Norðurland - 03.12.1986, Blaðsíða 5

NORÐURLAND - 5
i meirihlutans
un með sameiginlegum forstöðu-
manni. Þessi ákvörðun var tekin í
tengslum við ákveðna uppstokk-
un í stjórnskipan bæjarins, sem
hlýtur reyndar að hafa verið mik-
ið átak fyrir bæjarstjórn undir
forystu framsóknarmanna, því
þar er um afdrifaríka stefnu-
mörkun að ræða. Rétt er þó að
geta þess að farið var afar varlega
í allar breytingar og langt í frá að
búið sé að endurskipuleggja
stjórnsýslu bæjarins eins og ætl-
unin var að gera. En þetta var
útúrdúr. Ég var að tala um sam-
einingu Lystigarðs og Náttúru-
gripasafns.
Umhverfismálanefnd bæjarins
gerði tillögur að stefnumótun
bæjarstjórnar fyrir hina nýju
náttúrufræðistofnun. Nefndin
lagði til að þeirri starfsemi sem
verið hefur í garðinum og safninu
yrði fram haldið og leitast við að
efla hana. Einnig lagði nefndin til
að leitað yrði eftir auknum verk-
efnum á sviði náttúrurannsókna á
Norðurlandi, en fyrirsjánlegt er
að töluvert mun falla til af slíkum
verkefnum á næstu árum og yrðu
þau að líkindum unnin af vís-
indamönnum úr Reykjavík að
öðrum kosti.
Þessi síðari liður yfirlýsingar-
innar féll bæjarfulltrúum vel í
geð, enda útlátalítið að ætla að
reka stofnun á verkefnum sem
aðrir greiða. Hitt var þeim erfið-
ari biti að kyngja að samþykkja
að haldið yrði áfram þeirri starf-
semi sem verið hefur á kostnað
bæjarins til þessa. Þann hluta
vildu fulltrúar meirihlutans og
framsóknar fella út og til að friða
þá sem múðruðu var sagt að eðli-
legra væri að væntanlegur for-
stöðumaður tæki þátt í að móta
stefnuna. Gunnar Ragnars
bæjarfulltrúi íhaidsins sagði
eitthvað á þá leið að varhugavert
væri að fara að samþykkja ein-
hverja stefnumótun sem síðan
yrði veifað framan í menn í tíma
og ótíma. í sama streng tók
Sigurður J. Sigurðsson og báðir
komu þeir því fram eins og sannir
framsóknarmenn.
Vandinn sem þessum heiðurs-
mönnum sést yfir er hins vegar sá
að ef engin staðfesting liggur fyrir
um stefnu bæjarins í málefnum
Lystigarðs og Náttúrugripasafns
er ekki víst að nokkur maður
kæri sig um að sækja um starf
forstöðumanns. Ekki verður
reynslan til að fegra starfið því
það hefur ekki vantað viljann hjá
forstöðumanni Náttúrugripasafns
og stjórn safnsins á undaförnum
árum til að móta stefnu sem duga
mætti til að lyfta því á þann stall
sem það verðskuldar sem vís-
indastofnun. Það hefur hins veg-
ar staðið á bæjarstjórninni sem
furðu lítinn áhuga hefur sýnt því
stórmerkilega starfi sem for-
stöðumenn og aðrir starfsmenn
safnsins hafa unnið við rannsókn-
ir á náttúru landsins, sérstaklega
gróðri. Það að þessum rannsókn-
um verði haldið áfram er for-
senda fyrir því að hæfustu menn
á sviði náttúruvísinda sækist eftir
starfi forstöðumanns hinnar nýju
náttúrufræðistofnunar, - sem
mér finnst reyndar mun smekk-
legra að nefna „Náttúrustofu
Norðurlands."
Vonandi átta akureyrskir
„framsóknarmenn“, - hvar í
flokki sem þeir standa, - sig á því
að í þessu máli þýðir ekkert ann-
að en að sýna stórhug og setja
markið hátt. Ef bærinn býr
myndarlega að hinni nýju stofn-
un og sér til þess að þar verði
merki vísindanna áfram haldið
hátt á lofti, þarf ekki að óttast að
þeir peningar sem í það verða
lagðir skili sér ekki aftur til
bæjarins í einhverri mynd. Til
þess að af því megi verða þarf að
marka stefnu, undanbragðalaust
og sem fyrst.
Höfundur er fulltrúi Alþýðubandalagsins í
u/nhverfismálanefnd Akureyrar en sú nefnd fer
m.a. með málefni Lystigarðsins og Náttúru-
gripasafnsins á Akureyri.
AKUREYRARBÆR
Akureyrarbær auglýsir
Atvinnulóðir í Innbæ
Bæjarstjórnin hefur ákveðið að kanna áhuga á upp-
byggingu svæðis fyrir blandaðan atvinnurekstur í
Innbænum (sjá kort). Áformað er að skipuleggja
svæðið síðan með hliðsjón af óskum og þörfum
áhugaaðila.
Margskonar rekstur getur komið til álita á svæðinu,
s.s. þjónusta fyrir ferðamenn, almenn þjónusta og
verslun fyrir bæjarbúa, vinnustofur/verkstæði, iðn-
rekstur í smáum einingum o.s.frv. Vegna sérstaks
varðveislugildis Innbæjarins og nálægðar svæðisins
við íbúðabyggð mun verða lögð megináhersla á að
lóðir og byggingar verði sem snyrtilegastar og að
starfseminni fylgi ekki ónæði eða mengun.
Áhugaaðilar geta komið óskum sínum og sjónarmið-
um á framfæri, skriflega eða munnlega, við skipu-
lagsdeild Akureyrarbæjar Hafnarstræti 81, fram til
15. desember nk.
Skipulagsdeildin veitir einnig allar nánari upplýsing-
ar.
Skipulagsstjóri.
„Skynsamleg menningarstefna opinberra aðila sem miðaði að því að efla Akureyri, er stórmerkilegt landsbyggðar-
mál.“ Mynd: KGA
Menningarmál:
„Sjálfstæðismál að
íslenskt menningarlíf
sé sem öflugasf
- segir Þröstur Ásmundsson, fulltrúi Alþýðubandalagsins
í menningarmálanefnd Akureyrar
Nýlega var haldið málþing
um menningarmál á Akureyri
og var það menningarmála-
nefnd Akureyrar sem boðaði
til þingsins. Fulltrúi Alþýðu-
bandalagsins í menningarmála-
nefnd er Þröstur Ásmundsson.
Norðurland spurði hann
hvemig þetta fyrsta og væntan-
lega ekki síðasta málþing um
menningarmál hefði tekist.
„Ég held að flestir séu sam-
mála um að þetta málþing hafi
tekist vel, enda var þátttakan góð
og þarna voru viðraðar ýmsar
athyglisverðar hugmyndir og
ábendingar til menningarmála-
nefndarinnar. Markmið nefndar-
innar var einmitt að fá þá sem
best þekkja til, til að setja fram
tillögur um það hvernig bæjar-
félagið fyrir sitt leyti gæti skapað
menningarstarfsemi í bænum
sem þroskavænlegust skilyrði.
Og mér virtust flestir sammála
um að okkur vanti hér ýmislegt
til að lista- og menningarlíf hafi
þá umgerð eða starfsramma sem
nauðsynlegur er og sómi okkar
býður. Menningarmiðstöð í einni
eða annarri mynd er á dagskrá á
Akureyri um þessar mundir. En
málþingið sýndi að menn þurfa
að skýra hugmyndir sínar og
glöggva sig betur á einstökum
þáttum málsins. Við þurfum að
passa okkur á því að rugla ekki of
miklu saman í þessu efni. í
háskólamálinu þurfum við Akur-
eyringar að koma okkur niður á
einfalda og framkvæmanlega
hugmynd og reynast síðan menn
til að koma henni í gegn. Ég er
hins vegar ekki viss um að við
ættum að blanda því máli of mik-
ið saman við væntanlega menn-
ingarmiðstöð. En auðvitað þarf
að skoða þetta allt saman mjög
vel og ég vil að sjálfsögðu ekki
fullyrða of mikið að óathuguðu
máli.“
- En nú er starfssvið menning-
armálanefndar mjög víðtækt.
Undir hana falla t.d. húsfriðunar-
sjóður og söfn. Kostar ekki mikla
peninga að sinna öllum þessum
málum sómasamlega?
„Að sjálfsögðu kostar þetta
allt saman peninga. En við sem
teljum að það sé eitt merkileg-
asta sjálfstæðismál okkar um
þessar mundir að íslenskt menn-
ingarlíf sé sem öflugast þegar
fjölmiðla og afþreyingariðnaður-
inn dembir yfir okkur í sívaxandi
mæli alþjóðlegri lágmenningar-
undanrennu. r- við sjáum að sjálf-
sögðu ekki eftir þeim fáu krónum
sem varið er til menningarmála.
Og það sama á við um framlög til
safna og húsfriðunarmála. Einnig
þar er sérstök ástæða til örlætis. I
því efni gildir almennt séð að því
betur sem menn skynja dýrmæti
þess sem þeim er á hendur falið
til varðveislu, þeim mun hug-
fólgnara er þeim það og þeim
mun sárara er þeim um það í
heimi sem mælir allt á eina stiku
peninga og stundargróða. And-
varaleysi á þessu sviði mun hefna
sín. Skuld okkar er sú að skila
því sem við höfum þegið í hendur
þeirra sem á eftir koma. Það á
svo eftir að koma í ljós hversu
miklu fé menn eru reiðubúnir að
verja til þeirra málefna sem
menningarmálanefnd hefur með
höndum. Ég verð að játa að ég er
þar nokkuð bjartsýnn, enda þyk-
ist ég vita að það keppikefli allra
góðra manna, hvar í flokki sem
þeir standa, að sem flestir fái
tækifæri, bæði til að skapa list og
njóta listar og menningarstarfs.
í þessu sambandi vil ég undir-
strika að skynsamleg menningar-
stefna opinberra aðila sem mið-
aði að því að efla Akureyri er
stórmerkilegt landsbyggðarmál.
Mér sýnist á ýmsu að nú séu
ákveðin umskipti á döfinni í
landsbyggðarmálum. Það er
mjög mikilvægt - og mun áhrifar-
íkara en margir halda - að við
eflum sjálfir með okkur metnað á
öllum sviðum, ekki bara í
atvinnumálum heldur líka í
skóla- og menningarmálum. Ef
við erumsjálfir stórir í sniðum í
þessum málum getum við með
góðri samvisku gert kröfur um að
ríkisvaldið sinni myndarlega rétt-
mætum skyldum sínum við þetta
höfuðvígi landsbyggðarinnar - í
menningarmálum jafnt og á öðr-
um sviðum. Um þetta þarf að
nást pólitísk samstaða hér í bæn-
um og þá er ekki eftir neinu að
bíða með aðgerðir. Þess vegna
vona ég líka að bæjaryfirvöld
sýni þeim ábendingum sem fram
komu á málþinginu um daginn
fullan skilning," sagði Þröstur að
lokum.