AF ÖLLU
FÚAVÖRÐU TIMBRI
FYRIR SÓLPALLINN
gildir til 8. júlí
TAX FREE
!
4
DAGAR
EFTIR
PALLAEFNI
Helgi Sigurðsson, fyrrverandi lög-fræðingur Nýja Kaupþings, sem
kvaddi bankann í síðustu viku og
fékk þakkir fyrir vel unnin störf,
skrifaði grein í Fréttablaðið í gær.
Þar útskýrir Helgi einkum þann
gjörning stjórnar gamla Kaupþings
að fella niður persónulegar ábyrgðir
starfsmanna bankans á lánum sem
þeir höfðu tekið fyrir kaupum á
hlutabréfum í bankanum.
   
Í niðurlagi grein-arinnar segir
Helgi: „Síendur-
tekin skrif um lán
til starfsmanna
Kaupþings og
upplýsingar úr
skýrslum ýmissa
skoðunarnefnda sem vinna að rann-
sókn á falli fjármálakerfisins vekja
grunsemdir um að verið sé að dreifa
athygli frá því sem máli skiptir. Ís-
lenskir skattgreiðendur þurfa ekki
að velta því fyrir sér hvort þeir þurfi
að greiða 350 eða 700 milljarða
vegna innstæðueigenda Kaupþings
og skattgreiðendur þurfa ekki held-
ur að hafa áhyggjur af að greiða
tapið af verðbréfalánum Kaupþings,
það féll því miður á lánveitendur
bankans.“
   
Helgi segir að af einhverjumástæðum hafi „þessi skipulagða
lekastarfsemi nær eingöngu snúið
að Kaupþingi“ og krefst þess að
komið verði tafarlaust í veg fyrir
frekari leka.
   
Það er kannski skiljanlegt að þeim,sem tóku þátt í ákvörðunum um
að fella niður milljarða ábyrgðir
stjórnenda og lykilstarfsmanna í
Kaupþingi, finnist að upplýsingar
um málið komi almenningi ekki við.
   
Og vissulega eru upphæðirnarekki þær sömu og t.d. í Icesave-
málinu. En það, hvernig ábyrgðir á
lánum sumra viðskiptavina Kaup-
þings voru felldar niður en annarra
ekki, skiptir klárlega máli. Upplýs-
ingar um það mál eiga erindi við al-
menning.
Kemur ykkur ekki við
Jón Daníelsson, prófessor í hagfræði við London
School of Economics skrifaði afar sannfærandi og
athyglisverða grein hér í miðopnu Morgunblaðsins
sl. þriðjudag, undir fyrirsögninni Þennan samning
verður að fella. Jón var vitanlega að vísa til Ice-
save-samningsins sem nú er til umfjöllunar á Al-
þingi.
Mér finnst rökstuðningur Jóns fyrir því að Al-
þingi verði að fella samninginn mjög sannfærandi.
Hann bendir á að vitanlega geti Íslendingar ekki
hlaupist undan ábyrgð, en ábyrgðin sé ekki ein-
vörðungu okkar. „Veruleg brotalöm var á eftirlits-
kerfi Evrópusambandsins og Fjármálaeftirlit
Bretlands og hollenski seðlabankinn sinntu ekki
eftirlitshlutverki sínu sem skyldi,“ sagði í grein
Jóns.
Við eigum því alls ekki að hafna samningaleið-
inni, heldur þessum vonda samningi og endur-
semja. Við því geta hvorki Bretar né Hollendingar
amast. Þjóðin á einfaldlega ekki að sætta sig við
þann skuldaklafa sem núverandi ríkisstjórn er
tilbúin að binda hana á.
Í þeim hluta greinar Jóns
sem fjallar um galla Ice-
save-samningsins segir
m.a.: „Samningurinn
samsvarar því, miðað við
höfðatölu, að Bretar
samþykktu 700 millj-
arða punda og Banda-
ríkjamenn 5,6 trilljónir
dollara.“ Með því
að líta á
skuldbind-
ingar okk-
ar í þessu samhengi, sést glöggt hversu galinn
þessi samningur er í raun og veru. Hann er til þess
fallinn að binda okkur í skuldafjötra í óþolandi
langan tíma, líka börnin okkar og barnabörnin.
Steingrímur J., er það þetta sem við ætlum að
bjóða þeim upp á, sem eiga að erfa landið?
Hart var deilt á fjármálaráðherra vegna Ice-
save-samkomulagsins og ríkisábyrgðarinnar á
borgarafundi í Iðnó á mánudagskvöldið síðasta.
Fundargestir stóðu úti þar sem húsfyllir var. Mik-
ill hiti var í fólki og beindust öll spjót að Steingrími
J. Sigfússyni, fjármálaráðherra. Steingrímur
brýndi fyrir fundargestum að Íslendingar mættu
ekki gefast upp og sagði að samkomulagið sem
náðst hefði við Hollendinga og Breta hefði verið
skásti kosturinn. Ef samningurinn yrði ekki sam-
þykktur færi hér „allt í klessu“.
Vinur minn, Einar Már Guðmundsson, rithöf-
undur, var fjármálaráðherra ekki sammála og
hann bókstaflega tók flokksbróður sinn, Steingrím
J. Sigfússon, í bakaríið. Einar Már sagði Steingrím
J. kalla á alla að þrífa, þegar í raun hefðu það bara
verið nokkrir óknyttapiltar sem rústað hefðu „al-
menningssalerninu“. Þeir væru þó löngu sloppnir
og þyrftu ekki að hafa neinar áhyggjur af hrein-
gerningunum því Steingrímur J. og stjórn hans
hefðu ráðið alla þjóðina til þess að þrífa.
Ég held bara að Steingrímur J. hafi verið heima-
skítsmát eftir þessa dembu frá flokksbróður sín-
um. (Einar Már var í framboði fyrir VG í vor, eins
skondið og það nú er!)
Fyrr í vor lofaði Steingrímur J. því að niður-
staðan í Icesave-samningnum yrði glæsileg. Hann
bakkaði að vísu með glæsileikann mjög skömmu
síðar úr pontu á Alþingi, en hann vill engu að síður
halda því til streitu að við samþykkjum þá afar-
kosti sem Svavar Gestsson og co. vilja bjóða þjóð-
inni upp á.
Jón Daníelsson lýkur hinni góðu grein sinni á
þriðjudag með þessum orðum: „Best færi á því að
fela samningagerðina bestu erlendu lögfræðingum
sem völ er á, óumdeilanlegum sérfræðingum í slík-
um samningum. Ríkisstjórnin myndi hafa yfirum-
sjón með samningnum – hugsanlega í nánara sam-
ráði við þingið en til þessa – en láta erlendu
sérfræðingana að mestu ráða för. Slíkir aðilar
þykja kannski dýrir, en lélegur samningur er mun
dýrari fyrir þjóðina. Við höfum ekki efni á að láta
íslenska áhugamenn semja við erlenda atvinnu-
menn.“
Hvert orð Jóns er satt og rétt, að mínu mati, og
hefði farið svo miklu betur á því, ef ríkisstjórnin
hefði haft vit á því að hlusta á og fara eftir góðra
manna ráðum þegar í upphafi.
Vitanlega átti það að vera hverjum manni ljóst,
hvort sem um var að ræða ráðherra í ríkisstjórn
Geirs H. Haarde, ráðherra í 85 daga minni-
hlutastjórn Jóhönnu Sigurðardóttur eða ráðherra í
núverandi ríkisstjórn, að
hagsmunirnir sem voru og
eru í húfi fyrir hina ís-
lensku þjóð, skattborg-
ara nútíðar og framtíðar,
eru af svo gígantískri
stærðargráðu, að engir
aðrir en afburða erlendir
lögfræðingar, hoknir af
reynslu, eiga að koma
nálægt því að semja
fyrir hönd íslensku
þjóðarinnar. Afdank-
aðir íslenskir póli-
tíkusar, diplómatar
og embættismenn
mættu þess vegna
vera á kaupi mín
vegna, við að
gera ekki neitt,
svo fremi sem
afburðamenn-
irnir sæju um
að landa betri
Icesave-
samningi –
miklu betri,
okkur öllum
til hagsbóta.
agnes@mbl.is
Agnes segir…
Steingrímur heimaskítsmát
Rithöfundurinn
Einar Már Guð-
mundsson tók
flokksbróður sinn í
bakaríið og sagði
að Steingrímur J.
og stjórn hans
hefðu ráðið alla
þjóðina til þess að
þrífa.
Ráðherrann
Steingrímur J.
Sigfússon segir að
ef Icesave-
samningurinn
verður ekki sam-
þykktur, fari hér
„allt í klessu.“
Svavar Gestsson Jón Daníelsson
Byggt á upplýsingum frá Veðurstofu Íslands
Veður víða um heim kl. 9.00 í gærmorgun að ísl. tíma °C Veður
Reykjavík 13 rigning Lúxemborg 19 heiðskírt Algarve 21 heiðskírt
Bolungarvík 9 alskýjað Brussel 17 heiðskírt Madríd 19 heiðskírt
Akureyri 11 alskýjað Dublin 15 skýjað Barcelona 23 heiðskírt
Egilsstaðir 9 alskýjað Glasgow 15 léttskýjað Mallorca 22 léttskýjað
Kirkjubæjarkl. 13 alskýjað London 17 heiðskírt Róm 22 léttskýjað
Nuuk 2 skýjað París 19 heiðskírt Aþena 27 léttskýjað
Þórshöfn 14 léttskýjað Amsterdam 18 léttskýjað Winnipeg 12 léttskýjað
Ósló 18 léttskýjað Hamborg 20 skýjað Montreal 19 alskýjað
Kaupmannahöfn 22 léttskýjað Berlín 22 heiðskírt New York 21 skýjað
Stokkhólmur 16 heiðskírt Vín 21 léttskýjað Chicago 19 skýjað
Helsinki 12 heiðskírt Moskva 8 þoka Orlando 27 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://morgunbladid.blog.is/
STAKSTEINAR
VEÐUR
5. júlí Fjara m Flóð m Fjara m Flóð m Fjara m Sólarupprás Sólsetur
REYKJAVÍK 5.11 3,1 11.18 1,0 17.38 3,5 23.54 0,9 3:15 23:50
ÍSAFJÖRÐUR 1.22 0,7 7.08 1,7 13.18 0,7 19.37 2,1 2:18 24:57
SIGLUFJÖRÐUR 3.18 0,4 9.59 1,1 15.40 0,5 21.41 1,3 1:57 24:45
DJÚPIVOGUR 2.07 1,7 8.15 0,6 14.51 2,0 21.03 0,7 2:33 23:32
Sjávarhæð miðast við meðalstórstraumsfjöru Sjómælingar Íslands/Morgunblaðið
Á mánudag og þriðjudag
Austlæg átt, 3-10 m/s og bjart
með köflum. Þó má búast við
dálítilli þokusúld við austur-
ströndina og á annesjum fyrir
norðan og stöku skúrum suð-
vestalands. Hiti 10 til 20 stig,
hlýjast vestantil.
Á miðvikudag, fimmtudag og
föstudag
Hæg breytileg átt eða hafgola,
þurrt að mestu og víða bjart
veður. Hiti 10 til 20 stig, hlýjast
í innsveitum.
VEÐRIÐ NÆSTU DAGA
SPÁ KL. 12.00 Í DAG
Austlæg átt, víða 5-10 m/s og
dálítil rigning með köflum, en
léttir til á N- og NA-landi. Hiti 12
til 23 stig, hlýjast fyrir norðan.
, ,