Morgunblaðið - 17.10.2009, Blaðsíða 8

Eftir Unu Sighvatsdóttur
una@mbl.is
„HUGMYNDIN kom upp vegna
þess að við vitum af hópum í
samfélaginu sem eiga hvergi
höfði sínu að halla, eru í útigangi,
og sum þeirra veigra sér við því
að leita sér aðstoðar á heilsu-
gæslum. Við viljum reyna að
nálgast þessa hópa,“ segir Þór
Gíslason, verkefnisstjóri hjá
Rauða krossinum sem hóf á dög-
unum nýtt verkefni til að sinna
þörfum jaðarhópa í samfélaginu.
Hugmyndin er í grunninn sú að
bjóða upp á nokkurs konar
heilsugæslu á hjólum sem flutt er
á milli staða í hjólhýsi á vegum
Rauða krossins. Að sögn Þórs
beinist þjónustan að fólki sem
stundar skaðlega lifnaðarhætti,
en lifnaðarhættir þeirra eru jafn-
framt oft ástæða þess að það leit-
ar sér ekki aðstoðar.
Allt í sjálfboðavinnu
„Við viljum koma til móts við
þessa hópa og þannig draga úr
heilsufarslegri skaðsemi þessara
lifnaðarhátta því það er ýmsilegt
sem einstaklingar í þessum að-
stæðum hirða ekki um að sinna.“
Verkefnið er unnið í samstarfi við
sjálboðaliða úr heilbrigðisgeir-
anum og hafa viðbrögðin verið
mjög góð, 17 hjúkrunarfræðingar
hafa þegar boðið fram krafta
sína. Helga Sif Friðjónsdóttir
hjúkrunarfræðingur, sem leiðir
verkefnið, segir heilsuhýsið
byggt á erlendri fyrirmynd, sam-
bærileg starfsemi þekkist víða
erlendis og hafi gefið góða raun.
„Rannsóknir hafa sýnt að svona
starfsemi dregur hreinlega úr
kostnaði í heilbrigðiskerfinu
vegna þess að þetta hjálpar þess-
um hópum, sem við vitum að eru
til í okkar samfélagi, að viðhalda
þeirri heilsu sem þau hafa á
þeirra forsendum.“ Þannig megi
t.d. fækka heimsóknum þessa
hópa á bráðamóttöku þar sem til-
fellunum er sinnt áður en þau
verða mjög alvarlegs eðlis.
Tvær vikur eru nú liðnar síðan
heilsuhýsið fór á götuna og hefur
starfið farið vel af stað að sögn
Helgu, fjórir hafa þegið hjálp frá
þeim og fleiri rekið inn nefið til
að skoða aðstæður. „Við vitum að
það tekur tíma að vinna sér inn
traust þessa fólks þannig að við
erum bara þolinmóð, kynnum
þjónustuna og byggjum smám
saman upp tengsl við þau. Þannig
að við erum í fyrsta fasa verkefn-
isins núna, að komast að því
hverjar þarfir þessa fólks eru og
hvernig við getum best hjálpað
þeim. Til dæmis reynum við að
finna út í samstarfi við þau hvar
er best að staðsetja okkur til að
ná til þeirra. Með því að vera á
hjólum getum við hjálpað þeim á
þeirra forsendum.“
Til að byrja með verða a.m.k.
tveir hjúkrunarfræðingar á vakt-
inni í heilsuhýsinu þá tvo daga
vikunnar sem það stendur opið.
Þar verður grunnheilbrigðisþjón-
ustu sinnt, s.s. sáraskiptum og
hreinsun sýkinga en vonast er til
að verkefnið stækki og hægt
verði að bjóða upp á enn víðtæk-
ari þjónustu með tíð og tíma.
Morgunblaðið/Ómar
Heilsuhýsið Sjálfboðaliðar skipta á umbúðum en síðar verður jafnvel boðið upp á kynsjúkdómatékk og tannhirðu.
Heilsugæsla á hjólum fyrir
jaðarhópa samfélagsins
Rauði krossinn og heilbrigðisstarfsfólk hjálpa útigangsfólki á þess forsendum
8 FréttirINNLENT
MORGUNBLAÐIÐ LAUGARDAGUR 17. OKTÓBER 2009
Hvað er heilsuhýsið?
N.k. færanleg heilsugæsla í
hjólhýsi, sem býður ókeypis þjón-
ustu fyrir jaðarhópa. Hjólhýsið
hefur verið notað þegar koma þarf
snögglega skjólshúsi yfir fólk og
veita því sálræna skyndihjálp, t.d.
við húsbruna en hefur staðið þess
á milli ónýtt fram til þessa.
Hvar verður heilsuhýsið?
Við dagsetur Hjálpræðishersins
á þriðjudögum milli kl. 16 og 18 og
kaffistofu Samhjálpar á fimmtu-
dögum frá kl. 15 til 17.
S&S
KATRÍN Jak-
obsdóttir
menntamála-
ráðherra kynnti
frumvarp til fjöl-
miðlalaga á
fundi
ríkisstjórnar-
innar í gær-
morgun. Frum-
varpið verður í
framhaldi kynnt
þingflokkunum eftir helgi, birt á
vefsvæði ráðuneytisins og óskað
umsagna hagsmunaðila. Ráðgert
er að flytja frumvarpið á Alþingi í
næsta mánuði en umfang umsagna
og athugasemda ræður endanlegri
tímaáætlun.
Katrín sagðist í samtali við
Morgunblaðið afar ánægð með
frumvarpið en í því fælust ýmsar
róttækar breytingar. „Það er bæði
verið að fjalla um hljóð- og mynd-
miðla og prentmiðla í einum lög-
um. Það er verið að færa löggjöf-
ina til nútímans og endurskilgreina
ýmislegt, enda mikið um nýja
miðla og nýjar leiðir til að miðla.“
Meðal nýmæla í frumvarpinu eru
ákvæði um vernd heimildarmanna
fjölmiðlafólks og hvernig ábyrgð
fjölmiðlafólks er skilgreind. „Það
hefur verið munur á milli ljósvaka-
miðla og prentmiðla og er verið að
reyna að færa það í sambærilegt
horf.“
Katrín reiknar með almennri
sátt um frumvarpið og vonast eftir
málefnalegri umræðu, hvort sem
er á þinginu eða úti í samfélaginu.
Fjölmiðlafrumvarp
kynnt öllum þing-
flokkum eftir helgi
Katrín
Jakobsdóttir
VÍMUVARNARVIKA, er nefnd
hefur verið Vika 43, hefst á
morgun, sunnudag. Að verkefn-
inu stendur
Samstarfsráð
um forvarnir,
SAMFO, sem er
vettvangur 18
félagasamtaka
er vilja leggja
forvörnum lið
og/eða hafa for-
varnir að mark-
miði starfs síns.
Að þessu sinni verður sjónum
manna beint að kannabisneyslu
ungs fólks, en ýmsir viðburðir
verða frá 18. til 24. október. Sér-
stakt veggspjald með upplýs-
ingum um skaðsemi kannabis
verður dreift í alla framhalds-
skóla og foreldrar verða einnig
hvattir til að vera vel á verði
gagnvart þeim vágesti sem fíkni-
efni eru, eins og segir í tilkynn-
ingu.
Efnt verður til morgunverð-
arfundar nk. þriðjudag kl. 8.15-
10 á Grand hóteli í samstarfi við
hópinn Náum áttum. Fundurinn
ber yfirskriftina Kannabis – um-
fang og afleiðingar. Önnur verk-
efni í Viku 43 má sjá á heimasíð-
unni www.vvv.is
Áhersla á kannabis
í vímuvarnarviku
„AÐ OKKAR mati fara umfangs-
miklar vínveitingar ekki saman við
uppeldisstarf og uppeldismarkmið
íþróttahreyfingarinnar,“ segir
Stefán Jóhann Stefánsson, fulltrúi
Samfylkingar í íþrótta- og tóm-
stundaráði Reykjavíkurborgar, en
ráðið samþykkti á fundi sínum í
gær bókun sem felur í sér að ráðið
vill sporna við áfengisneyslu á veg-
um íþróttafélaganna í borginni.
Aðspurður um aðdraganda máls-
ins segir Stefán að tvö íþróttafélög í
borginni, Fram og Fylkir, hafi sótt
um vínveitingaleyfi og í þess vegna
hafi verið óskað eftir umsögn ráðs-
ins. „Eftir umræður í málinu var
ákveðið að skipa starfshóp sem á að
fjalla um setningu viðmið-
unarreglna um áfengisveitingar í
íþróttamannvirkjum,“ segir Stefán.
Íþróttir og vínveit-
ingar fara ekki saman