Norðurland - 03.12.1986, Blaðsíða 3
NORÐURLAND - 3
Gleymið ekki smáfuglunum!
Mynd. -yk.
Gigtarfélag á Akureyri
Stofnfundur verður haldinn á Hótel KEA
næstkomandi mánudag
Áhugahópur um stofnun
gigtarfélags á Akureyri hyggst
gangast fyrir kynningar- og
undirbúningsstofnfundi á
Hótel KEA mánudaginn 8.
des. n.k. klukkan 20:30 og
þangað eru allir velkomnir,
bæði gigtsjúkir og aðstandend-
ur þeirra, svo og aðrir sem
áhuga hafa á að taka þátt í bar-
áttunni við þennan skæða
sjúkdóm.
Á blaðamannafundi sem hóp-
urinn hélt fyrir skömmu kom
fram að á Akureyri er stór hópur
fólks með gigt og ef hlutfall gigt-
sjúkra hér er líkt því sem annars
staðar gerist má áætla að 1200 til
1400 Akureyringar séu slæmir af
gigt. Miklu fleiri verða einhvern
tíma á ævinni fyrir barðinu á gigt
eða u.þ.b. annar hver maður.
Gigtin er algengasta orsök
fötlunar og fjarvista frá vinnu og
þessvegna dýrasti sjúkdómur
þjóðarinnar í beinhörðum pen-
ingum.
Gigtarsjúkir eiga sér hags-
munafélag, Gigtarfélag íslands,
sem er 10 ára um þessar mundir
en að sögn þeirra sem nú vilja
stofna gigtarfélag á Akureyri hef-
ur starf þess að mestu miðast við
uppbyggingu og þjónustu við
gigtsjúka á höfuðborgarsvæðinu.
Með stofnun félags hér nyrðra er
vonast til að flýta megi fyrir upp-
byggingu þjónustu við gigtsjúka
sem um margt er töluvert ábóta-
vant. Hér er t.d. enginn starfandi
gigtarsérfræðingur og endurhæf-
ingar- og þjálfunaraðstaða fyrir
gigtveika er afar bágborin.
Að sögn Halldórs Halldórsson-
ar yfirlæknis, sem hefur töluvert
fengist við gigtveika, standa von-
ir til að skapist aðstaða fyrir með-
ferð á gigtveikum í endurhæf-
ingardeild sem áætlað er að rísi
við Kristnesspítala. Pó er sá ann-
marki á að þar er ekki gert ráð
fyrir sundlaug, en vatsnmeðferð
er afar mikilvæg í þjálfun gigt-
veikra.
„Síðast en ekki síst teljum við
að með því að vera í félagi getum
við veitt hvert öðru þann mór-
alska stuðning sem gigtveikir og
aðstandendur þeirra, t.d. foreldr-
ar barna með liðagigt, þurfa svo
mjög á að halda. Það eru nefni-
lega svo fáir aðrir sem vita að það
er ekkert „bara“ að vera með
langvarandi gigt,“ segir í niður-
lagi fréttatilkynningar sem dreift
var á fundinum. -yk.
Kjaramál:
Uppstokkun launakerfis
Nauðsynleg til að hægt verði að bæta kjör
þeirra lægstlaunuðu
Iðja, félag verksmiðjufólks á
Akureyri hefur sent frá sér
svohljóðandi ályktun um
kjaramál:
Fundur í stjórn og trúnaðar-
mannaráði Iðju, félags verk-
smiðjufólks á Ákureyri, haldinn
18. nóvember 1986 leggur höfuð-
áherslu á að við komandi samn-
inga verði kjör þeirra lægstlaun-
uðu leiðrétt. Fað verði gert með
uppstokkun launakerfisins,
færslu kaupauka og álags inn í
taxtakaup og grunnkaupshækk-
unum.
Fundur í stjórn og trúnaðar-
mannaráði bendir á að niður-
staða launakönnunar kjararann-
sóknarnefndar sýnir svo ekki
verður um villst, að laun iðn-
verkafólks eru lélegri en laun í
flestum öðrum starfsgreinum.
Við það verður ekki unað. Mark-
mið næstu samninga eru því að
leiðrétta það misrétti sem verka-
fólk hefur orðið fyrir í kjaralegu
og launalegu tilliti. Niðurstaða
komandi samninga verður að
vera sú að hægt sé að lifa af dag-
vinnulaunum.
Fundurinn fagnar framkom-
inni ályktun frá sambandsstjórn
og formannafundi Alþýðusam-
bands Norðurlands, sem haldinn
var 15. nóvember s.l., þar sem
lögð er megináhersla á að í kom-
andi samningum verði að nást
kjaralegt jafnvægi og leiðréting
milli starfstétta, landshluta og
kynja.
Fundurinn hvetur félagsmenn
Iðju til að búa sig undir komandi
samninga og til samstöðu um
ofangreind markmið.
Franz Árnason
hitaveitustjóri
í gær samþykkti bæjarstjórn
Akureyrar tillögu stjórnar
veitustofnana bæjarins um að
ráða Franz Árnason í starf
hitaveitustjóra.
Alls sóttu 9 um starf hitaveitu-
stjóra, þar af óskuðu tveir nafn-
leyndar. Hinir eru: Eiríkur
Jónsson, verkfræðingur, Ólafur
Wernersson, tæknifræðingur, dr.
Stefán G. Jónsson, eðlisfræðing-
ur, Steinar Frímannsson, verk-
fræðingur, Sæþór L. Jónsson,
tæknifræðingur og Þorsteinn Sig-
urðsson, verkfræðingur.
Einhugur var í veitustjórn og
bæjarstjórn um að ráða Franz.
-yk.
ALÞYÐUBANDALAGIÐ
Lárusarhús.
Stuðningsfólk
Alþýðubandalagsins
Þeir sem ganga í Alþýðubandalagið, í síðasta
lagi á kjördag, 6. des. n.k., geta tekið þátt í forvali
Alþýðubandalagsins í Norðurlandskjördæmi
eystra. Formenn félaganna skrá nýja félaga en
þeir eru:
Björn Valur Gíslason, Ólafsfirði, sími 62501,
Kristján Aðalsteinsson, Dalvík, sími 61665,
Hilmir Helgason, Akureyri, sími 22264, Hjörleifur
Sigurðarson, S. Þing., sími 44266, Helgi Krist-
jánsson, Húsavík, sími 41343, Stefán Leifur
Rögnvaldsson, Öxarfirði, sími 52230, Þorsteinn
Hallsson, Raufarhöfn, sími 51243, Dagný Marin-
ósdóttir, Þórshöfn og nágr., sími 81166.
Sjá einnig auglýsingu um kjörstaði á örðum stað
í blaðinu.
Stjórn kjördæmisráðs Alþýðubandalagsins
í Norðurlandskjördæmi eystra.
Alþýðubandalagið á Akureyri
Opið hús
verður á forvalsdaginn, 6. desember klukkan
15:00 til 17 :00.
Kaffiveitingar.
Stjórn ABA
Sjálfboðaliðar óskast
Nú standa fyrir dyrum endurbætur á Lárusarhúsi,
Eiðsvallgötu 18, bæði að utan og innan. Það á að
þrífa og mála og dytta að einu og öðru og ætlun-
in er að Ijúka sem mestu áður en kosningabarátt-
an kemst í algleyming, seinni hluta vetrar.
Þeir sem gætu hugsað sér að leggja hönd á
plóginn eru beðnir að setja sig í samband við
formann hússtjórnar, Ingibjörgu Jónasdóttur, í
síma 25363 (h) eða 25392 (v).
Hússtjórn Lárusarhúss.
Bæjarmálaráð
Alþýðubandalagsins á Akureyri
heldur fundi 1. og 3. mánudag hvers mánaðar.
Þar koma bæjarfulltrúar og nefndamenn Alþýðu-
bandalagsins saman og ræða um dagskrá
næsta bæjarstjórnarfundar, auk annarra mála
sem upp kunna að koma hverju sinni.
Allir félagar velkomnir.
Stjórn bæjarmálaráðs.
Bæjarmálaráð
Alþýðubandalagsins á Akureyri
Fundur verður haldinn n.k. mánudag, 8. des-
ember, um skipulag skólahverfa á Akureyri. Rætt
verður um framtíðaráætlun til næstu 10 ára.
Stjórnin.