Morgunblaðið - 14.11.2009, Blaðsíða 6
6 FréttirINNLENT
MORGUNBLAÐIÐ LAUGARDAGUR 14. NÓVEMBER 2009
Eftir Ágúst Inga Jónsson
aij@mbl.is
AUKIN skjálftavirkni á Hengils-
svæðinu um miðja vikuna er rakin
til niðurdælingar á vatni í borholu
Orkuveitu Reykjavíkur. Um hundr-
að jarðskjálftar áttu upptök við
holuna, sem er í grennd við Hús-
múla, þeir stærstu rúmlega tveir á
Richter. Veðurstofan hefur verið í
sambandi við Orkuveituna vegna
þessa, en dælingunni lauk í gær.
Einar Gunnlaugsson, jarðfræð-
ingur hjá Orkuveitu Reykjavíkur,
segir greinilegt að skjálftarnir
tengist ádælingu á holu, sem hafi
verið tiltölulega þétt. Undanfarið
hafi því verið reynt að opna hana
betur, svo hún gæti tekið við meira
affallsvatni.
„Holan er rúmlega tvö þúsund
metrar og sker nokkur misgengi,“
segir Einar. „Út af fyrir sig sýna
skjálftarnir að við höfum náð
árangri, því vatnið hefur komist út
í þessi misgengi og við það orðið
einhver hreyfing.“
Í lok síðasta mánaðar var dælt á
holuna í tvo daga vegna borunar og
svo aftur í þessari viku til að örva
hana. 70 sekúndulítrum af köldu
vatni var dælt niður í holuna þegar
mest var. Eftir að skjálftavirkni
jókst var reynt að stýra dælingunni
til að byggja upp þrýsting neðst í
holunni, milli 1.900 og rúmlega tvö
þúsund metra, að sögn Einars
Gunnlaugssonar.
Hann segir það þekkt að
skjálftavirkni geti tengst jarðbor-
unum og þá einkum vatnskælingu
við boranir. Við slíkar fram-
kvæmdir sé vel fylgst með mæl-
ingum Veðurstofunnar á skjálfta-
virkni.
Getur valdið jarðskjálftum
Einar Kjartansson, jarðeðl-
isfræðingur á Veðurstofu Íslands,
segir að Veðurstofan hafi fylgst ná-
ið með virkninni á Hengilssvæðinu
undanfarið og óskað eftir upplýs-
ingum frá OR. Hann segir að frá
mánudegi til fimmtudagskvölds hafi
um 100 jarðskjálftar átt uptök við
Húsmúla og þrír þeir stærstu hafi
verið yfir tvö stig á Richter. Marg-
ir skjálftanna eigi upptök neðar en
holan sem sé rúmlega tveir kíló-
metrar að dýpt.
Lítið hafi verið af jarðskjálftum
á Hellisheiði, Reykjanesi eða Suð-
urlandi undanfarið og meirihluti
skjálfta sem hafi komið fram á
mælum Veðurstofunnar hafi átt
upptök við holuna við Húsmúla,
skammt frá Sleggjubeinsskarði.
Virknin hafi verið mjög staðbundin,
en núna hafi dregið úr henni. „Það
er þekkt að þrýstingsbreyting get-
ur valdið jarðskjálftum og í þessu
tilviki hefur vatnsþrýstingur líklega
haft þessi áhrif á brotfletina svo
spennan hefur breyst,“ segir Einar
Kjartansson.
Á vegum Veðurstofunnar er
Reykjanesskagi og Suðurlandsund-
irlendi vel vaktað með jarð-
skjálftamælum.
Dæling í borholu framkallaði
jarðskjálfta á Hengilssvæðinu
Morgunblaðið/RAX
Orkan beisluð Orkuveitan hefur látið bora margar holur á Hellisheiði og Hengilssvæðinu undanfarin ár.
Veðurstofan óskaði upplýsinga frá Orkuveitunni Hundrað skjálftar við Húsmúla
ÍSLEIFUR VE hefur síðustu daga
svipast um eftir gulldeplu suð-
austur af Vestmannaeyjum en án
árangurs. Skipið heldur aftur út á
sunnudagskvöld og þá vestur fyrir
Eyjar.
Fyrstu skipin eru byrjuð á veið-
um á íslensku sumargotssíldinni, en
ráðherra gaf í vikubyrjun út 40 þús-
und tonna upphafskvóta. Faxi RE
var skammt frá Stykkishólmi í gær,
en að sögn Alberts Sveinssonar,
skipstjóra, sást lítið af síld auk þess
sem veður var erfitt og því hafði
hann ekki kastað. Í fyrradag fengu
Sighvatur Bjarnason VE og Börkur
NK síld á svipuðum slóðum. Albert
sagði það ekki nýtt að síldin væri
brellin og stundum erfið við að eiga.
Nokkur fullvinnsluskip eru enn að
veiðum á norsk íslensku síldinni úti
fyrir Norður-Noregi. aij@mbl.is
Gulldeplan hefur
ekki fundist og
síldin er brellin
HEILDARAFLI
íslenskra skipa
nam 66.921 tonni
í október, sem er
tæplega 29%
minna en kom á
land í sama mán-
uði á síðasta ári.
Aflinn var þá
93.959 tonn.
Breytingin skýrist nær alfarið af
síldarafla á milli ára. Metinn á föstu
verði var aflinn 3,2% minni í októ-
ber í ár en í fyrra. Það sem af er
árinu hefur aflinn aukist um 5,9%
miðað við sama tímabil 2008, sé
hann metinn á föstu verði.
Í frétt frá Hagstofunni um afla-
brögð í október segir m.a. að botn-
fiskafli hafi dregist saman um rúm
1.000 tonn frá október 2008 og
numið rúmum 39.000 tonnum. Þar
af var þorskaflinn tæp 16.000 tonn,
sem er um 5.000 tonnum meira en
árið áður. aij@mbl.is
Samdráttur vegna
minni síldarafla
Eftir Þórð Gunnarsson
thg@mbl.is
Skiptastjóri þrotabús Baugs mun
samkvæmt heimildum Morgunblaðs-
ins höfða mál til að rifta færslu eigna
úr Baugi yfir til Gaums í október
2008. Um er að ræða sölu á félaginu
BG Danmark, en meðal eigna félags-
ins voru fasteignir í Danmörku, skíða-
skáli í Frakklandi auk einnar bifreið-
ar. Skiptastjóri Baugs er Erlendur
Gíslason frá Logos.
Engir peningar komu við sögu í
færslunni á félaginu frá Baugi til
Gaums. Hins vegar var krafa Gaums
á hendur Baugi notuð til skuldajöfn-
unar þegar BG Danmark var fært frá
Baugi. Samkvæmt heimildum Morg-
unblaðsins telur skiptastjórn Baugs
þá kröfu ekki eiga rétt á sér og verð-
lagningu BG Danmark í færslunni til
Gaums ranga og kröfuhöfum Baugs
þar með mismunað.
Lánuði Baugi veð í bréfum
Krafan sem um ræðir kom til þegar
Gaumur lánaði Baugi veð í hlutabréf-
um í Glitni, sem Baugur notaði síðan
sem tryggingu við fjármögnun í gegn-
um framvirkan samning. Við hrun
bankakerfisins varð veðið í viðkom-
andi Glitnisbréfum síðan verðlaust,
þannig að Baugur gat ekki afhent þau
til baka á tilsettum tíma.
Kröfunni var þá breytt í peninga-
kröfu, sem notuð var til að skulda-
jafna vegna færslunnar á BG Dan-
mark yfir í Gaum, eins og áður sagði.
Ekki er sjálfgefið að veðið sem
Baugur fékk lánað breytist sjálfkrafa
í peningakröfu við hrun bankanna.
Skiptastjóri er því sagður munu óska
eftir riftun á sölunni og dómsmál
verður höfðað þar að lútandi.
Mun krefjast
riftunar á sölu
Skuldajöfnun Baugs við Gaum ólögmæt
ÞAÐ sem af er ári hafa um 92 þúsund manns heimsótt Hellisheiðarvirkjun,
að því er fram kemur á heimasíðu OR. Margir hafa líka tekið þátt í skipu-
lögðum gönguferðum Orkuveitunnar um Hengilssvæðið. Einnig má nefna
hestaferðir og ferðir útivistarfólks um svæðið án þess að nokkur hafi hald-
ið um það sérstakar skýrslur. „Mikilvægt er í framtíðarþróun svæðisins að
standa vörð um kosti þess sem göngu- og útivistarsvæðis. Brýningar um að
ganga vel um virkjanasvæðið og raska ekki meiru en nauðsyn krefur eru
teknar alvarlega af Orkuveitunni,“ segir á or.is aij@mbl.is
Um 92 þúsund manns hafa heimsótt
Hellisheiðarvirkjun það sem af er ári
Samfara byggingu Kára-
hnjúkavirkjunar og gerð Háls-
lóns var sett var upp net jarð-
skjálftamæla norðan Vatna-
jökuls. Mikið farg fylgdi lóninu
og talið var hugsanlegt að
breytingar yrðu á þrýstingi í
grunnvatnskerfum. Vegna
þessa var sérstaklega vel fylgst
með virkni og hafa vísindamenn
velt fyrir sér hvort fylgni hafi
verið milli fyllingar Hálslóns og
hrinu skjálfta við Upptyppinga.
Net skjálftamæla
HÉRAÐS-
DÓMUR Reykja-
víkur hefur
dæmt 29 ára
karlmann í
þriggja mánaða
skilorðsbundið
fangelsi fyrir að
hafa um nokk-
urt skeið staðið
að ræktun kannabisplantna eða
þar til lögregla fann 204 plöntur
í húsnæði mannsins. Auk þess
fundust rúm fjögur hundruð
grömm af kannabislaufum og lás-
bogi. Maðurinn þarf að greiða
140 þúsund krónur í sak-
arkostnað.
Lögregla höfuðborgarsvæðisins
gerði húsleit hjá manninum í
apríl síðastliðnum. Fyrir utan
fíkniefnin, plönturnar og lásbog-
ann var lagt hald á þrettán hita-
lampa, þrjá loftræstikassa, 206
blómapotta og eitt vatnskerfi til
ræktunar. Héraðsdómur féllst á
kröfu fulltrúa lögreglustjóra þess
efnis að munirnir yrðu gerðir
upptækir.
Maðurinn játaði brot sín ský-
laust. Hann á að baki þrjár sekt-
argerðir, eina vegna fíkniefna-
lagabrots á árinu 2002 og tvær
vegna umferðarlagabrota í maí á
þessu ári. andri@mbl.is
Skilorð fyr-
ir ræktun
Lögreglan fann 204
kannabisplöntur
Tímapantanir 534 9600
Hlíðasmári 11, 201 Kópavogur -www.heyrn.is
Bjóðum úrval af dönskum ReSound heyrnartækjum
* Heyrnarþjónusta
* Heyrnarvernd
* Heyrnarmælingar
* Heyrnartæki
* Ráðgjöf
Hjá Heyrn er veitt alhliða þjónusta til að bæta
úr heyrnarskerðingu undir faglegri ábyrgð
Ellisifjar K. Björnsdóttur, heyrnarfræðings.
Ellisif K. Björnsdóttir
heyrnar fræðingur