Morgunblaðið - 02.11.2009, Blaðsíða 13

Daglegt líf 13
MORGUNBLAÐIÐ MÁNUDAGUR 2. NÓVEMBER 2009
Samsung Electronics ákvað að bjóða þessa þjónustu um leið og ljóst var, að
framleiðslugalli gæti hugsanlega valdið bilun í afþýðingarkerfi viðkomandi
kæliskápa.
Í undantekningartilvikum geta neistar myndast innan afþýðingarkerfisins og
hugsanlega valdið eldhættu og jafnvel slysahættu eða varanlegum skemmdum
á kæliskápnum.
Þó að afar litlar líkur séu á því að gallinn sé til staðar, hefur Samsung
ákveðið að bjóða eigendum viðkomandi kæliskápa ókeypis heimsóknar- og
viðgerðarþjónustu. Viðgerðarfólk okkar kemur í heimsókn, yfirfer kæliskápinn
og gerir við hann á staðnum ef þess reynist þörf. Í öryggisskyni mun þjónustan
einnig ná til þeirra tvöföldu kæliskápa sem eru með sambærilegt afþýðingar-
kerfi. Þær gerðir sem um ræðir eru taldar upp hér að neðan.
Ef þú ert eigandi að tvöföldum Samsung kæliskáp, hringdu í síma 530 2800
eða 461 5000 og fáðu nánari upplýsingar um kæliskápinn þinn. Þú getur
einnig sent okkur fyrirspurn í tölvupósti á netföngin oskarh@ormson.is eða
bjarni@radionaust.is. Ókeypis heimasóknar- og viðgerðarþjónusta Samsung
hefst 2. nóvember n.k.
Vörugæði, neytendavernd og ánægja viðskiptavina eru forgangsmál hjá Sams-
ung. Við kunnum viðskiptavinum okkar bestu þakkir og biðjumst velvirðingar á
þeim óþægindum sem þetta mál kann að valda.
ÁRÍÐANDI TILKYNNING
SAMSUNG RS 21 TVÖFALDIR KÆLISKÁPAR
Samsung Electronics á Íslandi hefur opnað heimsók-
nar– og viðgerðarþjónustu fyrir tvöfalda kæliskápa af
gerðinni RS21. Þjónustan tengist viðgerð á hugsanlegum
galla sem gert hefur vart við sig í einstökum kæliskápum,
framleiddum á tímabilinu mars 2005 fram í júní 2006.
Framleiðslu á þessari gerð kæliskápa hefur verið hætt.
Eftirfarandi gerðir falla undir ókeypis
heimsóknar- og viðgerðarþjónustuna okkar:
RS21, RS23, RS55, RS56, RS60, RSH1, RSH3,
RSE8, RSJ1, SN62, SN67
• Burðageta: 113kg.
• Spenna: 240VAC, einfasa.
• Hraði: Stillanlegur
• Keyrsla: Báðar áttir.
• Breidd: 300mm.
• Lengd: 600-6000mm.
• Aukahlutir mögulegir.
Spantech MC300HD
færiband með MicroSpan® reim
Spantech á Íslandi • Sími: 561 5114 • Email: spantech@simnet.is • www.spantechllc.com
HÁGÆÐA FÆRIBÖND
Eftir Svanhildi Eiríksdóttur
Reykjanesbær | „Það er alveg ótrú-
lega gaman að sjá hvað þau njóta
þess að koma við þetta efni, leirinn,“
sagði Inga Þórey Jóhannsdóttir,
myndlistarmaður og kennari, en hún
stýrir nú vetrarnámskeiði í Lista-
skóla barna, undir heitinu „Undur og
gersemar“. Ungu nemarnir í lista-
skólanum svöruðu undantekning-
arlaust að skemmtilegast væri að
vinna með leirinn, þegar blaðamaður
leit inn í skólanum um helgina.
Listaskóli barna hefur verið starf-
ræktur í Reykjanesbæ síðan 2003.
Fyrstu árin var um sumarnámskeið
að ræða, unnin í samstarfi við Félag
myndlistarmanna í Reykjanesbæ og
Leikfélag Keflavíkur. Að sögn Guð-
laugar Lewis, fræðslufulltrúa hjá
menningarsviði, sem hefur umsjón
með Listaskólanum, hefur lengi verið
áhugi fyrir því að gera Listaskóla
barna að heilsársverkefni. „Þetta er
fyrsta skrefið, að bjóða upp á styttri
námskeið, sem vonandi verður að
reglulegu vetrarstarfi. Draumurinn
er að starfsemin muni á endanum
spanna heila önn og skólanum þá
skipt upp í haustönn og vorönn með
samfelldu námskeiði. Hér er vett-
vangur fyrir listræn börn sem vilja
virkja sköpunargleðina. Það eru ekki
allir sem finna sig í íþróttum og því er
nauðsynlegt að hafa þetta mótvægi.
Þá er ekki síður nauðsynlegt að efla
skapandi hugsun og frumkvæði.“ Það
er einmitt markmið námskeiðsins,
ásamt því að þjálfa sjónræna athygli
og þroska almenn vinnubrögð og til-
finningu fyrir formi og efni.
Stjórnlaus útkoma
Inga Þórey sagði í samtali við
blaðamann að hún hefði í upphafi lagt
áherslu á sjónrænu athyglina með
skuggaleikhúsi og að sýna nem-
endum hvernig skuggi verður til með
því að beina ljósi í ákveðna átt. „Í dag
erum við að gera tilraun með grunn-
litina þrjá, ásamt hvítum lit. Þau eru
að kanna hversu margir tónar koma
úr blöndum grunnlitanna og útkoman
verður notuð sem bakgrunnur í
næsta verkefni, sem er málun mynd-
ar,“ sagði Inga Þórey.
Vinkonurnar Írena og Karen voru
önnum kafnar við tilraunina þegar
blaðamann bar að garði og þeim
fannst hún áhugaverð og skemmtileg.
Þær settu glerkúlur ofan í box með
einum grunnlitanna, létu síðan gler-
kúlurnar ofan á hvítt blað í skókassa
og hristu kassann. Kúlunum var síð-
an dýft ofan í fleiri liti og aftur ofan í
kassann og hann hristur. Útkoman
var skemmtileg og að sögn Ingu Þór-
eyjar er á engan hátt hægt að stjórna
henni. „Það er einungis hægt að
stjórna magni lita og fjölda kúlna.“
Námskeiðinu Undur og gersemar
lýkur um miðjan nóvember en boðið
verður upp á annað námskeið eftir
áramót. Guðlaug sagði mikið lagt upp
úr því að hafa fagmenntaða leiðbein-
endur á námskeiðunum.
Morgunblaðið/Svanhildur Eiríksdóttir
Óræð útkoma Írena og Karen kíkja spenntar ofan í kassann til að sjá hver útkoma litatilraunarinnar yrði.
Undur og gersemar í
myndverkum barnanna
Listaskóli barna er nú
starfræktur yfir vetrar-
tímann í Reykjanesbæ
Kennarinn Inga Þórey kíkir ofan í kassann hjá Örnu Völu til að líta á útkom-
una. Arna Vala var að gera sína þriðju tilraun og var ánægð með útkomuna,
enda tilraunin skemmtileg. Næst henni situr Birgitta, þá Telma og Íris.
Hver er hugmyndin að baki Listaskóla barna?
Listaskólinn er tilraun til að skapa börnum í sveitarfélaginu tækifæri til þátt-
töku í listrænu og skapandi starfi. Lögð er áhersla á myndræna tjáningu og
leikræna tjáningu á sumarnámskeiðunum en á veturna er lögð áhersla á sjón-
rænu athyglina.
Hversu margir nemendur eru í skólanum?
Yfir sumarið hafa nemendur verið um 80 á tveimur námskeiðum en á þessu
fyrsta vetrarnámskeiði eru 7 nemendur.
Hvert á fólk að snúa sér til að fá upplýsingar og skrá nemendur?
Á heimasíðu Reykjanesbæjar er að finna greinagóðar upplýsingar um Lista-
skóla barna. Námskeið eru auglýst á heimasíðunni og á auglýsingatorgi
Reykjanesbæjar í staðarblöðunum. Einnig er hægt að senda tölvupóst á net-
fangið listaskolinn@reykjanesbaer.is.
S&S
Fáðu fréttirnar
sendar í símann þinn